আবোওয়াঃ ওয়েব পেজ- বাগাখুলিয়া গোটা আতো স্যানিটাইজ কাতে সানাম হড়াঃ নজররে সদর সামাং এনায় বাগাখুলিয়া আদিবাসী সাঁওতা সুসৗর ক্লাব। ক্লাব সে গাঁওতা মেনতেদ এখেন ফুটবল খেলোড দ বাং, ক্লাব সে গাঁওতা মেনতেদ এখেন সের্মারে অপেরা সে গায়ান হেপরাও দহ দ বাং, ক্লাব সে গাঁওতা মেনতেদ আয়মা লেকান সাঁওতা সুসৗর কৗমি রেনাঃ মিমিৎটাং হর-ডাহার সে মাধ্যম। পছিম মেদিনীপুর জেলা রেনাঃ বাগাখুলিয়া আদিবাসী সাঁওতা সুসৗর ক্লাব দ অনকানাঃ গে মিৎ নাওয়া হর এ উদুঃ কেদা মেনতে অনা ক্লাবরেন কৗমিয়ৗকো আয়মা হড় ঠেন খন সারহাও হঁক ঞাম গৎ আকাদা।
আবোরেন খবরিয়ৗয় বাডায় অচো আকাৎ বনা বাংমা তেহেঞ ১৭ মে, পছিম
মেদিনীপুর জেলারে মেনাঃ বাগাখুলিয়া আদিবাসী সাঁওতা সুসৗর ক্লাব রেন রৗসিয়ৗ কোওয়াঃ কুরুমুটুতে
আতোরেনাঃ সানাম অড়াঃ, ইস্কুল অড়াঃ চারোধার, ফরেস্ট কমিটি হল সাঁওতে আরহঁ আয়মা জায়গারে
পোয়লো ধাপ রেনাঃ স্যানিটাইজ কো এহপ কেদা। খবরিয়ৗ আরহঁয় বাডায় অচো আকাৎ বনা বাংমা নোওয়া
কোভিড আওহালরে চাঁদো রেনাঃ হাপতা পিছি গে নংকান কৗমি হরাকো সুসৗর ইদিয়া। ক্লাব রেনাঃ
নংকান কৗমি হরা ঞেলতে গটা আতো হড় কুশি-রৗস্কৗ
সালাঃ কৗমিয়ৗকো সারহাও কো চাল আকাৎ
কোওয়া।
চালাঃ কান কোভিড রেনাঃ হৗল-বৗল অক্তে পুরিবেশ জীবাণু খন সাহারে
দহ আডিগে জৗরুড়া মেনতে ক্লাব নংকান কৗমি হরায় সৗহিজুহি আকাদা। হাপেন দিন ক্লাব আরহঁ
নংকাগে নাওয়া নাওয়া কৗমি হরায় সাবা মেনতেহঁ ক্লাব সুৎরেৎ মানতান শিবুলাল মুরমু গোমকেয়
লৗই সদর আকাদা।
তেহেঞাঃ নোওয়া সুসৗর কৗমিরে ঞুতুমান কো মুদ্রে সেটের কো তাঁহেকানা
ক্লাব পারসেৎ জলেশ্বর মুরমু, সুৎরেৎ শিবুলাল মুরমু, দশরথ সরেন খাঁন্দা সরেন, কাউডি
হিসৗবিয়ৗ হারাধন সামুই, বুলচাঁদ মুরমু সাঁওতে আরহঁ আয়মা ক্লাবরেন রৗসিয়ৗকো।
.webp)
.webp)
