(হুডিঞ মাছা কৗহ্নি)
রাহলা রিমিল...
সাগুন হেমরমশিমলডাঙা আতো দ তেহেঞ রাজন বাজন তালাতে রৗস্কৗ রমজ রেয়াঃ গঞ্জন আড়াং আতেগে বারে বার তারকোঃ কানা। চেদাঃ স্যে তেহেঞ দ লখন মাঝি মারাং কড়া রিমিলাঃ সার সৗগুন বাপলা। একলা সাধের চৗকরি কড়া রিমিল। নায় নাপায় তেগে বাপলা দ হোয় পারমেনা। বৗহু আগু কাতে রুওয়ৗড় অক্ত সারজমডি রেয়াঃ হেসাঃ দারে বুটৗ সেদ্ কয়ঃ কাতে চেদ দয় উইহৗর কেদা রিমিল। দিশৗ গে বাং হেজ্ আয় কানা। আচকাগেয় তিঁগু থিরেনা। হ্যাঁ, আডি ঘাড়ি তায়ম উইহৗর হেজ্ আদেয়া। আডি মাড়াং রেয়াঃ কাথা।,পৗহিল সেদায় কাথা। হিড়িঞ কাথা। অনা হেঁসাঃ বুটৗ উমুল রেগে ফৗগুন রেয়াঃ সৗগুন হেলকাও তে যাঁহা কাথা রাহলায় এমাদে তাঁহেঃ। খৗলি কাথা এম সুমুং দ বাং অনা সাঁও কিরিয়ৗ হঁয় হাতাওলেদা যে যায়যুগে দুলৗড়ায়া মেন্তে। মলং হরাসিরে সিঁদুর আর তিরে মেড়হেৎ সাকম হরঃ কাতে আপনারেয়া মেন্তে। দুলৗড় সৗগৗয় হঁ পে সেরমা গান হোয় লেন তৗকিনা।
বোরোপাতা রে ঞাপাম তরা তিরে সনা রেয়াঃ মালা এম কাতে এ মেতাদে তাঁহেঃ জনম জনম আমগিঞ দুলৗড়ামা আর রাহলা হঁ ভরসা ঞাম কাতে রিমিলাঃ কড়াম রেগে বহঃ দয় দহলেদা। মেনখান চৗকরি ঞাম তায়ম রিমিল দয় বদলেনা। রিমিল রেন অড়াঃ হড় হঁ রাহলা দ বাক কুশিয়াদেয়া। আর রাহলা সাঁও বাপলা কাথা হঁ বাক রেবেন লেনা। অজে দ রাহলা দ ঞেল জং তে দমে দ বায় চরোকা আর রেঁগেচ গেয়া ক। আর নতে রিমিল হঁ চৗকরি গরব তে দুলৗ ড় হঁয় হিড়িঞ সারি কেদা আর যাঁহা কাথা কয় এমাদে তাঁহেঃ অনা হঁয় হিড়িঞ কেদা। তেহেঞ অনাতে অনা হেসাঃ দারে ঞেল কাতে হিড়িঞ কাথা উইহৗর হেজ আদেয়া- রাহলা আর আয়াঃ দুপলৗড় রেয়াঃ এপেম চাপাল কাথা। নিতঃ আজ সুর রে নাওয়া বৗহু। মেনখান রাহলা দ? তিনৗঃ দুখ এ এমাদেয়া অনা দ নিতোঃ এ বুঝৗও ঞাম কেদা। গস মেৎহাঁ আতে রিমিল দ সেরমা চেতান রাহলা সেদ গেয় কয়ঃ থির এনায়। ধৗরতি রে রিমিল ঞুতুমান হড় দ রাহলা বায় আপনার দাড়েয়াদেয়া। মেনখান সেরমা রে উডৗও রিমিল দ রাহলা সেদ গেয় অটাং চালাঃ কানা..।
.webp)
.webp)
