আবোওয়াঃ ওয়েব পেজ- ২৮ এপ্রিলঃ- দিশম দুলৗড়িয়ৗ সাঁওতা সুসৗরিয়ৗ ভারত জাকাত মাঝি পারগানা যুওয়ৗন মহল পুরুলিয়া জিলৗ রেন সভাপতি আর ভারত জাকাত মাঝি পারগানা মহল তালমা কুমুট রেন সুসৗরিয়ৗ মানতান রাজেন টুডু গোমকে দ নিৎ পুরুলিয়া জিলৗ রেনাঃ হাতুওয়াড়া সুপার স্পেশালিটি হাসপাতালরে ভরতি মেনাঃ আকাদেয়া। বাডায় আকানা হলা ২৭ এপ্রিল খন গে কোভিড পজিটিভ খৗতির উনিয়াঃ অক্সিজেন লেবেল আডি লগন কম হিজুঃ কান খৗতির (৯০ খন লাতার) সাঁওতে সাঁহেদ্ রেনাঃ কষ্ট বৗড়তি ইদি কান খৗতির আর অড়াঃরে বাং দহ কাতে সঝহে হাসপাতাল রেকো ভরতি কেদেয়া। নওয়া ভরতি গড়রে কো তাঁহেকানাকো নিতুড়িয়ৗ এলাকারেন কোভিড কৗমিয়ৗকো, পুরুলিয়া জিলৗ ভারত জাকাত মাঝি পারগানা মহল, যুওয়ৗন মহল, আয়াঃ এলাকারেন গাতে কড়াকো সাঁওতে ওয়েস্ট বেঙ্গল আদিবাসী ডক্টরস এসোসিয়েশন (পুরুলিয়া ইউনিট) সানাম কোওয়াঃ কুরুমুটুতেগে নংকান আঁগিভার কো গঃ কেদা। নিৎ ধৗবিচ্ তে বাডায় আকানা বাংমা নাপায় রেগে মেনাঃ আকাদেয়া।
রাজেন টুডু গোমকে দ দিশম সাঁওতা লৗগিৎ সারাঘৗড়িচ্ গে লৗগিয়ৗপাড়াও
রেগে মেনাঃ আকাদেয়া মেনতে মহল পাহ্টা খনগে বাডায় ঞাম আকানা। নিৎ উনিয়াঃ নংকান আজার
খৗতির আয়মা সাপ্ড়াওয়াকান কৗমি গে হৗপিদ্ তাঁহে হাতাড়ঃ কান তায়া। সেঁদ্রা ইদিকাতে
সে আর যাঁহা ওয়েবনার মিট করে সেলেদঃ রেনাঃ কাথা তাঁহেকান তায়া অনা কঁহ নিৎ লেকাদ হৗপিৎ
তাঁহেন তায়া মেনতেগে মহল পাহ্টা খন গে বাডায় আকানা।
.webp)
.webp)
