মানতান সাসাপড়াওইচ ,আবোওয়াঃ কাথা
সিঁঙ্গিমাহা সাকাম 'চেরেচ আড়াং', লেখা-৩৪
১৮ এপ্রিল,২০২১
তুলৗজখা- শ্রী কা ন্ত স রে ন
১.আলে বাবু
সুবুদিয়া মূর্মূ
মানতান অনলিয়ৗ সুবুদিয়া মূর্মূ, বারয়া থারতে ছন্দতে সাজাও কাতে ' আলে বাবু ' আঃ গুনে বাড়ায় হচ আকাৎবনা। মেনখান পোয়লোসেৎ রেনাঃ তুরুই গটেজ থারদ, ' ... বাবু ' সাঁও সৗগৗই বৗনুঃ লেকা মনে হোয়েনা।
২. মালা পতাম
গোপেশ্বর মান্ডি
মানতান গোপেশ্বর মান্ডি, ছন্দতে থড়া লৗটু ঞঃ ' মালা পতাম ' এ বরনন আকাদেয়া। লাফাং ডৗররে মালা পতাম আঃ কুক্বুডুবুর, মনেরে সিরজন দাড়ে ঞাঁমঃ আ মেনতেঞ মনেয়া। মেনখান ' অডুক ' দ ' ওডোক ' লেনখান জৗনিচ নাপায় কঃ আ। আর ' দিনোম ' সাঁও ' সিনোম ' ছন্দ জড় আকানরেহঁ , সিনোম শাবাদ দ বাং পুষ্টৗও লেনা।
৩. পহা দারে
এভেন কুয়লী সরেন
মানতান অনলিয়ৗ এভেন কুয়লী সরেন, জতন কাতে ' পহা দারে ' য় রহয় আকাদা। পহা দারে হারা কাতেঃ বাহা, জ-বেলে, অক্সিজেন এমানে দান আবনা দৗনী লেকা। মেনখান অনড়হেঁ রেনাঃ মিৎটাং থার ' চিরক জিয়ন ' বাং কাতে ' চরক জিয়ন ' খান আডি নাপায়ঃ আ।
৪. জুরি কুড়ি
সুবোধ মারডি
সুবোধ মারডিরেন জুরি কুড়ি , ছন্দতে আর অলঃ সেঁড়া কাতেকিন চরক আকানা। মেনখান মিৎবার জায়গা করে ছন্দদ ডাবাং ডুবুং জড় আকানা। অনা সাঁওতে মাস্টার শাবাদ বেওহার দ লুতুররে জৗনিচ তাকেরঃ কানা।
৫. সিতুং দিন
বাবলু সরেন
বাবলু সরেন আঃ ' সিতুং দিন ' পোয়লো থক দ যথাতগে রেহঁ, দসার থক দ রু সাঁও রাহা বাং জড় আকান লেকা হোয় আকানা। আরহঁ নাপায় নাপায় সিতুং দিন লৗগিৎ তাঁগিরেলে তাঁহেয়েনা।
৭. সেরমা সেনেন সাঁগিঞ
সারি ধরম হাঁসদা
সারি ধরম হাঁসদা আঃ ' সেরমা সেনেন সাঁগিঞ ' সেদায়খন মচা-মচাতে মেন আগু আকাৎ মিৎ মারে কাথা (folktale) অনড়হেঁ। পাড়হাও কাতে সিরজন ভাবনা ডাহার ঞামঃ আ মেনতেঞ মনেয়া।
৮. দুলী আর দাসী
বাড়তাং সরেন
বাড়তাং সরেন রেন দুলী আর দাসী আঃ গুন ঞেল কাতে, আতো হড় ক ঞুমকিন গেয়া। মেনখান পাড়হাও জখেজ ' দুলী আর দাসী ' আঃ সাঁহেৎ ( ছন্দ) মিৎবার জায়গা রে কমঃ কান তৗকিনা মেনতে বুঝ ঞাম আকানা।
৯. রেল গাডি
রামলাল টুডু
মানতান অনলিয়ৗ রামলাল টুডু আঃ ' রেল গাডি ' আডি চরক, আডি নাপায়, আডি মঁজ। গিদরৗ ক পাড়হাও কাতে,দ্যেজগে সানা কওয়া। আর নুই আঃ ' রেল গাডি ' রেনাঃ ছন্দ দ ঝিল্লারে ( দোলনা) ঝিল্লা লেকা। জাহালেকান জারকিং বৗনুঃ আ।
১০ . মাজান বেড়া
দুগাই টুডু
দুগাই টুডু আঃ ' মাজান বেড়া ' রেনাঃ চিতৗর দখিননাখা হিসিৎ হয় লেকা। কৗমি লাঁঙ্গা হড় ক জিরাঃ আ, আয়ো হড় ক ডৗবরৗউ সাফা কাতে দাকা ক ইসিনা,চেড়ে-চুপরু কওয়াঃ আড়াং সাঁওতে গিদরৗ কওয়াঃ ইস্কুল খন অড়াঃ রুয়ৗড়ঃ মেৎ সামাংরে ঝালকাও রাকাব লেকানাঃ বরনন।
১১. হাহাড়াঃ বিচৗর
সনাতন টুডু
সনাতন টুডু নাপায় ঞঁঃ বাং বুঝ কাতেগে ' হাহাড়াঃ বিচৗর ' এ মনে আকাদা। আর থড়া নাপায় ঞঃ লৗগতি তাঁহে কানা।
১২. উল রাসা
বিভূতিভূষণ সরেন
বিভূতিভূষণ সরেন আঃ ' উল রাসা ' গস বেলে রাসা কানরেহ, ছন্দ খৗতির জ-জ গে আটকারেনা। অনড়হেঁ রে রাদগুম আঃ নাপায় গুন ঞামেনা। মেনখান উল ' বিলি ' দ ' বেলে ' লেনখান আডি গে হেড়েম কঃ আ।
১৩. জৗপিৎ এভেন
তপন হেমব্রম ( গস বাহা) ।
মানতান অনলিয়ৗ তপন হেমব্রম গমকে, অনড়হেঁ এ অল আকাৎরেহঁ, নওয়ারেনাঃ সঁধাড় শঁ দ আডিগে কম গেয়া। গসবাহা (তপন হেমব্রম) আমেম গসরেহঁ গস অনড়হেঁ দ বাং অল কাতে টাটকা অনড়হেঁ পাড়হাও হচলেম।
১৪. গিদরৗ আঃ দাড়ে
দুলৗড় বিটি
দুলৗড় বিটি আঃ সহাগ দুলৗড় ঞামলেখান, গিদরৗ কওয়াঃ দাড়ে সারসাঃ আ - নওয়া দ আডি নাপায় কাথা। অনা সাঁওতে গিদরৗ মনে বাং রৗপুদঃ আ- নওয়াহঁ ল্যাবরেটরি খন ওডোক আকান লেকান মিৎ নাপায় হৗর সামটাও
জিনিস।
.webp)
.webp)
