বৗগিয়াৎ বনায় ডাঃ সুখেন্দু বিশ্বাস
ডঃ জলধর কর্মকার, পুরুলিয়া : পারমেন ১৮ এপ্রিল, ২০২১ আবো সানামকো বৗগি কাতে
স্বরগপুরিরে ঠাঁও এ হামেট কেৎ তাবোনা সানাম করেন দুলৗড়িয়ৗ ডাঃ সুখেন্দু বিশ্বাস। চালাঃ
অক্তরে উনিয়াঃ উমের হুয় লেন তায়া ৯১ বছর।
মিৎ অক্তে আচ্রেন নার্স হাতম সাঁও বাংলাদেশ রেয়াঃ
খুলনা খন পুরুলিয়া জিলৗ রেয়াঃ বলরামপুর মিশনরে হেচ্ কাতে সারা জিয়ন গে মৗনমি সেবা
কৗমিরে জিউয়িয় আলায় লেদায়। বিশেষ কায়তে আদিবাসী হড় হপন চেঁঘাও আর হারাবুরুয়রে ডাক্তারাঃ
এনেম সনা আখরতে অল তাঁহেনা। বাংলা, বিহার,
ঝাড়খন্ড, উড়িষ্যা, আসাম পনৎ রেন আদিবাসী ঠেন ডাক্তার বাবু দ বঁগা বারাবারি গেয় তাঁহেকানা।
আচ্ আপাৎ আঃ ঞুতুম দ তাঁহেকান তায়া শচীন্দ্রনাথ বিশ্বাস আর আয়ো দ সুরবালা বিশ্বাস।
১৯৭০ সালরেয় বেরেৎ লেদা “রয়েল ক্লাব”। নঁডে খনগে
ঞুতুমান বাজার মাঝি, কৃষ্ণ টুডু, নাগেশ্বর সিং, ফুলচাঁদ হেম্ব্রম লেকান বিশ্বমান রেন
ফুটবলার কো অডং লেনা। অনা সাল খন গে এহপ্ লেদায় বলরামপুর ছাতা মেলা।
১৯৮৫ সালরে “ROYAL CHHOU ACADEMI” আর ১৯৯০ রেয়
বেরেৎ লেদা “ জননী অনাথ শিশু নিবাস ”। বিন পুইসৗতে ১০০ সায় খনহঁ বৗড়তি রেঁগেচ্-নাচার-টুওয়ৗর
গিদৗর নঁডেকো পাড়হাঃ কান তাঁহেন। ছোঁ-এনেচ্ বাঁধ, বাগওয়ান, নিজেরাঃ ডাক্তারি সানাম
টাকাগে রয়েল ক্লাব রেন আবাসিক গিদৗর কো লৗগিৎ এ খরচ্ এৎ তাঁহেন।
উনিদ আডি মারাং চিতৗর বাডোহি সে Artist হঁয় তাঁহেকানা।
রেঁগেচ্-নাচার-টুওয়ৗর আদিবাসী গিদৗর কোগে নোওয়া ক্লাব খন তেহেঞ দেশ-দিসম কো দাঁড়ান
কানা। আয়মা গিদৗর তেহেঞ আপনার জাঁগাতেহঁ কো তিঁগু কেটেজ আকানা। তেহেঞ ওনকো সানাম গে
ডাক্তার বাবুওয়াঃ বঁগা তালায়েন কাথা আঁজম কাতে সাঁগিঞ খন গে মেৎদা কো জরয়েদা। সোর-সোপোর
করেন দ ডাক্তার বাবু সাঁও মুচৗৎ ঞেপেল লৗগিৎ কো ঞির হেচ্ আকানা।
পুরুলিয়া জিলৗ রেন হড় তেহেঞ মিৎ ঞুতুমান ডাক্তার বাবু কো আৎ কেদেয়া আর আদিবাসী হড় দ চাঁদো বঁগা লেকান বঁগা রুপ হড় কো আৎ কেদেয়া। অনাতে উনিয় দাঃ দড়মেন খৗতির গোটা জিলৗরে গৗহির দুখ রেনাঃ ঝালাক্ ঞেল ঞাম আকানা।
.webp)
.webp)
