আবোওয়াঃ ওয়েব পেজ- পশ্চিমবঙ্গ সান্তালি আকাডেমি পাহ্টা খন হলা ১৩ ফেব্রুয়ারী পুরুলিয়া জিলৗ বোরো থানা রেনাঃ জামতোড়িয়া কমিউনিটি হল রে অনড়হিঁয়ৗ সারদা প্রসাদ কিস্কুআঃ ২০১৭-২০১৮সাল রেনাঃ ইরৗল আনা উনুইহৗর শিরপৗয় আতাং কেদা ঞুতুমান অনলিয়ৗ মানতান সোমাই কিস্কু। আখড়ারে নোওয়া শিরপৗ দয় চাল আদেয়া মানতান শান্তিরাম মাহাতো (ভারপ্রাপ্ত মন্ত্রী, পশ্চিমাঞ্চল উন্নয়ন বিষয়ক বিভাগ,প.ব. সরকার)।
নোওয়া শিরপৗ চাল আখড়ারে পেড়া লেকাতে সেটের কো তাঁহেকানা মানতান রাজীব লোচন সরেন ( এম.এল.এ. বান্দোয়ান), বীরেন্দ্র নাথ টুডু (এম.এল.এ.), দুলাল মুরমু ( এম.এল.এ. আর চেয়ারম্যান, পশ্চিমবঙ্গ সান্তালি আকাডেমি), কলেন্দ্রনাথ মান্ডি, মহাদেব হাঁসদা, বালিশ্বর সরেন, সারদা প্রসাদ কিস্কু (খে.বৗ.), দ্বিজপদ হাঁসদা এমান মৗনৗন গোমকে কো।
অনলিয়ৗ মানতান সোমাই কিস্কু দ বর্ধমান জিলৗ জামালপুর থানারেনাঃ বসন্তপুর আতোরে আডি রেঁগেচ্ অড়াঃরে জানাম তায়। বাবা রসিকলাল কিস্কু আর আয়ো দ ফুলমনি কিস্কু। আতো স্কুল অলঃপাড়হাও কাতে জামালপুর হাই স্কুলরে ভুরতি এনায়। অনাতায়ম বর্ধমান জেগেত বিরদৗগাড় খন বি.এ. পাশ কাতে ১৯৮২ সালরে পশ্চিমবঙ্গ অত্যাবশক সরবরাহ নিগমরে ‘ইন্সপেক্টর’ পদরে বাহাল এনায়। আডিদিন কৗমি তায়ম ২০১৯ সালরে কৗমি খনে জিরৗও আকানা।
মানতান কিস্কু গোমকেয়াঃ উছৗন আকান পুঁথি কো মুদরে ১। সৗগুন ঠিলি (অনড়হেঁ-)২০০৩,২। নরেন ( গাম কৗহনি)-২০০৬, ৩। কৗহ্নি কাঁধি (কাহ্নি) ২০১০, ৪। সোপরোৎ (অনড়হেঁ) ২০১১, ৫। মুরুৎ বাহা কৗপি (অনড়হেঁ) ২০১৩, ৬। বাহা মৗই (গিদৗর বৗউলি) ২০১৪, ৭। বৗগৗহি ( গাম কৗহ্নি) ২০১৭ সালরে। অনা বেগর সানতাড়ি সমাজ দর্শন চেতানরে আয়মা পুঁথিকো ছাপাও সদর আকান তায়া। অনাকো মুদরে বাডায় আকানা-১। জমসিম বিনতি রেয়াঃ সারকাথা- “ ঠাকুর গে সারি সারজম” ২০০৯, ২। সারি ধরম বঁগাবুরু-“ নেমাচার আর বাঁখেড়” ২০১৮, ৩। সারি ধরম সেরওয়া- “ছৗটিয়ার আর সৗগুন বাপলা ২০১৯, ৪। সারি ধরম সমাজ দর্শন ২০১০, ৫। সারি ধরম দাঁশায় দর্শন ২০১২, ৬। Sari Dharam the Religious Philosophy of the Santal নোওয়া দ ২০১২ সালরে।
অনলিয়া মানতান সোমাই কিস্কু দ নোওয়া সারদা প্রসাদ কিস্কু উনুইহৗর শিরপৗ বেগর আরহঁ আয়মা শিরপৗয় ঞাম আকাদা। অনাকো মুদরে বাডায় আকানা-1. Santali Sahitya Literature Award-2003, 2. Kolkata Adibasi Press Club Award-2004, 3. Durgapur Akri Gaounta Award-2006, 4. AISWA- Majhi Ramdas Tudu Award- 2009, 5. Tagore Literature Award-2010 presented by Saitya AKademi and Samsung Electronics এমান এমান।
মানতান সোমাই কিস্কু দ এখেন অলবেল সুমুং রেদ বৗনুগেয়া অনা বেগর হঁ বা্ডায় আকানা উনিদ ধরম সংগঠন ‘ ভারত জাকাত সারি ধরম বৗইসি’ রে মিৎ লেতাড় গে কৗমি ইদিয়েদায়। আরহঁ বাডায় আকানা বাংমা ডৗন বিরুধ আর নেশা বিরুধ রেহঁয় আঁদোড় ইদিয়েদা।
মানতান সোমাই কিস্কু আখড়ারে সারদা প্রসাদ কিস্কু উনুইহৗর শিরপৗ আতাং কাতে যাঁহা লেকা রৗস্কৗয় সদর কেদা অনকাগে সেটের লেন সানাম কোগে মানতান কিস্কু গুন মানাও সারহাও কো চাল আদেয়া।
.webp)
.webp)
