আদিবাসী কো এভেন রে সাধু রামচাঁদ মুরমু-আঃ সেরেঞ
মহাদেব হাঁসদা
সানতাড় সমাজরে নংকান মিৎ মুহিম অকত সেটের লেনা, যাঁহা যখেচ্ হড় আপনার জানাম পৗরসিতে রড় কো বৗগিয়েৎ তাঁহে। পাতা, ছাতা আর লাঁগড়ে আখড়া বুগিতে হিন্দি বাংখান বাংলাতেকো সেরেঞেৎ তাঁহেনা। এটাঃ জৗতরেন হড় হঁ সানতালি ‘ঠার’ কো মেতাঃ কান তাঁহেনা। ১৯২৭ সালরে সিংভূম জেলারেয়াঃ চেমেঞ জুড়িরে সমাজরেন মাঝি পারগানা বাবা কো গটা লেদা-“কোল, সানতাল, মাহলে, মুন্ডৗ যতগে “রায়” পৗরিস কো অলা। বাপ্লারে বাংকো এনেচ্ সেরেঞা”। নংকান মুহিম দিনরে আদিবাসী কো তালারে মারসাল বৗতি আতেয় ওপেল লেনা মিৎ মারাং সমাজ দরদিয়ৗ, অনড়হিঁয়ৗ- সাধু রামচাঁদ মুরমু।
উনিয়াঃ জানাম দ বাংলা ১৩০৪ সাল রেয়াঃ তেহেঞাঃ মাহা ১৬ বৗইশাখ, বাং হৗটিঞ মেদিনীপুর জেলা (নাহাঃ দ ঝাড়গ্রাম) রেয়াঃ কামারবাঁদি আতোরে। আপাত ঞুতুম দ মোহন মুরমু আর এঁগাত্ ঞুতুম দ কুনি মুরমু। আতো ইস্কুল খন অডং কাতে রামচাঁদ দ মেদিনীপুর রেয়াঃ ভীমপুর সানতাল মিশন ইস্কুল রেয় ভুরতি লেনা আর ‘মধ্য বাংলা’ হৗবিচ্ এ পাড়হাও লেন তাঁহেনা। চেতান সেচ্ পাড়হা রেয়াঃ মনসুবৗ দ তাঁহেকান গে তায়া; মেনখান রেঁগেচ্ জালাতে অনা কুক্মু দ বাং সৗরিলেনা। মেনখান নুয় রামচাঁদ যে মিৎদিন আদিবাসী কো রেন ভুরকৗ ইপিলে হোয়োঃআ, অনা দ অকয় হঁ বাংকো উইহৗর লেৎ তাঁহেনা। অনা বিদৗল সমাজ রেয়াঃ নাচার দসাগে উনিদ কলমে সাপ্ অচো লেদেয়া।
দেবোন তেঁগোন আদিবাসী বীর।
কোল সাঁওতাল মাহলে মুঁডৗ
আবো যত বওয়াঃ রুঁডৗ!
ভিটৗ মৗটি বৗগিয়াতে
আদ বাংবোন বল’ বির
দেবোন তেঁগোন আদিবাসী বীর”।
মিৎ ধাও চাইবাসা রে মহাসভা রেয়াঃ মারাং দুপ্ড়ুপ তাঁহেকানা। অনডে সাধু রামচাঁদাঃ মচা খন নওয়া সেরেঞ আঁজম কাতে হড়কো এভেন গৎ এনা। সেরেঞ মুচৗৎ সাঁও সাঁওতে সেটের আকান হড়াঃ তি থায়োতে দুপ্ড়ুপ টাঁডি দ দুল দুলৗও উতৗর এনা। পোনোন নাখা খন তেখার তেখার নেঁহর হেচ্ এনা- “ গাইয়ে, আউর গাইয়ে”। “সেরেঞ মে আরহঁ সেরেঞ মে”। এন হিলোঃ গে নওয়া সেরেঞ দ আদিবাসী কওয়াঃ জৗতিয়ৗরি সেরেঞ লেকাতে মৗন এ ঞাম কেদা। অনা বিদৗল নওয়া সেরেঞ আদিবাসী কো তালারে মানতার লেকায় কৗমি লেদা। মিটিং মিছিল রেমা হেঁগে, পাতারে,ছাতারে, খেতরে, বৗইদ্রে, দারে উমুল রেহঁ হড়কো সেরেঞ এৎ তাঁহেনা-“দেবোন তেঁগোন আদিবাসী বীর দ//দেবোন তেঁগোন আদিবাসী বীর’’।
অনকাগে মিৎ ধাও বাঁকুড়া জেলা রেয়াঃ সারেংগা সোর শীতলপুর রে আদিবাসী মহাসভা রেয়াঃ দুপ্ড়ুপ তাঁহেকানা। অনা মিটিং রে নওয়া সেরেঞ লৗগিৎ শিমলাপাল রাজ দ ভুবন মুরমু হাতিয় এমাদে তাঁহেনা। ইনৗ হিলঃ হাতি চেতান খন বানাম আতে ভুবন মুরমু আঃ সেরেঞ আঁজম কাতে হড়কো মুহনি উতৗর লেনা। অনড়হিঁয়ৗ সাধু রামচাঁদ মুরমু হঁ অনা বৗইসিরে নেঁওতা পেড়া লেকাতে সেটের এ তাঁহেকানা।
অনা বিদৗল সাধু রামচাঁদ মুরমু রেন আয়মা চেলাকো হোয় লেন তাঁহেনা। ওনকো মুদ্রে মিৎ হড় দয় তাঁহেকানা কানুরাম হাঁসদা।
অনড়হিঁয়ৗ সাধু রামচাঁদ মুরমু দ সমাজ রেয়াঃ বৗড়িচ্ চাল-চলন বিরুধ রেহঁ মনে কাজাক কাতে কলমে সাপ্ উরিচ্ লেদা। পাতা ছাতা হাঁডি-পৗউরৗ ঞু-কাতে জাঁদে-তাঁদে হড়কো বুল তোহেলঃ কান তাঁহেনা,টাকা পয়সা বেরবাদঃ কান তাঁহেনা; অনা সাঁওতে জৗতি ধরম রেনাঃ মৗন মৗহিমৗ হঁ বৗড়িজঃ কান তাঁহেনা। অনা বিরুধরে রামচাঁদ এ অল কেদা-
অনা তেড়ং হড়কো দুসৗউ বোনা”।।
দিসম পেড়া জড়া জুরি,
বুল তোহেলেম এনেজ্ কানা
জাঁদে-তাঁদেম সাডাং কানা”!
অনা কাতে তেহেঞ আয়মা দিন পারম আকানা। সমাজ রেহঁ আডি গান বনদল হোয় আকানা। মেনখান তেহেঞ হঁ সাধু রামচাঁদ মুরমু আঃ চিরগৗল আড়াং দ তাকেরঃ কান গেয়া-
দেশ ভাই মনে দেবোন মিলৗউ”!
অচোগ আবোন জত ছাঁদা-
দেলা বোন বয়হা অরাপৗরি
দিশম রে উদুগ আবোন জৗরি”!
.webp)
.webp)
