আবোওয়াঃ ওয়েব পেজ- পারমেন ১১ ফেব্রুয়ারি পুরুলিয়া জেলা রেয়াঃ বান্দোয়ান জাপাঃ সাসাং বেডারে বিরবানটা তিলকৗ মুরমু-আঃ ২৭২ সেরমা পুরৗও জানাম মাহা আডি মানত্ সালাঃ কো মানাও কেদা।
তিলকৗ মুরমু গে কানায় ভারত রেয়াক্ ফুরগৗল লৗড়হৗই রেন পৗহিল উতৗর হুলগৗরিয়ৗ। অনা বিদৗল রেন সাহেব সুবৗ আর জমিদার কওয়াঃ রডচ্, কচলন, সিয়ৗজৗরি আর নাহাচার বিরুদ রে এহপ্ লেদায় হুল। ভাগলপুর রেন ডেপুটি কালেক্টর অগাস্টাস ক্লীবল্যান্ড সাহেবে তুঞ গচ্ লেদেয়। অনা দ তাঁহেকানা ১৭৮৪ সাল রেয়াক্ ১৩ জানুয়ারি ।
অনা তায়ম আচ্ হঁ মিৎদিন ইংরেজ ফৗদ ঠেন এ সাপ্ অচোয়েনা। খান সাদম চুপি রে তল কাতে গোটা ভাগলপুর বাজার কো গহড় আচুর কেদেয়া আর
অন্ডেনাঃ বাড়ে দারে রে কো ফাঁসি কেদেয়া। অনা দিন দ তাঁহেকানা ১৭৮৫ সাল রেয়াক্ ৬ ডিসেম্বর ।
তিলকৗয় মায়াম গোহায়েনা। অনা সাঁওতে আচ্ রেন অড়াঃ গমকে আর পে বয়হা, সাঁওতে ৩৮৮ হুলগৗরিয়ৗ কো আসামি লেনা। মেনখান অনা তায়ম রেয়াঃ নাগাম দ নিত হ দানাং রেগে মেনাঃ আকাদা ।
তিলকৗ মুরমু -আঃ নওয়া লৗড়হৗই রেয়াঃ অড়ে অড়পাত কাথা বাডায় লৗগিৎ খান খন্দরন্দ হোয়োঃ আ মেনতেহঁ বৗইসি তালারে আয়মা গালচিয়ৗকো সাপ্ রাকাপ্ কেদা।
নওয়া বৗইসিরে পেড়া লেকাতে সেটের কো তাঁহেকানা মানতান সূর্য সিং বেসরা, রাজীব লোচন সরেন (এম. এল. এ. বান্দোয়ান) , সারদা প্রসাদ কিসকু (খে. বৗ.) , মহাদেব হাঁসদা, কলেন্দ্রনাথ মান্ডি , অরুণ কুমার সরেন , পূর্ণচন্দ্র সরেন, সতন সরেন এমান গোমকে কো। নোওয়া আখড়া চাচালাওয়িচ্ দয় তাঁহেকানা সূর্যকান্ত মুরমু।
.webp)
.webp)
