আবোওয়াঃ ওয়েব পেজ- নুনদিন ধৗবিচ্ ৫মে রেগে পন্ডিত রঘুনাথ মুরমুওয়াঃ জানাম মাহা মানাও হেচ্ আকানা। নেশগে পোয়লো পছিম বাংলা সরকার ৫মে বদলতে বৗইশৗখ কুনৗমি মেনেৎ ২৬ মে গুরুগমকেয়াঃ জানাম মাহা মানাও লৗগিৎ সরকারি ছুটিয় লৗই সাডে আকাদা। মেনখান পারমেন ৫মে হিলোঃগে পছিম বাংলা সাঁওতে আর পনৎ করেন আয়মা ঞুতুমান গাঁওতা আর দিশমরেন বেবাক হড়গে গুরুগমকেয়াঃ জানাম মাহা কো মানাও কেদা। এনখান নিৎ কুকলি রাকাব্ কানা বৗইশৗখ কুনৗমিদ আরহঁ অকয় কো লৗগিৎ ?
নঁতে বাং বাডায়ঃ কানা অকয়াঃ দাবী লেকাতে পছিম বাংলা সরকার বৗইশৗখ
কুনৗমি হিলোঃ গুরুগমকেয়াঃ জানাম মাহা মানাও লৗগিৎ সরকারি ছুটিয় লৗই সাডে আকাদা। নঁতে
ঞেল আকানা নুন দিন ধৗবিচ্ পছিম বাংলারেন আয়মা ঞুতুমান সংগঠন গে গুরুগমকেয়াঃ জানাম
মাহা ইদিকাতে ৫মে গে সরকার ঠেন দাবী কো দহ আগু আকাদা। মেনখান পছিম বাংলা সরকার নিৎ
ধৗবিচ ৫মে গুরুগমকেয়াঃ জানাম মাহারে ছুটি বায় লৗই সাডে আকাদা। এনখান নেস আচ্কাগে অকয়াঃ
দাবী লেকাতে সরকারি ছুটিয় লৗই সাডেয়েনা। মেনখান চেদাঃ? নোওয়া ইদিকাতে সানতাড়ি মহল রে
আয়মা কাথা রাকাপ্ হিজুঃ কানা। হড় হড় তালারেহঁ হৗটিঞ ঞেলঃ কানা।
নংকান দহাবহা অক্ত রে অনলিয়ৗ গাঁওতা পছিম বাংলা চাঁগা সেমলেৎ
রেন সুৎরেৎ মানতান দ্বিজপদ হাঁসদা আবোরেন খবরিয়ৗয় বাডায় অচো আকাদেয়া বাংমা- পছিম বাংলা
সরকার পাহ্টা খনগে নোওয়া মাড়াং ৫মে গুরু গোম্কেয়াঃ জানাম মাহা মানাও আকানা। অনাবেগর
অনলিয়ৗ গাঁওতাহঁ ৫মে রেগে জানাম মাহায় মানাও আগু আকাদা। তবে চেদাঃ চেৎ খৗতির সরকার
তেহেঞ নংকান ছুটি লৗই সাডে কেদায়,অনলিয়ৗ গাঁওতা পাহ্টা খন উসৗরৗগে তলাশ এ হাতাও আ।
নঁতে ভারত জাকাত মাঝি পারগানা মহল পনৎ পারানিক বাবা মানতান বাদল কিস্কু লৗই সদর কেদা বাংমা- মহলরেহঁ গুরু গোম্কেয়াঃ জানাম মাহা ইদিকাতে বা-বার ধাও গাপালমারাও কাতেহঁ অকাগে বাং ঠাড় গটা আকানা। তবে ঞেল আগু আকানা ৫মে হিলঃ গে গুরু গমকেয়াঃ জানাম মাহা সানাম লেকান সংগঠন সে তামাম হড় গেকো মানাও আগুয়েদা। মানতান কিস্কু আরহঁয় লৗই তরা কেদা বাংমা নোওয়া কোভিড আওহালরে দুড়ুপ কাতে গাপালমারাও কো বাং হোয়োঃ কানা তবে নোওয়া ইদিকাতে মহল হঁ থির দ বায় তাঁহেনা।
আসেকা রেন পনৎ সুৎরেৎ গোমকে মানতান সুবোধ হাঁসদা আডি কৗডরৗই
সালাঃ লৗই সাডে কেদায় বাংমা- গুরু গোমকেয়াঃ সার্টিফিকেট আর সানাম লেকান ডকুমেন্ট রে
জানাম মাহা ৫মে অল আকানা এনখান বৗইশৗখ কুনৗমি কাথাদ নিৎ অকা খন হিজুঃ কানা। বাডায়ঃ
কানা আবো সমাজরেন গে আদম হড়, হড় হাপাটিঞ রেনাঃ কো রিকৗয়েদা। গুরু গোমকে লৗইতে বে-বৗড়িচ্
অরসং কো আগু লৗগিদঃ কানা। গুরু গোমকেয়াঃ জানাম মাহা ইদিকাতে নংকান ইরিচ্ চিকিদ্ কাথা
আসেকাদ বায় সাহাও কেয়া মেনতেহঁ মানতান হাঁসদা রড় তরা কেদায়। মানতান হাঁসদা গোমকে আর
হঁয় লৗই সাডে কেদা বাংমা আসেকাদ গুরু গোমকেয়াঃ জানাম মাহা ইদিকাতে সানাম লেকান সৗবুদ
লৗইতে আডি লগন গে মানতানিয়ৗ মুখিয়ৗ মন্ত্রীঠেন নোওয়া দারায় কান বৗইশৗখ কুনৗমিরে গুরু
গোমকেয়াঃ জানাম মাহা মানাও ছুটি বাতিল কাতে ৫ মে গে জানাম মাহা মানাও লৗগিৎ অলবেল তালাতে
দাবী বাডায় অচোয়েয়ায়।
.webp)
.webp)
