ᱯᱚᱛᱚᱵ ᱛᱩᱞᱟ.ᱡᱚᱠᱷᱟ
ᱢᱟᱱᱚᱛᱟᱱ ᱥᱟᱥᱟᱯᱨᱟᱶᱤᱪ, ᱟᱵᱚᱣᱟᱜ
Covid-19 ᱨᱮᱱᱟᱜ ᱟᱱᱟᱴ ᱛᱟᱞᱟᱛᱮᱦᱚ, ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟ ᱜᱟᱸᱛᱟᱭᱟᱜ (AISWA) ᱥᱮᱨᱢᱟᱠᱤᱭᱟ. ᱦᱮᱞᱢᱮᱞ ᱦᱳᱭᱮᱱ ᱜᱮᱭᱟ᱾ ᱱᱚᱣᱟ ᱦᱮᱞᱢᱮᱞ ᱱᱮᱥ ᱫᱚ ᱦᱳᱭᱮᱱᱟ ᱡᱷᱟᱲᱠᱷᱚᱱᱰ ᱯᱚᱱᱚᱛ ᱨᱮᱭᱟᱜ ᱪᱟ.ᱠᱩᱞᱤᱭᱟ.ᱨᱮ - ᱯᱟᱨᱚᱢ ᱮᱱ ᱒᱐ & ᱒᱑ ᱯᱷᱮᱵᱨᱩᱭᱟᱨᱤ ᱒᱐᱒᱑ ᱾ ᱱᱮᱥ ᱟᱜ ᱱᱚᱣᱟ ᱞᱚᱠᱰᱟᱩᱱ ᱚᱠᱛᱚ ᱨᱮ ᱱᱟᱯᱟᱭ ᱟᱨ ᱵᱟ.ᱲᱤᱪᱽ , ᱵᱟᱱᱟᱨ ᱡᱤᱱᱤᱥ ᱜᱮ ᱧᱮᱞ ᱧᱟᱢ ᱟᱠᱟᱱᱟ᱾ ᱞᱚᱠᱰᱟᱩᱱ ᱨᱮ ᱟᱭᱢᱟ ᱡᱟᱦᱟᱱᱟᱜ ᱠᱚ ᱵᱚᱱᱫᱚ ᱛᱟᱸᱦᱮ ᱠᱟᱱᱨᱮᱦᱚ, ᱥᱟᱶᱦᱮᱫ ᱪᱚᱨᱪᱟ ᱫᱚ ᱵᱚᱱᱫᱚ ᱵᱟᱝ ᱛᱟᱸᱦᱮ ᱠᱟᱱᱟ᱾ ᱚᱱᱟᱛᱮ ᱱᱮᱥ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ, ᱵᱟᱦᱨᱮ ᱫᱤᱥᱚᱢ ᱨᱮᱱᱟᱜ ᱢᱤᱫᱴᱟᱝ ᱥᱚᱸᱫᱷᱟᱲ ᱵᱟᱦᱟ ᱥᱟᱲ ᱮᱱᱟ᱾ ᱚᱱᱟ ᱵᱟᱦᱟ ᱫᱚ ᱦᱳᱭᱳᱜ ᱠᱟᱱᱟ, ᱡᱟᱯᱟᱱᱤ ᱫᱤᱥᱚᱢ ᱨᱮᱱᱟᱜ ' ᱦᱟᱭᱠᱩ ' ᱚᱱᱚᱲᱦᱮ᱾ ᱚᱞ ᱟᱠᱟᱫᱟᱭ ᱢᱟᱱᱚᱛᱤᱭᱟ. ᱚᱧᱡᱚᱞᱤ ᱠᱤᱥᱠᱩ᱾ ᱯᱚᱛᱚᱵ ᱨᱮᱱᱟᱜ ᱧᱩᱛᱩᱢ ᱮ ᱫᱚᱦᱚ ᱟᱠᱟᱫᱟ, ' ᱢᱤᱫ ᱵᱤᱛᱟ. ' ᱾ ᱱᱩᱭ ᱟᱜ ' ᱢᱤᱫ ᱵᱤᱛᱟ. ' ᱵᱟᱝ ᱡᱮᱞᱮᱧ ᱨᱮᱦᱚ, ᱢᱟ.ᱱ ᱫᱚ ᱟ.ᱰᱤ ᱡᱮᱞᱮᱧᱟ᱾
ᱚᱱᱚᱲᱦᱮ ᱟᱛᱮ ᱟᱭᱢᱟ ᱚᱱᱚᱞᱤᱭᱟ, ᱟᱭᱢᱟ ᱜᱭᱟᱱᱤ-ᱜᱩᱱᱤ ᱦᱚᱲ ᱟᱭᱢᱟ ᱞᱮᱠᱟᱱ ᱠᱟᱛᱷᱟ ᱠᱚ ᱞᱟᱹᱭ ᱟᱠᱟᱫᱟ᱾ ᱢᱮᱱᱠᱷᱟᱱ ᱚᱠᱚᱭᱟᱜ ᱠᱟᱛᱷᱟ ᱦᱚ ᱵᱟᱢ ᱜᱮᱫ ᱫᱟᱲᱮᱭᱟᱜᱻᱟ᱾ ᱧᱮᱞ ᱟᱠᱟᱱᱟ, ᱟᱭᱢᱟ ᱛᱷᱟᱨ ᱨᱮᱦᱚ ᱚᱱᱚᱲᱦᱮ ᱚᱞᱚᱜ ᱻᱟ ᱼᱼᱟᱨ ᱢᱤᱫ ᱵᱟᱨ ᱛᱷᱟᱨ ᱛᱮᱦᱚ ᱚᱱᱚᱲᱦᱮ ᱚᱞᱚᱜ ᱻᱟ᱾ ᱚᱱᱚᱲᱦᱮ ᱨᱮᱱᱟᱜ ᱥᱟᱶᱦᱮᱫ ᱜᱩᱱ ᱛᱚᱫᱵᱤᱡ ᱠᱟᱛᱮ ᱧᱮᱞ ᱟᱠᱟᱱᱟ, ᱢᱤᱫᱵᱟᱨ ᱚᱱᱚᱲᱦᱮ ᱠᱚᱨᱮ ᱫᱚ ; ᱟᱭᱢᱟ ᱛᱷᱟᱨ ᱛᱮᱦᱚ ᱥᱟᱶᱦᱮᱫ ᱜᱩᱱ ᱵᱟᱝ ᱧᱟᱢᱚᱜ ᱻᱟ ᱟᱨ ᱵᱟᱨ ᱯᱮ ᱛᱷᱟᱨ ᱨᱮᱱᱟᱜ ᱚᱱᱚᱲᱦᱮ ᱨᱮᱜᱮ ᱟᱭᱢᱟ ᱥᱟᱶᱦᱮᱫ ᱜᱩᱱ ᱧᱟᱢᱚᱜ ᱻᱟ ᱾ ᱱᱚᱣᱟ' ᱢᱤᱫ ᱵᱤᱛᱟ. ' ᱯᱚᱛᱚᱵ ᱨᱮ, ᱢᱤ ᱼᱢᱤᱫᱴᱟᱝ ᱚᱱᱚᱲᱦᱮ ᱨᱮ ᱼ ᱯᱮᱭᱟ ᱠᱟᱛᱮ ᱛᱷᱟᱨ ᱢᱮᱱᱟᱜ ᱻᱟ᱾ ᱱᱚᱣᱟ ᱯᱮ ᱛᱷᱟᱨ ᱨᱮᱱᱟᱜ ᱥᱟᱶᱦᱮᱫ ᱜᱚᱱᱚᱝ ᱫᱚ ᱟ.ᱰᱤ ᱫᱟᱢᱟᱱ᱾ ᱞᱟ.ᱭ ᱜᱟᱱᱚᱜᱻᱟ, ᱱᱩᱭ ᱚᱧᱡᱚᱞᱤ ᱠᱤᱥᱠᱩ ᱜᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱦᱟᱭᱠᱩ ᱨᱮᱱ ᱥᱤᱨᱡᱚᱱᱤᱭᱟ᱾
ᱱᱚᱣᱟ ᱯᱚᱛᱚᱵ ᱨᱮ ᱑᱓᱔ ᱜᱚᱴᱮᱡ ᱚᱱᱚᱲᱦᱮ ᱢᱮᱱᱟᱜ ᱻᱟ᱾ ᱚᱱᱟ ᱢᱩᱫᱨᱮ ᱒᱗ ᱜᱚᱴᱮᱱ ᱚᱱᱚᱲᱦᱮ ᱫᱚ ᱑᱗ ᱥᱚᱞᱚᱝ/ᱢᱟᱛᱛᱨᱟ ᱨᱮᱱᱟᱜ ᱟᱨ ᱵᱟ.ᱠᱤ ᱑᱐᱗ ᱜᱚᱴᱮᱡ ᱚᱱᱚᱲᱦᱮ ᱫᱚ ᱒᱐ ᱥᱚᱞᱚᱝ/ ᱢᱟᱛᱛᱨᱟ ᱨᱮᱱᱟᱜ᱾ ᱱᱚᱣᱟ ᱥᱚᱞᱚᱝ ᱥᱮ ᱢᱟᱛᱛᱨᱟ ᱠᱚᱦᱚ ᱟ.ᱰᱤ ᱡᱚᱛᱚᱱᱛᱮᱭ ᱚᱞ ᱟᱠᱟᱫᱟ᱾ ᱢᱟᱛᱛᱨᱟ ᱛᱷᱚᱲᱟ ᱦᱚ ᱵᱟᱝ ᱦᱟᱱᱛᱮ ᱼᱱᱟᱛᱮ ᱟᱠᱟᱱᱟ᱾ ᱱᱤᱛᱚᱜ ᱫᱚ ᱵᱚᱱ ᱧᱮᱞ ᱞᱮᱜᱮ, ᱱᱚᱣᱟ ᱯᱚᱛᱚᱵ ᱨᱮᱱᱟᱜ ᱢᱤᱫ ᱵᱟᱨ ᱚᱱᱚᱲᱦᱮ᱾ ᱯᱳᱭᱞᱳ ᱫᱚ (᱕+᱗+᱕=᱑᱗ ᱢᱟᱛᱛᱨᱟ) ᱨᱮᱱᱟᱜ ᱚᱱᱚᱲᱦᱮ᱾(᱑) ᱥᱮᱨᱢᱟ ᱟ.ᱪᱩᱨᱚᱜ (᱕) ᱥᱟᱨᱡᱚᱢ ᱢᱟᱛᱠᱚᱢ ᱵᱟᱦᱟᱜᱻᱟ(᱗) ᱨᱩᱯ ᱨᱚᱝ ᱟ.ᱪᱩᱨᱚᱜ ᱾ (᱕)ᱱᱚᱣᱟ ᱚᱱᱚᱲᱦᱮ ᱨᱮᱱᱟᱜ ᱥᱟᱨ ᱠᱟᱛᱷᱟ ᱫᱚ ᱱᱚᱝᱠᱟ ᱺ ᱥᱮᱨᱢᱟ ᱟ.ᱪᱩᱨ ᱯᱩᱨᱟ.ᱶ ᱞᱮᱱ ᱠᱷᱟᱱ, ᱦᱟᱨᱭᱟ.ᱨ ᱫᱷᱟ.ᱨᱛᱤ ᱨᱮ ᱚᱱᱟ ᱨᱮᱭᱟᱜ ᱥᱟ.ᱵᱩᱫᱵᱚᱱ ᱧᱮᱞ ᱧᱟᱢᱟ᱾ ᱥᱟ.ᱵᱩᱫᱽ ᱞᱮᱠᱟᱛᱮ, ᱫᱟᱨᱮ ᱨᱮ ᱵᱟᱦᱟᱜᱻᱟ ᱟᱨ ᱡᱚᱜᱻᱟ ᱾ ᱟᱨ ᱱᱚᱣᱟ ᱥᱟᱶᱛᱮ ᱢᱟᱱᱳᱭᱟ ᱡᱤᱭᱚᱱ ᱨᱮᱱᱟᱜ ᱨᱩᱯ ᱨᱚᱝ ᱦᱚ ᱵᱚᱱᱚᱫᱚᱞᱜᱻᱟ᱾(᱒) ᱞᱟᱹᱭ ᱞᱟᱠᱪᱟᱨ ᱵᱚᱸᱜᱟ(᱕) ᱟᱫᱚᱜ ᱵᱟᱦᱟ ᱥᱚᱦᱚᱨᱟᱭ(᱗) ᱛᱞᱟᱥ ᱯᱩᱛᱷᱤ ᱨᱮ᱾ (᱕)ᱱᱚᱣᱟ ᱚᱱᱚᱲᱦᱮ ᱫᱚ ᱱᱤᱭᱟ. ᱚᱠᱛᱚ ᱨᱮᱭᱟᱜ ᱢᱤᱫ ᱡᱚᱛᱷᱟᱛ ᱚᱱᱚᱲᱦᱮ᱾ ᱱᱟᱦᱟᱜ ᱚᱠᱛᱚᱨᱮ ᱞᱟᱹᱭ.ᱼᱞᱟᱠᱪᱟᱨ ,ᱵᱟᱦᱟ ᱼᱵᱚᱸᱜᱟ ᱥᱚᱦᱚᱨᱟᱭ ᱠᱚ ᱡᱚᱛᱷᱟᱛ ᱠᱟᱭᱛᱮ ᱵᱟᱝ ᱢᱟᱱᱟᱶ ᱠᱟᱛᱮ, ᱯᱩᱛᱷᱤ ᱠᱚᱨᱮᱵᱚᱱ ᱯᱟᱸ ᱡᱟᱭᱮᱫᱟ᱾ᱱᱤᱛᱚᱜ ᱫᱚ (᱖+᱘+᱖=᱒᱐) ᱥᱚᱞᱚᱝ/ ᱢᱟᱛᱛᱨᱟ ᱨᱮᱱᱟᱜ ᱢᱤᱫ ᱵᱟᱨ ᱚᱱᱚᱲᱦᱮ ᱵᱚᱱ ᱧᱮᱞ ᱞᱮᱜᱮ᱾(᱑) ᱥᱟᱠᱟᱢ ᱫᱚ ᱥᱟᱜᱮᱱᱚᱜ(᱖) ᱦᱚᱲᱢᱚ ᱫᱟᱲᱮ ᱢᱟ.ᱬᱩᱨ ᱞᱮᱱᱠᱷᱟᱱ(᱘) ᱡᱤᱣᱭᱤ ᱵᱟᱝ ᱡᱤᱭᱟ.ᱲᱚᱜ ᱾ (᱖)ᱱᱚᱣᱟ ᱚᱱᱚᱲᱦᱮ ᱨᱮ ᱫᱚ, ᱥᱟᱠᱟᱢ ᱥᱟᱳ ᱡᱤᱭᱚᱱ ᱩᱢᱮᱨ ᱨᱮᱱᱟᱜ ᱱᱟᱯᱟᱭ ᱛᱩᱞᱟ.ᱡᱚᱠᱷᱟ ᱟᱠᱟᱱᱟ᱾ ᱥᱟᱠᱟᱢ ᱧᱩᱨᱦᱟ. ᱠᱟᱛᱮ ᱟᱨᱦᱚ ᱥᱟᱜᱮᱱ ᱨᱩᱭᱟᱲᱚᱜᱻᱟᱼ ᱫᱟᱨᱮ ᱚᱱᱠᱟ ᱜᱮᱢ ᱧᱮᱞᱟ᱾ ᱢᱮᱱᱠᱷᱟᱱ ᱩᱢᱮᱨ ᱵᱟ.ᱲᱛᱤ ᱞᱮᱱᱠᱷᱟᱱ ᱚᱱᱟᱫᱚ ᱵᱟᱝ ᱨᱩᱭᱟ.ᱲᱟ ᱾(᱒) ᱦᱳᱲᱳ ᱯᱮᱴᱮᱡ ᱟ.ᱛᱩᱜ(᱖) ᱠᱟᱛᱷᱟ ᱯᱮᱴᱮᱡ ᱵᱟᱝ ᱜᱮ ᱟ.ᱛᱩᱜ (᱘) ᱠᱟᱛᱷᱟ ᱯᱮᱴᱮᱡ ᱛᱟ.ᱯᱩᱜ᱾ (᱖)ᱱᱚᱣᱟ ᱚᱱᱚᱲᱦᱮ ᱨᱮ ᱟ.ᱰᱤ ᱫᱟᱢᱟᱱ ᱠᱟᱛᱷᱟ ᱚᱞ ᱟᱠᱟᱱᱟ᱾ ᱯᱮᱴᱮᱡ ᱦᱳᱲᱳ ᱥᱟᱳ ᱯᱮᱴᱮᱡ ᱠᱟᱛᱷᱟ ᱨᱮᱱᱟᱜ ᱱᱟᱯᱟᱭ ᱛᱩᱞᱟ.ᱡᱚᱠᱷᱟ ᱵᱚᱨᱱᱚᱱ ᱟᱠᱟᱱᱟ᱾(᱓) ᱵᱩᱠᱟ. ᱞᱚᱞᱚ ᱞᱮᱱᱠᱷᱟᱱ(᱖) ᱩᱴᱩᱡ ᱯᱩᱴᱩᱡ ᱠᱟ.ᱢᱤ ᱛᱟᱞᱟ(᱘) ᱛᱷᱟ.ᱨᱤ ᱯᱮᱨᱮᱡ ᱫᱟᱠᱟ᱾(᱖)ᱱᱚᱣᱟ ᱨᱮᱦᱚ ᱟᱵᱚᱣᱟᱜ ᱞᱟᱡ ᱨᱮᱸᱜᱮᱡ ᱠᱟᱛᱷᱟ ᱟ.ᱰᱤ ᱱᱟᱯᱟᱭ ᱚᱞ ᱟᱠᱟᱱᱟ᱾ ᱨᱮᱸᱜᱮᱡ ᱠᱷᱟ.ᱛᱤᱨ ᱜᱮ ᱢᱟ.ᱱᱢᱤ ᱠᱚ ᱠᱟ.ᱢᱤᱭᱟ ,ᱠᱟ.ᱢᱤ ᱠᱟᱛᱮ ᱜᱮ ᱛᱷᱟ.ᱨᱤ ᱯᱮᱨᱮᱡ ᱫᱟᱠᱟ ᱠᱚ ᱧᱟᱢᱟ᱾ ᱟᱨ ᱱᱚᱣᱟ ᱨᱮᱜᱮ ᱢᱮᱱᱟᱜ ᱻᱟ ᱥᱚᱥᱱᱚᱜ ᱨᱮᱱᱟᱜ ᱫᱟᱲᱮ᱾(᱔) ᱥᱚᱨᱮᱥ ᱫᱟᱲᱮ ᱟ.ᱠᱤᱞ(᱖) ᱢᱟ.ᱱᱢᱤ ᱢᱚᱱᱮᱭ ᱟᱨᱥᱟᱞ ᱛᱟᱵᱚᱱ(᱘) ᱟᱸᱫᱷᱟ ᱼᱯᱟ.ᱛᱭᱟ.ᱶ ᱥᱟᱦᱟᱜ᱿(᱖)ᱱᱚᱣᱟ ᱚᱱᱚᱲᱦᱮ ᱨᱮᱱᱟᱜ ᱥᱟᱨᱠᱟᱛᱷ ᱡᱟ.ᱱᱤᱪ ᱥᱟᱱᱟᱢ ᱦᱚᱲ ᱜᱮᱵᱚᱱ ᱵᱩᱡᱷ ᱧᱟᱢ ᱫᱟᱲᱮᱭᱟᱜ ᱠᱟᱱᱟ᱾ ᱟ.ᱠᱤᱞᱜᱮ ᱡᱤᱭᱚᱱ ᱨᱮᱱᱟᱜ ᱥᱟᱱᱟᱢ ᱟᱱᱟᱴᱮ ᱥᱟᱦᱟ ᱫᱟᱲᱮᱭᱟᱜᱻᱟ ᱟᱨ ᱢᱟᱨᱥᱟᱞ ᱰᱟᱦᱟᱨᱮ ᱩᱫᱩᱜ ᱟᱵᱚᱱᱟ᱾
ᱱᱩᱭ ᱟᱜ ᱚᱱᱚᱲᱦᱮᱸ ᱨᱮ ᱡᱟᱦᱟ ᱠᱟᱛᱷᱟ ᱠᱚ ᱚᱞ ᱟᱠᱟᱱᱟ, ᱜᱭᱟᱱᱤ ᱼ ᱜᱩᱱᱤ ᱢᱟᱱᱳᱭᱟ ᱠᱚᱫᱚ ᱡᱟ.ᱱᱤᱪ ; ᱱᱚᱣᱟ ᱠᱟᱛᱷᱟ ᱫᱚ ᱠᱚ ᱟ.ᱱᱟᱤᱠᱟ.ᱶ ᱧᱟᱢ ᱫᱟᱲᱮᱭᱟᱜ ᱜᱮᱭᱟ᱾ ᱮᱱᱨᱮᱦᱚ ᱱᱩᱭ ᱡᱮ ᱱᱩᱱᱟ.ᱜ ᱫᱟᱢᱟᱱ ᱠᱟᱛᱷᱟ ᱠᱚ ᱦᱟ.ᱨ ᱥᱟᱢᱴᱟᱶ ᱠᱟᱛᱮ, ᱦᱟᱭᱠᱩ ᱛᱟᱞᱟᱛᱮᱭ ᱟ.ᱲᱛᱤᱭᱟᱫ ᱵᱚᱱᱟ ᱼ ᱚᱱᱟ ᱨᱮᱜᱮ ᱚᱱᱚᱞᱤᱭᱟ ᱟᱜ ᱜᱚᱨᱚᱵ ᱞᱮᱠᱟᱱ ᱢᱟ.ᱱ ᱾ ᱯᱟ.ᱴᱷᱩᱭᱟ. ᱠᱚᱭᱟᱜ ᱢᱚᱱᱮᱦᱚ, ᱱᱟᱭᱟ ᱢᱤᱫ ᱞᱮᱠᱟᱱ ᱚᱱᱚᱲᱦᱮ ᱨᱟᱥᱟ ᱧᱟᱢ ᱠᱟᱛᱮ; ᱮᱴᱟᱜ ᱞᱮᱠᱟᱱ ᱫᱟᱲᱮ ᱥᱟᱨᱥᱟᱜ ᱛᱟᱠᱚᱭᱟ ᱢᱮᱱᱛᱮ ᱤᱧᱟ.ᱜ ᱯᱟ.ᱛᱭᱟ.ᱶ ᱿
.webp)
