আবোওয়াঃ ওয়েব পেজ-
আঁজম আকানা সারনা পন্থী কো মুদ্রে আয়মা হড় গেকো লৗই আচুর বাডায়েৎ তাঁহেকানা বাংমা
বেঙ্গল সানতাড় সুমুং গে ‘সারি ধরম’ কাথা কো লৗই এদা। মেনখান যাঁহা পনৎ খন পোয়লো সারনা
ধরম বিল বিধান সভারে পাশ লেনা অনা পনৎ রেনাঃ গে পুরুব সিঞভূম জেলারে মেনাঃ তেলিডি আতোরে
হলা ২৮ ফেব্রুয়ারী আডি মানত সালাঃ সারি ধরম বৗইসি হোয় পারমেনা।
বাডায় আকানা অনা বৗইসী বানচাল রেনাঃ আডি রকম তোড়জোড়
হুয় লেনা মেনখান মুচৗৎ ধৗবিচ্ সারি গে জিৎকৗর এনায়। অনা জেলারেন ডি.এম. আঃ পারমিশন
আতে হেলমেল আখড়া পারম হুয় আকানা মেনতেহঁ বাডায় আকানা।
নোওয়া আখড়ারে সারি ধরম গালচিয়ৗ লেকাতে সেটের কো
তাঁহেকানা মানতান অজয় কুমার মুরমু,রতনলাল মুরমু, স্বপন হেম্ব্রম (মুলুক পারগানা বাবা,
বলরামপুর), রবিলাল মান্ডি (সাসাপাড়াওয়িজ্, খেরওয়াল গেজেট), ভারত জাকাত মাঝি পারগানা
মহল পুরুলিয়া জেলা পারগানা বাবা মানতান রতনলাল হাঁসদা, সারি ধরম কোড কুমুট রেন কনভেনর
আর পছিম বাংলা আসেকারেন সেক্রেটারী মানতান ডঃ সুবোধ হাঁসদা এমান মৗনৗন গোমকে কো।
আখড়ারে মানতান রবিলাল মান্ডি গোমকে আয়াঃ বাঁখেড়
তালাতে লৗই সদর কেদায় সারি ধরম রেনাঃ সার কাথা। মানতান রতনলাল হাঁসদা গোমকে সানতাড়ি
লায়-লাকচার,ধরম-করম ইদি কাতে অড়ে অড়পাত এ লৗই কেদা। মাহাতো-কুঁড়বি কো এস.টি.লৗগিদঃ
কান রেহঁ তেহেঞ সারনা ধরম হড় বাংকো রড় দারাম এদা চেদা? তবে চেৎ ওনকো দ থারি দাকা হৗটিঞ
সানায়েৎ কোওয়া- মেনতেহঁ মানতান হাঁসদা গোমকেয় রড় তরা কেদা।
নতে মানতান সুবোধ হাঁসদা গোমকে লৗই কেদা সারি ধরম
দ ধৗরতি রেনাঃ সানাম খনাঃ মারে ধরম কানা। মানতান হাঁসদা আরহঁয় লৗই কেদা বাংমা “আম যুদি
আমরেন গিদৗর বুগিয়াঃ বাম সেঁড়া আয়, এনখান এটাঃ হড়দ আমরেন গিদৗর বৗড়িচ্ আঃ এ সেঁড়া
আয়া”। অনাতে মানতান হাঁসদা গোমকে নিৎ খনগে আপনার অড়াঃরেন গিদৗর কো সারি ধরম কাথা লৗই
সেঁড়া আকোপে মেনতে সেটের লেন সানাম কোঠেন নেঁহর এ দহ আকাদা। আর অনা তেগে পালেন তেহেঞ
বাং বুঝতে, বাং বাডায়তে সানতাড় অড়াঃ রেন গিদৗর কঁহ এটাঃ হড়াঃ কাথা লেকাতে সারনা কাথা
কো লৗই বাডায় এদা মেনতেহঁয় রড় তরা কেদা।
নোওয়া সারি ধরম বৗইসি আখড়া চাচালাও রে তাঁহেকানায়
গায়ান বাডোহি মানতান রামদাস হাঁসদা।
মুচৗৎ রে ঞেল এনা বৗইসিরে ঝাড়খন্ডরেন হড় পোয়লো ফৗগুন বঁগা রেনাঃ মুরুৎ বাহা রাসালেকা সারি ধরম রাসা চেপেজ্ চেপেজ্ তে আপান আপিন অড়াঃ তেকো রুওয়ৗড় এনা।
.webp)
