“ আবোওয়াঃ কাথা ” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, বিজয় কিস্কু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱨᱤᱠᱟᱱᱛᱚ ᱥᱚᱨᱮᱱ, সারি ধরম হাঁসদা, দুগাই টুডু, সুচাঁদ হাঁসদা, বাড়তাঙ সরেন, কিষ্কিন্ধ্যা মুরমু, তপন হেম্ব্রম ( গসবাহা ), বিভূতি ভূষণ সরেন।

রিলৗমালা মুরুমু, ক্লাস- IV
জেলা - পুরুলিয়া

বিজয় কিস্কু , ক্লাস -VII
জেলা - পুরুলিয়া

১।।

ᱨᱟᱜ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱥᱤᱢ ᱥᱺᱰᱤᱭ

ᱠᱩᱠᱩᱲᱩᱭᱮᱫ

ᱛᱩᱭᱩ ᱦᱚᱸᱠᱚ

ᱦᱤᱞᱚᱭ ᱦᱤᱞᱚᱭ ᱮᱫ

ᱵᱟᱡᱨᱟ ᱵᱟᱲᱜᱤ

ᱠᱩᱢᱲᱩ ᱥᱮᱛᱟᱭ

ᱠᱩᱸᱭ ᱠᱩᱸᱭ ᱠᱮᱫ ᱾

ᱢᱟᱨᱟᱝ ᱦᱤᱞᱤᱭ

ᱞᱩᱸᱰᱟᱹ ᱭᱮᱫ

ᱫᱩᱣᱟᱹᱨ ᱜᱟᱱᱟᱰᱮ

ᱯᱟᱨᱚᱢ ᱯᱟᱨᱚᱢ

ᱨᱟᱵᱟᱝ ᱡᱟᱞᱟ

ᱥᱮᱨᱮᱧ ᱞᱮᱠᱟᱭ

ᱦᱩᱸ ᱦᱩᱸ ᱭᱮᱫ ᱾

ᱦᱚᱯᱚᱱ ᱵᱟᱵᱩ

ᱫᱤᱥᱟᱹ ᱟᱠᱟᱫ

ᱦᱚᱞᱟᱱᱟᱜ ᱡᱤᱞ ᱤᱛᱩ

ᱦᱤᱞᱤ ᱯᱟᱪᱮ

ᱦᱤᱲᱤᱧ ᱠᱟᱛᱮ

ᱮᱢᱟᱫᱮᱭᱮ ᱠᱩᱛᱩ ?

ᱚᱱᱟ ᱛᱮᱜᱮ ᱦᱩᱸ ᱦᱩᱸᱭ ?

======= ᱛ ========

২।।

ᱥᱚᱱᱛᱚᱨ

ᱜᱳᱯᱮᱥᱣᱚᱨ ᱢᱟ.ᱱᱰᱤ

ᱯᱟ.ᱣᱨᱟ. ᱦᱟᱺᱰᱤ ᱵᱟ.ᱧ ᱧᱩᱭ
ᱦᱚᱲᱢᱚ ᱵᱟ.ᱧ ᱵᱟ.ᱲᱤᱡᱽ ᱾

ᱥᱮᱭᱟ ᱥᱤᱲᱤᱡ ᱵᱟ.ᱧ ᱡᱚᱢ
ᱡᱤᱣᱤ ᱵᱟ.ᱧ ᱟ.ᱲᱤᱡᱽ ᱾᱾

ᱮᱲᱮ ᱠᱟᱛᱷᱟ ᱵᱟ.ᱧ ᱨᱚᱲ
ᱢᱚᱪᱟ ᱵᱟ.ᱧ ᱵᱟ.ᱲᱤᱡᱽ ᱾

ᱦᱚᱲᱟᱜ ᱤᱱᱴᱷᱟ. ᱵᱟ.ᱧ ᱡᱚᱢ
ᱟᱡᱟᱨ ᱵᱟ.ᱧ ᱵᱟ.ᱱᱤᱡᱽ ᱾᱾

ᱦᱚᱲᱟᱜ ᱡᱤᱱᱤᱥ ᱵᱟ.ᱧ ᱦᱟᱛᱟᱣ
ᱠᱩᱢᱵᱽᱲᱩ ᱵᱟ.ᱧ ᱦᱩᱭᱩᱜ ᱾

ᱦᱚᱲ ᱥᱟᱞᱟᱜ ᱵᱟ.ᱧ ᱛᱟᱯᱟᱢ
ᱥᱩᱭᱟ. ᱵᱟ.ᱧ ᱦᱩᱭᱩᱜ ᱾᱾

ᱧᱤᱫᱟ. ᱧᱩᱛᱟ. ᱵᱟ.ᱧ ᱫᱟᱬᱟᱱ
ᱵᱤᱯᱚᱫᱽ ᱵᱟ.ᱧ ᱟ.ᱜᱩᱭ ᱾

ᱯᱩᱸᱜᱤᱼᱵᱤᱲᱤ ᱵᱟ.ᱧ ᱧᱩᱭ
ᱟᱡᱟᱨ ᱵᱟ.ᱧ ᱞᱟ.ᱜᱩᱭ ᱾᱾

======= ᱛ ========

৩।।

ᱜᱤᱫᱽᱨᱟᱹ ᱵᱟᱹᱣᱞᱤ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

ᱱᱤᱛᱫᱚ ᱱᱚᱜᱼᱚᱭ ᱜᱤᱫᱽᱨᱟᱹ ᱜᱮᱭᱟᱢ
ᱟᱥᱲᱟ ᱥᱮᱱᱚᱜ ᱢᱮ ᱾
ᱟᱥᱲᱟ ᱥᱮᱱ ᱠᱟᱛᱮ ᱱᱟᱯᱟᱭ
ᱚᱞᱚᱜ ᱪᱮᱢᱮᱫ ᱢᱮ ᱿

ᱚᱞᱚᱜ ᱨᱮᱜᱮ ᱵᱳᱜᱮ ᱵᱟᱹᱲᱤᱡ
ᱞᱟᱥᱮᱨᱚᱜ ᱛᱟᱢ ᱦᱟᱛᱟᱝ ᱾
ᱦᱟᱯᱮᱱ ᱫᱤᱱᱨᱮ ᱥᱮᱭᱟᱱ ᱠᱟᱛᱮ
ᱢᱟᱹᱱ ᱢᱟᱹᱦᱤᱢᱟᱢ ᱟᱛᱟᱝ ᱿

======= ᱛ ========

৪।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ

ᱥᱨᱤᱠᱟᱱᱛᱚ ᱥᱚᱨᱮᱱ

( ...ᱞᱟᱦᱟ ᱠᱷᱚᱱ ᱛᱳᱸᱜᱮ)

'ᱲ 'ᱛᱮ ᱜᱟᱵᱟᱱ ᱟ.ᱲᱟ. ᱺ

ᱞᱟᱲ ᱥᱟᱠᱟᱢ᱾ ᱵᱮᱸᱜᱟᱲ ᱫᱟᱨᱮ᱾ ᱨᱚᱱᱚᱲ ᱯᱚᱛᱚᱵ᱾ ᱟᱠᱷᱲᱟ ᱥᱳᱨ᱾ ᱥᱟᱲ ᱵᱟᱦᱟ᱾ ᱨᱚᱦᱚᱲ ᱢᱟ.ᱨᱤᱪᱽ᱾ ᱰᱷᱚᱸᱲ ᱵᱤᱧ᱾ ᱨᱚᱲ-ᱞᱟᱸᱫᱟ ᱾ ᱥᱳᱲᱮ ᱫᱟᱠᱟ᱾ ᱥᱟᱱᱛᱟᱲ ᱡᱟ.ᱛᱽ ᱾

'ᱲ 'ᱛᱮ ᱜᱟᱵᱟᱱ ᱟ.ᱭᱟᱛ ᱺ

ᱵᱟᱲᱮ ᱫᱟᱨᱮᱫᱚ ᱟᱭᱢᱟ ᱥᱮᱨᱢᱟ ᱵᱟᱧᱪᱟᱜᱻᱟ᱾ ᱫᱷᱟᱲ ᱫᱤᱥᱚᱢ ᱨᱮ ᱫᱷᱤᱨᱤ ᱡᱟ.ᱥᱛᱤ ᱾ ᱱᱟᱲᱠᱟ ᱦᱟᱥᱟᱛᱮ ᱵᱚᱦᱚᱜ ᱱᱟᱲᱠᱟᱭ ᱢᱮ᱾ ᱯᱤᱯᱤᱲᱡᱟᱝ ᱟᱜ ᱟᱭᱢᱟ ᱨᱚᱝ᱾ ᱫᱟᱲᱟᱝᱨᱮ ᱰᱚᱠᱟ ᱫᱟᱨᱮ ᱢᱮᱱᱟᱜᱻᱟ᱾

'ᱳ 'ᱛᱮ ᱜᱟᱵᱟᱱ ᱟ.ᱲᱟ. ᱺ

ᱳᱛᱳᱲᱽ ᱾ ᱚᱨᱛᱚᱫ ᱳᱫ᱾ ᱳᱠᱳ-ᱪᱳᱠᱳ ᱾ ᱳᱨᱟᱝ᱾ ᱳᱞ ᱵᱟᱲᱜᱮ᱾ ᱳᱲᱫᱳᱝ ᱜᱤᱫᱨᱟ. ᱾ ᱳᱰᱳᱠᱽ ᱾ ᱳᱡᱳᱱᱽ ᱰᱟ.ᱲᱤ ᱾ ᱵᱳᱠᱽᱲᱳ᱾ ᱠᱳᱢᱲᱳ᱾

'ᱳ' ᱛᱮ ᱜᱟᱵᱟᱱ ᱟ.ᱭᱟ.ᱛ ᱺ

ᱳᱞ ᱠᱳᱯᱤ ᱫᱚ ᱢᱤᱫᱴᱟᱝ ᱟᱱᱟᱡᱽ᱾ ᱛᱳᱲᱽ ᱵᱟᱲᱮ ᱵᱮᱞᱮ ᱠᱚ ᱡᱚᱢᱻᱟ᱾ ᱢᱤᱫᱵᱟᱨ ᱳᱞᱫᱚ ᱠᱤᱨᱠᱤᱨ ᱜᱮᱭᱟ᱾ ᱡᱟ.ᱯᱩᱫᱛᱮ ᱯᱩᱠᱷᱨᱤ ᱳᱛᱳᱲᱽ ᱟᱠᱟᱱᱟ᱾ ᱵᱤᱨ ᱦᱚᱲ ᱫᱚ ᱳᱲᱫᱳᱝ ᱛᱮᱠᱚ ᱛᱟᱸᱦᱮᱱᱟ ᱾

(ᱛᱳᱜᱮᱻᱟ ...)

======= ᱛ ========

৫।।

ঠুরকু পতাম

সারি ধরম হাঁসদা

এ - পতাম , ঠুরকু পতাম,
মালা উকুর তাম ?
গডা করেম দাঁড়া বাড়ায়
চেতেম পাঁজায় তাম ?

হৗনি ঞেলেম মালা পতাম
হটঃ পেরেজ মালা ,
কুঃকু ডুবুর , পানতে অৗচুর ,
গাতে তালা তালা।

এ - পতাম , ঠুরকু পতাম
গাতে উকুর তাম ?
টৗন্ডি করেম গলতে বাড়ায়
চঁহান বৗনুঃ তাম।

হৗনি ঞেলেম মালা পতাম
খোলোন চরক তায় ,
কুঃকু ডুবুর , খেলোড অৗচুর ,
ঠাঁও দ আঁদোড়ায়।

======= ᱛ ========

৬।।

দাঃ কৗহু

দুগাই টুডু

পুখরি দাঃরে দাঃ কৗহুগে
        পায়রা বাডায় কানা,
বোগে তেদো উনুম কাতে
   ডাবাচ্‌ ডুবুচ্‌ এনা।

অনে আদ হাকো সাবকো
     সিঁগৗড় বেড়া হৗবিচ্‌,
আডি গেচো তোবাঃ কোওয়া
      লাচ্‌গে ধাপাঃ হৗবিচ্‌।

অকা যখান করে গেদ
    ঢিপরে আবঃ কানায়,
অকা হানে অডাও কাতে
জেডের বাড়া হেনায়।

অদা ফৗকড়া তাসে তায়া
     রহড় বলেয় থোড়া,
ফাদা ফুদু উডৗও কাতে
   রুয়ৗড় এনায় ডেরা।

======= ᱛ ========

৭।।

অলঃ কড়া

সুচাঁদ হাঁসদা

ঞাঁলাঃ ঞাঁলাঃ হানে রিমিল ,
ঞেঁলঃ কানকো সাঁগে ইপিল ৷
রাকাপ কানায় চাঁদো মামা ,
বাবু তালে তোওয়া দাকায় জমা ৷

উসুল বুরু হানে ঞেঁলঃ ,
চালাঃ আকো যাঁহায় অলঃ ৷
চেত কতে বাং বেনাও আকান ,
অলঃ হড়ক বাড়ায় জংকান ৷

সাত সৗমুদ হানে কুনু ,
দাঃ রেনাঃ মুচৗৎ বৗনুঃ ৷
দাঃ ভিতির চেতকো মেনাঃ ,
বাড়ায় ঞামাম অলঃ খনাঃ ৷

হানে ঞেঁলঃ বাজার সাহার ,
লেঁজের চিকৗড় হর ডাহার ৷
বার পে তলা দালান অড়াঃ ,
তাহেন আকো অলঃ কড়া ৷

======= ᱛ ========

৮।।

হুল গৗরিয়ৗ

বাড়তাঙ সরেন

সিধুকানু চাঁদ ভৈরৌঁ
আপে দ হুল গৗরিয়ৗ
ভগনাডি বাড়ে বুটৗ
হাতাও লেৎপে কিরিয়ৗ ।

রাজমহল টঠা রেদ
ব্রিটিশকো সেটের লেনা
হাজার হাজার মাহাজন
হায় খাজনা কো খজলেনা।

গৗই কাডা হোড়ো চাউলে
সানামকো হামেট লেদা
রেঙ্গেচ হড় চেতান আর হঁ
চৗবুক কো চালাও লেদা।

শাঁসেৎ রডজ আর কচলন
একাল বাংপে সাহাও লেৎ
ইংরেজ সাহেব বিরুধরে
লাসের হাতয়ৗরপে সাপ কেৎ।

গুমৗনী গাডা দাঃরে
মায়াম দ আতুলেনা
হাজার হাজার হড়কোওয়াঃ
জিউয়ী দ ইড়িচলেনা।

দিশম লৗগিৎ বীরবান্টা
জিউয়ী পে আলায় লেদা
ধৗরতী তালা যায়যুগ গে
ঞুতুমপে দহকেদা।

======= ᱛ ========

৯।।

ফুচি

কিস্কিন্ধ্যা মুরমু

দারে ঝুড়রে ফাড়াৎ ফুড়ুৎ
রাগেৎ কানেম চাড়াৎ চুড়ুৎ ;
          তিজু বিন্দি পাঁজা কানেম
       সৗরদি সিতুং ঞেল ঞামেন ।

         হপন হুডিঞ হড়ম তাম
      ঞেলঃ চরক নাপায় আম ;
      রাঃ আড়াং মজ আঁজমঃ
      ইল্ চিকৗড় ঞেলঃ হড়ম ।

      মন কুসি উডৗউ বাড়ায়
     ডুংরি মেলান গটাম দাঁড়ায় ;
     ঝৗনটি ঝাটা ফাড়ৗৎ ফুড়ুৎ
     জিউয়ি তাম দ লুকুৎ লুকুৎ ।।

======= ᱛ ========

১০।।

খড়দা কুমৗং

তপন হেম্ব্রম (গসবাহা)

খয়ের গাজাড় খড়দা কুমৗং
ডামাং ডুমৗং আতেৎ এ হিজুঃ।
বাহা সহরায় নেঁওতায়ে লে
তিসরেহঁ বাং এ তায়মঃ ।

রড় আড়াং টাড়াং টাড়াং
গোটা কুলহি হড় ক আঁজম ।
বৗনুঃ তায়া এদরে আড়িস
জত হড় সালাঃ সিবিল সড়মে রড় ।

বৗনুঃ তায়া হিসৗ সুয়ৗ
আডি সহজ সরল মনেয়ান।
অনাতেগে গোটা কুলহি হড়
খড়দা কুমৗং দক কুশিয়ায়।

======= ᱛ ========

১১।।

সারি কাথা

বিভূতি ভূষণ সরেন

মাঝি করেন হপন বুবু
মন আডি সাফা,
সানাম কৗমি আডি তরাৎ
বাংএ মেনা গাপা।

হড় সঁগে রড় রেঁহ
লৗয়ায় সৗরি কাথা,
উকু চুকু বৗনুঃ তায়া
বৗচুঃ এড়ে কাথা।

গিদৗর কদ খাঁটি সোনা
মনেরে বৗনুঃ খাদ,
যাহাঁ গেয় ঞেল ঞাম
লৗলৗই বায় বাদ।।

======= মুচৗৎ ========