তেহেঞা
আখড়ারে যাঁহায় কো সেলেদ্ আকান-
রিলৗমালা মুরমু, ᱥᱩᱵᱩᱫᱤᱭᱟ. ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱵᱟᱵᱽᱞᱩ
ᱥᱚᱨᱮᱱ, ᱥᱩᱵᱳᱫᱷ
ᱢᱟᱹᱨᱰᱤ, ᱥᱟ.ᱜᱩᱱ ᱦᱮᱢᱨᱚᱢ, ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱨᱤᱠᱟᱱᱛᱚ
ᱥᱚᱨᱮᱱ, বাড়তাঙ সরেন, সেঁগেল মারমার, সুচাঁদ হাঁসদা,দুগাই টুডু, সাকম সরেন,সনাতন টুডু,তপন হেম্ব্রম ( গসবাহা ), রামলাল টুডু, বিভূতি ভূষণ সরেন।
 |
| রিলৗমালা মুরুমু, ক্লাস- IV জেলা - পুরুলিয়া |
১।।
ᱥᱟᱠᱟᱢ ᱵᱟᱦᱩ
ᱥᱟᱠᱟᱢ ᱡᱟᱶᱟᱭ
ᱦᱩᱭᱩᱜ ᱠᱟᱱᱟ ᱵᱟᱯᱽᱞᱟ ᱾
ᱨᱟᱭᱵᱟᱨ ᱠᱟᱛᱷᱟᱭ
ᱤᱫᱤ ᱟᱜᱩᱭ
ᱴᱸᱬᱜᱚ ᱢᱸᱜᱚᱞ ᱡᱟᱞᱯᱟ ᱾
ᱪᱷᱟᱢᱰᱟ ᱵᱮᱱᱟᱣ
ᱪᱷᱟᱢᱰᱟ ᱫᱟᱠᱟ
ᱠᱮᱣ-ᱟ ᱨᱮᱜᱮᱠᱚ ᱡᱚᱢ ᱾
ᱠᱟᱛᱷᱟ ᱛᱟᱞᱟ
ᱠᱟᱛᱷᱟ ᱨᱮᱯᱮᱪ
ᱚᱠᱚᱭ ᱦᱚᱸᱵᱟᱠᱚ ᱠᱚᱢ ᱾
ᱵᱟᱦᱩ ᱯᱟᱥᱴᱟ
ᱞᱩᱢᱛᱤ ᱵᱟᱨᱮᱛ
ᱡᱟᱸᱶᱟᱭ ᱯᱟᱥᱴᱟ ᱵᱟᱹᱨᱭᱟᱹᱛ ᱾
ᱡᱩᱜ ᱡᱩᱜ
ᱡᱚᱜᱟᱣ ᱦᱤᱡᱩᱜ
ᱵᱟᱯᱽᱞᱟ ᱨᱮᱭᱜ ᱥᱟᱹᱨᱤᱭᱟᱹᱛ ᱾
২।।
ᱯᱮᱲᱟ ᱦᱚᱲ
ᱜᱳᱯᱮᱥᱣᱚᱨ ᱢᱟ.ᱱᱰᱤ
ᱟᱞᱮ ᱚᱲᱟᱜ
ᱯᱮᱲᱟ ᱦᱚᱲ ᱠᱚ,
ᱢᱟ.ᱪᱤ,ᱯᱟᱨᱠᱚᱢ
ᱵᱤᱞ ᱠᱟᱛᱮ
ᱫᱩᱲᱩᱵ ᱢᱮᱛᱟ ᱠᱚ ᱾
ᱫᱟᱜ ᱟᱛᱮ
ᱟᱛᱟᱝ ᱫᱟᱨᱟᱢ ᱠᱚ,
ᱵᱩᱜᱤ ᱵᱟ.ᱲᱤᱡ
ᱠᱩᱞᱤ ᱛᱟᱞᱟ
ᱜᱟᱯᱟᱞ ᱢᱟᱨᱟᱣ ᱟᱠᱚ ᱾
ᱥᱟ.ᱜᱟ.ᱭ ᱞᱟ.ᱴᱩ
ᱡᱚᱦᱟᱨ ᱪᱟᱞ ᱟᱠᱚ,
ᱡᱟᱱᱟᱢ ᱞᱟᱦᱟ
ᱥᱟ.ᱜᱟ.ᱭ ᱠᱟ.ᱴᱤᱡ
ᱡᱚᱦᱟᱨ ᱟᱛᱟᱝ ᱛᱟᱠᱚ ᱾
ᱟ.ᱜᱩ ᱛᱷᱩᱭᱞᱟ.ᱜ
ᱚᱲᱟᱜ ᱵᱟᱭ ᱛᱟᱠᱚ,
ᱡᱤᱣᱤ ᱡᱤᱭᱟ.ᱲ
ᱛᱮᱛᱟᱝ ᱢᱮᱴᱟᱣ
ᱫᱟᱜ ᱮᱢᱟᱣ ᱟᱠᱚ ᱾
ᱫᱟᱠᱟ ᱚᱛᱩ
ᱛᱟᱸᱦᱮ ᱠᱚᱜ ᱠᱷᱟᱡ,
ᱡᱚᱢ ᱦᱟᱛᱟᱲ
ᱮᱢᱟᱣ ᱟᱠᱚ
ᱨᱮᱸᱜᱮᱡ ᱢᱮᱴᱟᱣ ᱞᱟᱡ ᱾
===== ----- ᱛ ------ ======
৩।।
ᱤᱛᱩᱱ ᱟᱥᱲᱟ (ᱯᱩᱭᱞᱩ ᱦᱟ.ᱴᱤᱧ)
ᱵᱟᱵᱽᱞᱩ ᱥᱚᱨᱮᱱ
ᱤᱛᱩᱱ ᱟᱥᱲᱟ ᱛᱮ।
ᱞᱚᱠᱟ ᱜᱩᱴᱤ ᱠᱤᱛ ᱠᱤᱛ
ᱟᱨᱦᱚᱸ ᱠᱷᱮᱞ ᱠᱷᱮᱞ ᱛᱮ।
ᱟᱨ ᱦᱩᱧ ᱠᱷᱮᱞ,
ᱥᱟᱰᱮᱭᱮᱱᱟ ᱴᱷᱚᱝ ᱴᱷᱚᱝ
ᱜᱷᱚᱱᱴᱟ ᱵᱮᱞ।
ᱤᱛᱩᱱ ᱟᱥᱲᱟ ᱚᱲᱟᱜ ᱛᱮ
ᱦᱮᱡᱽ ᱮᱱᱟᱭ ᱢᱟᱪᱮᱛ ᱜᱚᱢᱠᱮ
ᱪᱚᱠ ᱰᱟᱥᱴᱟᱨ ᱟᱛᱮᱜ।
ᱚ ᱛ ᱜ ᱝ ᱞ
ᱚᱱᱟ ᱠᱚᱜᱮ ᱟᱞᱮ ᱠᱚᱦᱚᱸ
ᱞᱟᱪᱷᱟ ᱨᱮᱞᱮ ᱚᱞ।
ᱳᱰᱳᱠᱚᱜ ᱟᱞᱮ ᱥᱟᱶᱛᱮ
ᱨᱩᱣᱟ.ᱲ ᱟᱞᱮ ᱚᱲᱟᱜ ᱟᱫᱚ
ᱢᱤ-ᱢᱤᱫ ᱠᱚᱛᱮ।
===== ----- ᱛ ------ ======
৪।।
ᱚᱠᱛᱚ ᱵᱟ.ᱱᱩᱜ ᱛᱤᱧ
ᱥᱩᱵᱳᱫᱷ ᱢᱟᱨᱰᱤ
ᱚᱠᱟᱢ ᱪᱟᱞᱟᱜ ᱠᱟᱱ ᱾
ᱟᱢ ᱥᱟᱶᱛᱮᱧ ᱠᱷᱮᱞ ᱞᱟᱹᱜᱤᱫ
ᱤᱧᱢᱟᱧ ᱛᱟᱹᱜᱤ ᱛᱟᱲᱟᱜ ᱟᱠᱟᱱ ᱾
ᱪᱟᱞᱟᱜ ᱠᱟᱹᱱᱟᱹᱧ ᱵᱤᱨᱫᱟᱹ ᱜᱟᱲ ᱾
ᱚᱱᱛᱮ ᱠᱷᱱᱟᱜ ᱨᱩᱣᱟᱹᱲ ᱠᱟᱛᱮᱧ
ᱪᱟᱞᱟᱜ ᱡᱟᱦᱮᱨ ᱜᱟᱲ ᱾
ᱫᱷᱚᱨᱚᱢ ᱟᱹᱨᱤ ᱠᱚ ᱦᱚᱧ ᱥᱮᱬᱟᱭ ᱾
ᱦᱩᱰᱤᱧ ᱢᱟᱨᱟᱝ ᱦᱚᱲ ᱥᱟᱶᱛᱮᱧ
ᱵᱮᱵᱷᱟᱨ ᱟᱹᱧ ᱱᱟᱭ ᱱᱟᱯᱟᱭ ᱾
===== ----- ᱛ
------ ======
৫।।
ᱚᱞᱚᱜ ᱟᱵᱚᱱ
ᱟ.ᱠᱤᱞ ᱜᱮᱭᱟᱱ ᱟᱨᱡᱟᱣᱟᱵᱚᱱ
ᱥᱮᱪᱮᱫ ᱟᱵᱚᱱ ᱥᱮ'ᱲᱟᱭᱟᱵᱚᱱ
ᱥᱤᱠᱷᱱᱟ.ᱛ ᱟᱛᱮ ᱞᱟᱦᱟ ᱟᱵᱚᱱ
ᱚᱞ ᱟᱵᱚᱱ ᱯᱟᱲᱦᱟᱜ ᱟᱵᱚᱱ
ᱧᱩᱛᱟ.ᱛ ᱠᱷᱚᱱ ᱢᱟᱨᱥᱟᱞ ᱟᱵᱚᱱ
ᱮᱱᱮᱡ ᱟᱵᱚᱱ ᱥᱮᱨᱮᱧ ᱟᱵᱚᱱ
ᱤᱛᱩᱱ ᱟᱥᱲᱟ ᱪᱟᱞᱟ ᱟᱵᱚᱱ
===== ----- ᱛ ------ ======
৬।।
ᱜᱤᱫᱽᱨᱟᱹ ᱵᱟᱣᱞᱤ
ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ
ᱫᱮᱱ ᱪᱟᱸᱫᱳ ᱢᱟᱢᱟ ᱛᱚᱣᱟ ᱫᱟᱠᱟ
ᱵᱟᱥᱠᱮᱹᱭᱟᱜ ᱫᱚ ᱵᱟᱝ ᱟ ᱾
ᱞᱚᱞᱚ ᱞᱚᱞᱚ ᱤᱢᱟᱹᱧ ᱢᱮᱢᱟ
ᱛᱚᱵᱮ ᱟᱱᱟᱧ ᱡᱚᱢᱟ ᱿
ᱵᱟᱥᱠᱮᱹ ᱢᱟᱥᱠᱮᱹ ᱡᱚᱢ ᱨᱮᱫᱚ
ᱞᱟᱡ ᱠᱚ ᱵᱟᱲᱤᱡᱚᱜᱼᱟ ᱾
ᱞᱚᱞᱚ ᱞᱚᱞᱚ ᱡᱚᱢᱨᱮ ᱟᱱᱟᱝ
ᱱᱟᱯᱟᱭ ᱵᱩᱡᱷᱟᱹᱜᱼᱟ ᱿
===== ----- ᱛ ------ ======
৭।।
===== ----- ᱛ ------ ======
৮।।
মারাং নানা
বাড়তাং সরেন
দুলৗড় উমুল সৗরিগে হেড়েম গেতায় রড় ।
কাসা কেটেচ বায় রড়া উনি অকয় সাঁও
ঘারঞ্জরে সানাম কৗমি, একলা তেয় সামটাও।
সেরেঞ রাহা তায় দ আডি ঞঁহড় ঞঁহড়
তিরয়ো রাহা সাঁওতে দ, একাল আডি জড়।
বায় বাডায়া এড়ে দ তিস হঁ বাচয় ঢেঁশ
পরব পৗলি এনেচ, আডি গেচয় সরেশ ।
ঞাম লেদালে আচ ঠেন আয়ো দুলৗড় দায়া।
অতা চাপো তি জাঙ্গারে ফারনাওয়ায় মন।
আমাঃ কাথা দিশৗয়লেরে মনে দয় রাগ্
অকারেবা ঞঁহড় ঞঁহড় সেরেঞেম গাগ্ !
(মারাং হাতম দিশৗতে )
===== ----- ᱛ
------ ======
৯।।
বঁগা
সেঁগেলমারমার
ঞেলতে রাঁগাচঁগা
লৗটু লৗটু ডাটা
অনাতেগেতয় সেরেঞ
লুতুর মাত হাটাগ্
বেঁগেদায় মাটাগ্ মাটাগ্।
অঁডেয় তাঁহেন ভুত
উব তায়দ জাটা
হড়ম রাটাপাটা।
===== ----- ᱛ ------ ======
১০।।
সারগা গুডু
সুচাঁদ হাঁসদা
পাখা খনপে আতকির লৗডু ,
টুকুচ চেলাংহঁ হাঁডাঃ হুঁডু ,
ঞুঁর কাতপে বকাঃ ডৗডু ৷
বাঁদি দাঁনাংরে খানাঃ খুনুঃ ,
মিয়ুং পুসি আডি ঝানু ,
বায় দহপে ইতৗ রানু ৷
হিজুঃ কানায় আলে হপনা ,
দাল পেয়ায় হাঁ সানাঃ সানাঃ ,
ঘাঁজেড় কাতাপে মচা থতনা ৷
অড়াঃ হঁপে ভুগৗগ তালে ,
অকা রেদলে তাঁহেনা আলে ,
মেনাঃ লেদ গেলে বালে ৷
===== ----- ᱛ
------ ======
১১।।
বানা এনেচ্ ইচ্
দুগাই টুডু
কুলহি তালা রেদ,
গিদরৗ কোদ সেনঃ আলে
হড়কো সোরোঃ লৗগিৎ তেদ
একাল থিয়ৗ থাপে,
তাঁহেন জৗপিৎ হাপে।
তাড়াম গদা এতে,
অকা অনেয় দুড়ুপ থিরুঃ
জেলেঞ সাঁহেৎ আতে।
আডিয় ঞেলঃ আনা,
আতো দাঁড়া কাতেৎ আকিন
এনেচ্ আকো কানা।
===== ----- ᱛ ------ ======
১২।।
সাড় বাহা ঝিনিক্ ঝিপির
সাকম সরেন
===== ----- ᱛ ------ ======
১৩।।
আলম রাগা
সনাতন
টুডু
আতরা দেলাং চালাঃ
আম বাবা বাজার খনাঃ
আগুয় লৗডু খালা।
যুদিম রাগা গুরুঞ গুরুঞ
১৪।।
জারগে জৗপুৎ
তপন হেম্ব্রম
(গসবাহা)
সারা বেড়ায় দাগ, রমঝম -
বৗদ বৗইহৗড় চেহেল চাপেঃ
তুৎ রহয় আক মজগে সৗরিসার ।
ডৗড়কৗ পুঠি ইচৗঃ হৗকু -
চেৎ উদ্ মাৎ উদ্
রটে কদকো রাগ।
ঝাড়পুং ঝাড়পুং কিন দন
ধীরি কচা হাড়াম পকঃ রটে
ফাঁন্দা এ্যঢে কেদেয়াকিন ।
===== ----- ᱛ
------ ======
আঁগা পায়ার
রামলাল টুডু
মার্শালেন
হপনবিটি বেরেদ্ মে ।
মেনাঃ তাম
অলঃ তাম
পতব আতে দুড়ুব্ মে ।
বায় তৗঁগি
ডিগিমিগি
সিঞচাঁদোয় রাকাব্ এন।
রিতৗ মৗই
ছিতৗ মৗই
ঝতগেক বেরেদ্ এন ।
সাঁগে চেঁড়ে
কেঁড়ে কঁড়ে
হহয়েৎ ক আঁজম মে ।
আঁগায়েন
মার্শালেন
হপনবিটি বেরেদ্ মে ।।
===== ----- ᱛ ------ ======
১৬।।
মাঝি হাড়াম
বিভূতি ভূষণ সরেন
আডি গেতয় রুসিকৗ,
এনেচ্-সেরেঞ বাপলা বিহৗরে
আতু সরেশে বুগিয়ৗ।
হহ আকওয়ায় গিদৗর,
টামাক তুমদাঃ রু সেড়াওয়াপে
আল পে হুয়ুঃ উদৗর,
লাহা হেচ্ লেনখান ,
আব সান্তাড়াঃ লাকচার নেমাচার
জিয়ৗড় তাহেন এনখান।
সাঁওতা রেন লৗওড়িয়ৗ,
সানাম সান্তাড় মিৎ ডাহারতে
সুতুঃ কাতেঃ পৗওড়িয়ৗ।
******মুচৗৎ******
.webp)
.webp)
