(গিদ্রৗ কাহ্নি)
আতুঃ গাডা দাঃরে
বাড়তাঙ সরেন
দাশাঁয়বঙ্গা। বৗইদ্,বৗয়হৗড়রে গোটাগে লেগেজ লেগেজঃ কানা নাওয়া হুড়ু গেলে। বিররেনাঃ দারেনৗড়ি কহঁ হৗরিয়ৗ ড়গে ঞেলঃ কানা। খাণ্ডেরায় বির আড়েরে মিৎ মারাং গাডা তাঁহেকানা। অনা গাডা যেলেকা জেলেঞ তাঁহেকানা, অনকাগে অসার হঁ তাঁহেকানা। সেরমা ভর ঢের দাঃ বাং তাঁহেন রেহঁ ভাদর- দাঁশায়বঙ্গা দ পছিম খন পুরুব নাখা হাডাক ডাবাক দাঃ আতু সেনঃআ। উন দ গাডা সেচ কয়ঃ হঁ বতরগে বুজুঃ আ।
সারজমডি আতোরেন টুইলৗ গডেৎ পে পোন মাহা খন আডিয় রুয়ৗ লাঙ্গা আকানা। বারপে মাহা লাহাখন আচরেন গড়ম কড়া ভতড় দ গাডা পারম সিঁঞ্জডি আতোতে সেনঃ এ গোটা আকাদা। সিঞ্জডি আতোরেন খড়দা জানগুরু দ রান রেহেৎ আডিয় বাডায়া। গোটা টঠা উনিয়াঃ ঞুতুম তাঁহেকানা। সেদায় দ ডাক্তার বাংকো তাহেঁকানা। জান ওঝাগে ডাক্তার লেকা রান রেহেৎ কটেচ কাতেঃ রুয়ৗঃ হড়কো বেশঃ গঃ কান তাঁহেনা।
ভতড় দ লৗওকৗ ঢঙ্গা আতে গাডা পারম কাতেঃ সিঞ্জগুঠু আতোতেয় সেন এনা। সেটের কাতেঃ আচ গড়ম হাড়ামাঃ সানাম কাথা খড়দা জানগুরুয় লৗয় আদেয়া। আঁজম কাতেঃ খড়দা জানগুরুদয় গোটা কেদা, টুইলৗ হাড়াম ঞেল কাতেঃগে রানে এমায়া,চেদাঃ সে উনি দ আডিগেয় রুয়ৗ লাঙ্গা আকানা। বাং বিলম কাতেঃ রান রেহেৎ রেনাঃ মটরা হবর কাতেঃ খড়দা ওঝা আর ভতড় দ বির তালা হরতেকিন তাড়ামকেদা। গাডা ঘাটরে যাঁহা অক্তেকিন সেটের এনা, উন দ গাডা দাঃ আর হঁ চেহেল চেপেল আকানা। ভতড় আর খড়দা জানগুরু দ বতর বতরতে লৗওকৗ রেকিন দেজ এনা। লৗওকৗ চালাওয়িচ দ নাপায়গে লৗওকৗয় চালাও ইদিয়েদা। তালা নৗই হেচ সাঁও সাঁওতে আডি মারাং বান দাঃ লেকা ঢেউ হেচ এনা। চেতান সেচ হেঁদেঁ রিমিল তাঁহেকানা। অনা হেঁদেঁ রিমিল দাঃ আচকাগে আতু হেচ কাতে ভতড় তৗকিনাঃ লৗওকৗ দয় আতু উলটৗও কেদা। ভতড় আর খড়দা ওঝা তাকিন হঁ কিকয়ৗও আতে অনা গুরলৗও চালাঃ দাঃরেকিন গুরলৗও বলয়েনা।
উন
অক্তেগে তাম্বড়, মানে
সারজমডি পারানিক তাকোরেন
গুতিকড়া দ গৗইকাডা অনা
গাডা নাখা সেচ
এ আগুয়েৎকো তাঁহেনা।
সাঙ্গিঞ খনগে গাডা
দাঃরে চেৎ চ ঢৗবুং মারতে সাডেয়
আঁজম ঞাম কেদা।
তালা নৗই সেচ এ কয়ঃকেদা তাম্বড়। ঞেল
কেদায় তালা নৗইরে হাডাক
ডাবাক দাঃরে লৗওকৗ সাঁওতে
পে পে হড়কো
আতু চালাঃকানা। তাম্বড়
দ বাং বিলম
কাতেঃ সানাম খন
তাঁসিল মিৎ কাডা
আতে হাডাক ডাবাক
নৗয় দাঃরেয় দন
খাঁজোয়েনা। তাম্বড়াঃ কাথা
লেকাতে উনি কাডা
হঁ তাম্বড় আতে
সাঁই সাঁই ওনকো
আতুঃকান হড় সেচ
এ পায়রা লাহায়েনা।
তাম্বড় দ কাডা
দেয়ারে দেজ কাতে
ভতড় তাকোয় পাঁজায়েৎ
কওয়া। ওনকো সুর
এ তিয়োঃকেৎ খান
ডাণ্ডা তল উরিচ
কাতে তাম্বড় দ আতুঃ দারেয় দন
কেদা। দাঃরে পায়রা
পায়রাতে মিৎ মিৎতে
খড়দা ওঝা,ভতড়
আর উনিয় লৗওকৗ চালাওয়িচ
এ অওয়ার রাকাপ
কেৎ কওয়া, আর কাডা
দেয়ারেয় লাদে কেৎকওয়া।
আর তাম্বড় আচ
দ কাডা চাড়বলরেয়
সাপ উরিচ এনা।
বৗই বৗইতে কাডা দ সানাম হড় আতে
গাডা আড়েতেয় পায়রা
হেচ এনা।
গাডা আড়েরে রাকাপ কাতে তাম্বড় দ ওনকো পে হড় মিৎ দারে বুটৗরেয় আগু কেৎকওয়া। জিরৗও বাড়া কাতেঃ তাম্বড় দ খড়দা ওঝা আর ভতড় তৗকিন কাডা দেয়ারে লাদে কাতেৎ টুইলৗ গোডেতাঃ অড়াঃ তেয় আগু সেটের কেৎ কিনৗ। খড়দা ওঝা দ গাডা দাঃরে আতুঃ অক্তে হঁ আয়াঃ রান রেহেৎ রেনাঃ মটরা দ বায় আতু বহেল ওচো আকাদা ; হৗড়ুপ আকাৎ তাহেগেয়ায়। খড়দা ওঝাওয়াঃ রেহেৎ রান জম কাতেঃগে টুইলৗ দ আডি উশৗরাতেয় ফারনাও রুয়ৗ ড়েনা।
সারজমডি আতোরে যখন
তাম্বড়াঃ কাথা পাশনাও
এনা, উন দ গোটা আতোরেন হড়
রৗস্কৗ আর
কুশিতে আর মিৎধাও
তাম্বড়কো সারহাও কেদেয়া
।
.webp)
.webp)
