হৗড়িয়ৗর দৗহড়ি তালাতে সেঁদরা বাঞ্চাও রেনাঃ কিরয়ৗ হাতাও যুওয়ৗন কোওয়াঃ

আবোওয়াঃ ওয়েব পেজ- যাঁহা তিনৗ দিন পারম চালাঃ কানা উনৗঃগে আয়মা অ-আদিবাসী খন এহব কাতে সানাম থক রেন প্রশাসনিয়ৗ কোওয়াঃ হঁ নিৎ আদিবাসী কোওয়াঃ লায় লেকচার, ধরম-করম অৗরিচৗলি চেতান রে মেৎ ঢাং আকান তাকোওয়া। মেনখান তেহেঞ ভারত দিশম ফুরগৗল কাতে ৭৪ সেরমায় লেবেদ্‌ পারমেৎ রেহঁ আদিবাসী কোওয়াঃ সংবিধান রেনাঃ আয়মা হক-আইদৗর গে বাংকো ঞাম লেদা, অনতেদ অকয়াঃ হঁ মেৎ বাং চালাও লেন তাকোওয়া। আদিবাসী কো আদিকাল খন সেরওয়া লেকাতে যাঁহা কো ঞেল আগু আকাদা, যাঁহাকো কৗমি আগু আকাদা অনাগে নিৎ রেন হঁক কৗমি লৗগিদঃ কান রেগে প্রশাসনিয়ৗ কো আইন তালাতে আটক রেনাঃ কো রিকৗয়েদা। চেদাঃ? নোওয়া কুকলি দ আয়মা আদিবাসী সংগঠন খন গে রাকাব হিজুঃ কানা।

আদিবাসী কোওয়াঃ ‘সেঁদ্‌রা’ দ আয়মা সেরওয়া রেনাঃ গে মিৎ হৗটিঞ কানা। নোওয়াদ সানাম দিশম হড় গেকো বাডায়া। এনহঁ চেদাঃ নোওয়ারেগে জাঁগেদারাম সিরজৗঃ কানা, নোওয়া লৗগিৎ আদিবাসী হড় কো হাহাড়া গঃ কানা। নোওয়া ভারত দিশম রে আয়মা গাঁতাত্‌ রেন হড়াঃ আয়মা লেকান সেরওয়া মেনাঃ রেহঁ অনা করেনাঃ কাথা বাং রাকাব কানা। এখেন আদিবাসী কোগে সারা ঘৗড়িচ্‌ গেকো নিশড়ৗও অচোঃ কানা চেদা ? কুকলি দ তাঁহেন কান গেয়া।

অনাতেগে সেরওয়া লেকাতে আদিবাসী কোওয়াঃ ‘সেঁদ্‌রা’ বাঞ্চাও দহয় লৗগিৎ আদিবাসী কোগে লাহা হিজুঃ লৗ গতি কানা মেনতে ভারত জাকাত মাঝি পারগানা মহল বাং হৗটিঞ মিদিনপুর মিৎ নাওয়া দিশৗয় চাল কেদা। বাডায় আকানা অনা জেলারেন জগ পারগানা বাবা মানতান দিলীপ মান্ডি,মনোরঞ্জন মুরমু আর মিদিনপুর সদর তল্লাট পারগানা বাবা মানতান স্বপন মান্ডি আর মুলুক পারগানা বাবা তাকোওয়াঃ তিতে অনা মুলুক রেন সানাম যুওয়ৗন কোওয়াঃ বহরে হৗড়িয়ৗর দৗহড়ি তল তালাতে সেঁদরা বাঞ্চাও রেনাঃ কিরয়ৗ যুওয়ৗন কোকো হাতাও কেদা। আর অনা কিরয়ৗ দয় পাড়হাও অচো কেৎ কোওয়া ভঞ্জ মুলুক রেন পারগানা বাবা।

যুওয়ৗন কো দৗহড়ি তায়ম হাপেন দিনরেনাঃ কৗমিহরা আর তায়ম দারাম চেৎ লেকা কাতে সেঁদ্‌রা বাঞ্চাও দহ হোয়োঃআ অনা লৗইতে অড়ে অড়পাৎ কো গালচ্‌ কেদা পনত্‌ সুসৗরিয়ৗ মানতান ঝাবু সিং মুরমু, মানতান দিলীপ মান্ডি,মনোরঞ্জন মুরমু আর মিদিনপুর সদর তল্লাট পারগানা বাবা মানতান স্বপন মান্ডি গোমকে এমানকো।