সিঁগি মাহা রেনাঃ সাকাম ‘চেরেচ্ আড়াং’ লেখা- ২৫

“ আবোওয়াঃ কাথা ” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, বিজয় কিস্কু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,   ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱨᱤᱠᱟᱱᱛᱚ ᱥᱚᱨᱮᱱ,  বাড়তাঙ সরেন, সুচাঁদ হাঁসদা, দুগাই টুডু, সনাতন টুডু, তপন হেম্ব্রম ( গসবাহা ), কিষ্কিন্ধ্যা মুরমু, গুলন চন্দ্র মুর্মু, বিভূতি ভূষণ সরেন, দুলৗড় বিটি।

 

রিলৗমালা মুরুমু, ক্লাস- IV
জেলা - পুরুলিয়া

বিজয় কিস্কু , ক্লাস -VII

জেলা - পুরুলিয়া

১।।  

ᱵᱟᱦᱟ

 ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱢᱩᱨᱩᱫ ᱵᱟᱦᱟ
ᱡᱮᱸᱜᱮᱫ ᱡᱮᱸᱜᱮᱫ
ᱤᱪᱟᱹᱜ ᱵᱟᱦᱟ ᱯᱩᱨᱩᱭ ᱾

ᱟᱴᱮᱱ ᱵᱟᱦᱟ
ᱞᱮᱣᱮᱨ ᱠᱚᱫᱚᱨ
ᱯᱚᱛᱟᱢ ᱠᱩᱨᱩᱭ ᱠᱩᱨᱩᱭ ᱾

ᱥᱟᱨᱡᱚᱢ ᱵᱟᱦᱟ
ᱨᱤᱯᱤ ᱨᱤᱯᱤ
ᱥᱮᱨᱢᱟ ᱞᱟᱯᱷᱟᱝ ᱠᱷᱚᱱ ᱾

ᱢᱚᱧᱪᱚ ᱯᱩᱨᱤ
ᱥᱟᱡᱟᱣ ᱨᱟᱠᱟᱵ
ᱫᱷᱟᱹᱨᱛᱤ ᱯᱩᱨᱤ ᱠᱷᱚᱱ ᱾

ᱯᱷᱩᱪᱤ ᱪᱮᱬᱮ
ᱪᱤᱲᱤᱪ ᱪᱚᱲᱚᱝ
ᱢᱩᱱᱜᱟᱹ ᱵᱟᱦᱟ ᱠᱚᱨᱮ ᱾

ᱠᱤᱥᱱᱤ  ᱪᱮᱬᱮ
ᱛᱷᱟᱨᱮ ᱛᱷᱟᱨᱮ
ᱢᱩᱨᱩᱫ ᱵᱟᱦᱟ ᱠᱚᱨᱮ ᱾

=O=O=O=O=O=O=O=

২।।

ᱟᱞᱮ ᱚᱲᱟᱜ

-ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱦᱟᱥᱟ ᱯᱟ.ᱪᱨᱤ ᱵᱩᱥᱩᱵ ᱫᱟᱵ
ᱚᱲᱟᱜ ᱛᱟᱞᱮ ᱢᱮᱱᱟᱜ,
ᱪᱤᱠᱟ.ᱲ ᱯᱚᱛᱟᱣ ᱜᱮᱡ ᱜᱩᱨᱤᱡ
ᱥᱟᱯᱟ ᱡᱩᱛ ᱦᱮᱱᱟᱜ ᱾
 
ᱯᱟᱪᱷᱮ ᱥᱮᱫ ᱠᱩᱞᱦᱤ ᱫᱩᱣᱟ.ᱨ
ᱴᱟ.ᱴᱤ ᱥᱤᱞᱯᱤᱝ ᱢᱮᱱᱟᱜ,
ᱥᱟᱢᱟᱝ ᱥᱮᱡ ᱵᱟᱲᱜᱮ ᱫᱩᱣᱟ.ᱨ
ᱰᱚᱵᱷᱟᱜ ᱡᱩᱛ ᱦᱮᱱᱟᱜ ᱾
 
ᱦᱟ.ᱲᱭᱟ.ᱨ ᱫᱟᱨᱮ ᱱᱟ.ᱲᱤ ᱠᱚᱛᱮ
ᱜᱷᱮᱨᱟ ᱮᱥᱮᱫ ᱢᱮᱱᱟᱜ,
ᱱᱤᱨᱚᱱ ᱥᱤᱛᱩᱝ ᱦᱮᱢᱟᱞ ᱩᱢᱩᱞ
ᱦᱮᱣᱟ ᱟ.ᱰᱤ ᱦᱮᱱᱟᱜ ᱾
 
ᱚᱲᱟᱜ ᱵᱷᱤᱛᱟ.ᱨ ᱨᱟᱪᱟ ᱯᱤᱸᱰᱟ.
ᱵᱤᱡᱽᱞᱤ ᱢᱟᱨᱥᱟᱞ ᱢᱮᱱᱟᱜ,
ᱟ.ᱭᱩᱵ ᱛᱚᱨᱟ ᱵᱤᱡᱽᱞᱤ ᱵᱟ.ᱛᱤ
ᱡᱩᱞ ᱦᱮᱣᱟ ᱦᱮᱱᱟᱜ ᱾

=O=O=O=O=O=O=O=

৩।।

ᱡᱮᱣᱮᱫ ᱵᱚᱸᱜᱟ

    ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

 

ᱟᱭᱳ ᱵᱟᱵᱟ ᱡᱮᱣᱮᱫ ᱵᱚᱸᱜᱟ
ᱫᱮᱵᱚᱱ ᱡᱳᱦᱟᱨ ᱟᱠᱤᱱ ᱾
ᱥᱟᱹᱜᱩᱱ ᱯᱟᱹᱣᱲᱤ ᱛᱟᱲᱟᱢ ᱰᱟᱦᱟᱨ ᱨᱮ
ᱛᱷᱩᱢ ᱮᱢᱚᱜ ᱟᱠᱤᱱ ᱿
 
ᱟᱭᱳ ᱵᱟᱵᱟ ᱡᱮᱣᱮᱫ ᱵᱚᱸᱜᱟ
ᱵᱟᱵᱚᱱ ᱰᱷᱤᱞᱟᱹᱣ ᱠᱤᱱᱟ ᱾
ᱦᱟᱲᱟᱢ ᱵᱩᱰᱦᱤ ᱠᱟᱛᱮ ᱨᱮᱦᱚᱸ ᱵᱚᱱ 
ᱡᱳᱜᱟᱣ ᱡᱚᱛᱚᱱ ᱠᱤᱱᱟ ᱿

 

=O=O=O=O=O=O=O=

৪।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ

        ᱥᱨᱤᱠᱟᱱᱛᱚ ᱥᱚᱨᱮᱱ

   (.‌.. ᱞᱟᱦᱟᱠᱷᱚᱱ ᱛᱳᱸᱜᱮ)

       ' ᱮ' ᱛᱮ ᱜᱟᱵᱟᱱ ᱟ.ᱲᱟ. ᱺ

ᱮᱲᱮ ᱾ ᱮᱴᱟᱜ ᱾ ᱮᱞᱠᱷᱟ ᱾ ᱮᱸ ᱫᱨᱮ ᱾ ᱮᱨᱽ ᱾ ᱮᱠᱟᱞ᱾ ᱮᱸᱜᱟᱛ ᱾ ᱮᱛᱚᱦᱚᱵ ᱾ ᱮᱱᱟᱝ᱾ ᱮᱛᱽᱠᱟ ᱾ ᱮᱫᱮᱞ ᱫᱟᱨᱮ᱾ ᱮᱸᱰᱮᱠᱷᱟᱱ ᱾

' ᱮ 'ᱜᱟᱵᱟᱱ ᱟ.ᱭᱟᱛ ᱺ

ᱮᱥᱠᱟᱨ ᱟᱞᱚᱢ ᱞᱟᱞᱟᱜᱻᱟ ᱾ ᱵᱟᱦᱟ ᱵᱟᱲᱜᱮ ᱮᱴᱮᱛ ᱠᱟᱜᱻᱢᱮ ᱾ ᱮᱛᱠᱟ ᱫᱚ ᱥᱤᱠᱤᱲ ᱜᱮᱭᱟ᱾ ᱮᱲᱮ ᱠᱟᱛᱷᱟ ᱟᱞᱚᱢ ᱞᱟ.ᱭᱻᱟ ᱾ ᱵᱷᱩᱜᱟ.ᱷ ᱴᱩᱠᱩᱡ ᱮᱞᱮᱛ ᱠᱟᱜᱻᱢᱮ ᱾ ᱰᱟᱦᱟᱨ ᱠᱚ ᱮᱥᱮᱛ ᱟᱠᱟᱫᱟ᱾

' ᱯ' ᱛᱮ ᱜᱟᱵᱟᱱ ᱟ.ᱲᱟ. ᱺ

ᱯᱟ.ᱨᱥᱤ ᱾ ᱯᱟᱨᱠᱚᱢ ᱾ ᱯᱚᱛᱚᱵ ᱾ ᱯᱟᱡᱷᱟᱲ᱾ ᱯᱚᱨᱚᱵ ᱾ ᱯᱟᱛᱟ᱾ ᱯᱮ ᱢᱟᱦᱟ᱾ ᱯᱩᱪᱷᱤᱢ ᱱᱟᱠᱷᱟ᱾ ᱯᱳᱱ ᱠᱚᱸᱲ ᱾ ᱯᱩᱥᱤ ᱾

' ᱯ' ᱛᱮ ᱜᱟᱵᱟᱱ ᱟ.ᱭᱟ.ᱛ ᱺ

ᱯᱳᱱᱭᱟ ᱫᱟᱨᱮᱧ ᱨᱟᱦᱚᱭ ᱟᱠᱟᱫᱟ᱾ ᱯᱟᱭᱨᱟ ᱠᱚ ᱵᱟᱠᱼᱵᱟ.ᱠᱩᱨ ᱮᱫᱟ᱾ ᱯᱳᱸᱱᱰ ᱨᱤᱢᱤᱞᱨᱮ ᱫᱟᱜ ᱵᱟ.ᱱᱩᱜᱻᱟ ᱾ ᱫᱟᱨᱮ ᱨᱮ ᱯᱚᱛᱟᱢ ᱠᱤᱱ ᱠᱩᱰᱵᱩᱨ ᱟᱠᱟᱱᱟ ᱾ ᱯᱩᱨᱩᱵ ᱱᱟᱠᱷᱟ ᱫᱮᱛ ᱵᱮᱲᱟᱭ ᱨᱟᱠᱟᱵ ᱻᱟ ᱾

(ᱛᱳᱸᱜᱮᱻᱟ ...)

 

*ᱢᱤᱫᱴᱟᱝ ᱥᱩᱱᱫᱷᱨᱟ.ᱶ*

ᱯᱟᱨᱚᱢ ᱮᱱ ᱗ ᱯᱮᱵᱨᱩᱟᱨᱤ,᱒᱐᱒᱑ ᱥᱤᱸᱜᱤᱢᱟᱦᱟ ᱥᱟᱠᱟᱢ ᱪᱮᱨᱮᱪ ᱟᱲᱟᱝ ᱨᱮ , ᱢᱟᱱ ᱥᱨᱤᱠᱟᱱᱛᱚ ᱥᱚᱨᱮᱱ ᱟᱜ 'ᱬ 'ᱛᱮ ᱜᱟᱵᱟᱱ ᱟ.ᱭᱟ.ᱛ ᱨᱮ ᱚᱞ ᱟᱠᱟᱱᱟ ᱺ ᱦᱟ.ᱬᱩ ᱥᱩᱬᱛᱮ ᱫᱟᱜ ᱻᱮ ᱧᱩᱭᱟ ᱾ ᱱᱚᱣᱟ ᱫᱚ  ᱺ ᱦᱟ.ᱛᱤ ᱥᱩᱬᱛᱮ ᱫᱟᱜ ᱻᱮ ᱧᱩᱭᱟ ᱯᱟᱲᱦᱟᱣ ᱦᱳᱭᱳᱜ ᱻᱟ ᱾ ᱯᱨᱤᱱᱴᱤᱝ ᱵᱷᱩᱞ ᱠᱷᱟᱹᱛᱤᱨ ᱫᱩᱠ ᱤᱧ ᱥᱚᱫᱚᱨ ᱮᱫᱟ᱾

=O=O=O=O=O=O=O=

৫।।  

লাড়গা-লবয়

    বাড়তাঙ সরেন

 

আলে আতো লাড়গা লবয়
                 বারয়া গাতে কড়া
ঞেলঃ আকিন অরাসরা
            একাল জাওয়া কড়া।
 
সেতাঃ তরা বেরেৎ কাতে
             কুলহী রেকিন ঞাপাম
রৗস্কৗ আতে গাতেঃ আকিন 
                 তিস হঁ বৗকিন তাপাম।
 
টিরগুলী সাঁও কবাডি খেল
                একাল বৗকিন কমা
লৗডু পিঠৗ তোওয়া তাবেন
               মিৎ তেগে কিন জমা।
 
 গাতে গাতে  সেনঃ আকিন
                   আতো তালা ইস্কুল 
অলঃ আকিল সাঁওতে সৗরি
             ঞেল কোওয়াকিন উট কুল।
  
রুওয়ৗ হাসো রেয়াড় রাবাং
                 মিৎ তেকিন তাঁহেনা 
সাঙ্গিঞ সাঙ্গিঞ তাঁহে রেদ
                   বাংগে কিন রেবেনা।

=O=O=O=O=O=O=O=

৬।।

সনা মিরু

সুচাঁদ হাঁসদা

 

এ- সনা  এ- মিরু ,
আঁগা মারসালেন ,
দে  বেরেৎ  বেন ,
নোঅয় সেতাঃ এন  ৷
 
বেরদয় রাকাপ এন ,
আপ হুতুমঃ বেন ,
জমবেন তোওয়া তাবেন ,
অলঃ ধুরৗঃ বেন ৷
 
হড় লেকা হড়ঃ বেন ,
ঞুঁতৗত সাহায় বেন ,
নোওয়া দিসম রেন ,
হাপেন লৗউড়িয়াঃ বেন ৷

=O=O=O=O=O=O=O=

৭।।

গগ বাবা

দুগাই টুডু

 

গগ বাবা বানা হড়গে
         উইহৗর এদা সৗরি
সেতাঃ ঞিদা ইঞাঃ ভাখরা
       হুদিস্‌ আকিন পৗরি।
তিসে রড়াঃ জানাম আড়াং
       অনে কেঁড়েচ্‌ দড়েচ্‌,
তিসঃ চিন্তা সাহাঃ তৗকিন
       মনে জিউয়ি রাড়েচ্‌।
অলঃ পাড়হাঃ সেঁড়া কাতে
       গিদরৗয় লৗটুঃ বাড়ে,
আখির লৗগিৎ তেদ বলে
      আচ্‌তেয় তিগুঁ দাড়েঃ।
হারা জুয়ৗন কাতে আদ
      বাডায় বোগে বৗড়িচ্‌,
ভৗলৗই কৗমি করে গেদ
     তাঁহেন মনে উরিচ্‌;
নিয়ৗ গেকিন গুনি ভৗবিঃ
      হানে সারা ঘৗড়িচ্‌।

=O=O=O=O=O=O=O=

৮।।

কিষুন হাড়াম

সনাতন টুডু

 

কিষুন হাড়ামে ফোগড়া আকান
হাওড়া পোলো লেকা,
জিল হৗকু জম সানায়ে
জমায় চিকৗ লেকা।
 
জিল হৗকুকো উতু লেখান
রৗগি রাকাব তায়া
মনে রেনাঃ উকু কাথা
চিকৗয় সদর তায়া।

ডাটা তাঁহেন অকতো রেমা
হিড়িঞে ডাটা যতন।
নিতং আদয় উইহৗর এদা
ডাটা রেনাঃ গনং।

=O=O=O=O=O=O=O=

   ৯।।   

গড়ম বুডহি

তপন হেম্ব্রম ( গসবাহা )

 

লৗঠি হাপা তিরুব্ তিরুব্
অকায় চালাঃ গড়ম বুডহি ,
ফগলা মচা ফিকয় ফকয়
চেৎ এ তগচয়েৎ লৗকুই পৗকুই ।

জনঃ পৗটয়ৗয় গালাং সারা ঘৗড়িচ্
অনাতেক মেতায় জনঃ বুডহি ,
হাট পাতা বাজার করেৎ
বিলি বয়েস রেহঁয় বৗনিজ বেপৗরি ।

অলঃ আকিল কতে মুরুখ রেহঁ 
এনহঁ আডিই চৗটয়ৗল ,
রড় রপড় কতে আডিগেয় ঞহড়
জত কৗমিরেগে আচগেয় বহেড়ঃ ।

মেরম ভিডি গুপি গুপি
সেঁন্দরা আগূয় আড়াঃ সাকাম ,
লাৎ রাপাঃ হৗকু কাটকম কতে
মিৎ বৗটি দাঃ মৗন্ডি গেচয় জম ।।

=O=O=O=O=O=O=O=

১০।।   

রাঃ হমর

         

কিস্কিন্ধ্যা  মুরমু

   

সৗঁজি বিটিয় চালাঃ
মৗঝি পুখুরি তুপুনঃ
উকুল ডুবুল পায়রা
রেয়াড় তেয় তুকুনঃ ।

   গড়ম বুডি মানা কাথা
    বাংচয় আঁজম খৗলি
    টাবাল টুবুল ফাঁদায়
    বায় বুজ মেনাঃভৗলি ।

ঞিদৗ তেগে সিরচ্ সরচ্
 মাদা হেচ এন মু'রে
 নাসে নাসে লল রুয়ৗ
 তুনুম ঞামেন হড়মরে ।

ইদি কেদে ডাক্তার় অড়াঃ
 রান পৗটি ক এমায়া
রান মাত হাড়হৗৎ বুজু       
পৗটি দ হৗসু, বায় হাতাওয়া ।

রাঃ আতে মেৎ দাঃ জরঃ
বহঃ খৗলিয় হুতমৗয়
চল্ চল্ অড়া চল্
বৗঞ পায়রাঃ মেনতে কিকয়ৗঃ ।

=O=O=O=O=O=O=O=

১১।।

সাকাম কুম্বৗ অড়াঃ

গুলন চন্দ্র মুর্মু

 

সৗরদি সিতুং নিচোল বেড়া।           
সাকাম কুম্বৗ অড়াঃরে,
গুঁডুর কটেজ কটেজ তেগে       
জাওরা আঃ বোন তিকিন রে।।

সাকাম বৗহু জাঁওয়ায় তাবো
গেঁদাঃ অড়েজ্ ধূতি শাড়ি,
গিরু ধিরি আলতা তাবন
সাজাও গদঃ জাঁগা পৗইড়ি।।

আদম কদ সালা দৗহড়ি
আদম কদ সং ছাড়ানি,
গছা পেরেজ্ গিডিয়াবন্
ছামডা লাতার বাঁদানি।।

কেলহাৎ রৗপুৎ থৗরি বৗটি
রায়বার বুড়হি পাতড়ায় পৗটি,
নাওয়া বৗহু বিদৗয় রেদ
লেখায়াবন উটি উটি।।

নেনে পেতে সেরেং আতেৎ
ডুবাং ডুবাং বাপ্লা অড়াঃ,।                
কেনে কতে সাজাও আবো,           
সানাম কতে গিতিল অড়াঃ ।।

উকু চুকু কুম্বৗ করে                                 
আপাদ্ আদঃ কুহু রে,।                       
আডি বেশ্ বুজ্ গদঃ আ,                    
ঞাপাম্ গদঃ বৗউ রে।।   

=O=O=O=O=O=O=O=

  ১২।।

আলে ছনা

বিভূতি ভূষণ সরেন 

লুগু বুগু আলে ছনা 
দাদা জমে দুড়ুপ, 
সাবন আতে কুঞে চালাঃ 
জাঁগা তি আরুপ। 

দাকা জম মাড়াং তেদ 
তি আরুপ হুয়ু ,
সাবান আতে ঘাসা লেরে 
তিজু কক গুজু। 

তি সাফা দহ লেখান 
লাচ্ তাহেন নাপায় ,
হড়ম মজতে তাহেন খান 
জিউয়ি বাং নাসাও। 

হড় হড়ম নাপায় খান 
মজগে হুয়ু পাড়হাও, 
উন খানগে ঞেল আম 
ঝত কৗমিম সামটাও। 

=O=O=O=O=O=O=O=

১৩।।

দেবন পাড়হাঃ

দুলৗড় বিটি

 

সেতাঃ বেড়া দবন পাড়হাঃ
আরহঁ অৗয়ুব বেড়া,
তবেয় অৗনিচ্‌ মৗন ঞামঃ
হাপেন নেঁওতা পেড়া।

বাবোন খেলোড তিকিন বেড়া
বরং জৗপিৎ আবোন,
পুঁথি পতব রেগে সৗগৗই
তল দহয়া বোন।

অলঃ রেগে মৗন মেনাঃ
কুড়য়ৗঃ রেদ বাং,
অৗকিল,গেয়ান, সেচেৎ রেনাঃ
তঁগে তাঁহেন তেতাং।

 

=O=O=O=মুচৗৎ =O=O=O=