সিঁগি মাহা রেনাঃ সাকাম ‘চেরেচ্ আড়াং’ লেখা- ২১

 

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, পূজা মুরমু, ᱥᱩᱵᱩᱫᱤᱭᱟᱹᱢᱩᱨᱢᱩ,  ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱜᱳᱯᱮᱥᱣᱚᱨ ᱢᱟ.ᱱᱰᱤ,  ᱵᱟᱵᱽᱞᱩ ᱥᱚᱨᱮᱱ, ᱥᱨᱤᱠᱟᱱᱛᱚ ᱥᱚᱨᱮᱱ,  সুচাঁদ হাঁসদা, বাড়তাঙ সরেন, দুগাই টুডু, সনাতন টুডু, বিভূতি ভূষণ সরেন , দুলৗড় বিটি।

 

 

রিলৗমালা মুরুমু, ক্লাস- IV
জেলা - পুরুলিয়া

পূজা মুরুমু, ক্লাস- VI
জেলা - বাঁকুড়া

১।।  

ᱪᱮᱫᱟᱜ?  

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱡᱤᱨᱤᱦᱤᱨᱤ ᱡᱷᱟᱨᱱᱟ
ᱨᱤᱞᱟᱢᱟᱞᱟ  ᱫᱟᱜ ?

ᱵᱤᱨ ᱪᱮᱬᱮ ᱡᱤᱭᱟᱹᱞᱤ
ᱦᱤᱨᱤ ᱭᱟᱠᱚ ᱪᱟᱜ ?

ᱪᱟᱸᱫᱚ ᱵᱮᱲᱟ ᱪᱚᱴᱨᱮ
ᱠᱤᱱ  ᱛᱟᱸᱦᱮ ᱜᱚᱫᱚᱜ ?

ᱥᱮᱨᱢᱟ ᱪᱮᱛᱟᱱ ᱨᱤᱢᱤᱞ
ᱠᱚ ᱩᱰᱟᱹᱣ ᱟᱫᱚᱜ  ?

ᱥᱟᱺᱰᱤ ᱫᱚᱠᱚ ᱠᱩᱠᱲᱩᱭ
ᱮᱸᱜᱟ ᱠᱚ ᱠᱟᱠᱨᱟᱫᱽ  ?

ᱜᱚᱡ ᱵᱟᱹᱧᱪᱟᱣ ᱯᱚᱨᱚᱵᱽ ᱜᱮ
ᱢᱮᱛᱟᱜ ᱟᱠᱚ  ᱥᱟᱠᱨᱟᱛᱽ ?

********************

 

২।।

ᱨᱟᱹᱥᱠᱟᱹ 

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

  

ᱛᱮᱦᱮᱧ ᱢᱟᱛᱚ ᱥᱤᱸᱜᱤ ᱢᱟᱦᱟ
ᱤᱥᱠᱩᱞ ᱪᱷᱩᱴᱤ ᱜᱮᱭᱟ ᱾
ᱥᱟᱱᱟᱢ ᱜᱤᱫᱽᱨᱟᱹ ᱡᱩᱢᱤᱫᱽ ᱠᱟᱛᱮ
ᱰᱷᱚᱸᱜᱟ ᱵᱚᱱ ᱵᱮᱱᱟᱣᱟ ᱾᱾

 

ᱮ ᱨᱤᱢᱤᱞ ᱦᱮᱸᱫᱮ ᱨᱤᱢᱤᱞ
ᱫᱟᱜ ᱡᱟᱹᱲᱤ ᱢᱮ ᱾
ᱫᱟᱜ ᱠᱟᱛᱮ ᱰᱩᱞᱩᱝ ᱜᱟᱰᱟ
ᱵᱟᱱ ᱵᱳᱦᱮᱹᱞ ᱢᱮ ᱿

 

ᱫᱮᱞᱟ ᱥᱟᱱᱟᱢ ᱜᱤᱫᱽᱨᱟᱹ ᱠᱚᱛᱮ
ᱠᱟᱜᱚᱡᱽ ᱰᱷᱚᱸᱜᱟ ᱟᱛᱮ ᱾
ᱠᱷᱮᱞᱡᱚᱝ ᱟᱵᱚᱱ ᱟᱵᱚ ᱥᱟᱱᱟᱢ
ᱰᱩᱞᱩᱝ ᱜᱟᱰᱟ ᱨᱮ ᱿

 

ᱰᱩᱞᱩᱝ ᱜᱟᱰᱟ ᱰᱩᱞᱩᱝ ᱜᱟᱰᱟ
ᱵᱟᱱ ᱵᱳᱦᱮᱹᱞ ᱢᱮ ᱾
ᱫᱮᱞᱟ ᱨᱤᱢᱤᱞ ᱦᱤᱡᱩᱜ ᱢᱮ
ᱫᱟᱜ ᱡᱟᱹᱲᱤ ᱢᱮ ᱿

********************

 ৩।।

ᱤᱧ ᱢᱟ.ᱢᱩ

ᱜᱳᱯᱮᱥᱣᱚᱨ ᱢᱟ.ᱱᱰᱤ 

 

ᱦᱮᱡ ᱮᱱᱟᱭ          ᱤᱧ ᱢᱟ.ᱢᱩ
           ᱟᱞᱮ ᱚᱲᱟᱜ ᱛᱮ,
ᱞᱟ.ᱰᱩ ᱢᱤᱴᱷᱟ.     ᱟ.ᱜᱩ ᱠᱮᱫᱟᱭ
          ᱟᱞᱮ ᱞᱟ.ᱜᱤᱫ ᱛᱮ ᱾

 

ᱡᱚᱢ ᱟᱞᱮ               ᱦᱟ.ᱴᱤᱧ ᱠᱟᱛᱮ
           ᱥᱟᱱᱟᱢ ᱦᱚᱲ ᱛᱮ,
ᱮᱯᱮᱨ ᱦᱮᱸᱰᱮᱡ    ᱟᱞᱮ ᱛᱟᱞᱟ
           ᱮᱠᱟᱞ ᱵᱟ.ᱱᱩᱜ ᱛᱮ ᱾

 

ᱤᱧ ᱢᱟ.ᱢᱩ       ᱟ.ᱰᱤᱭ ᱵᱷᱟ.ᱜᱤ
            ᱪᱟᱞᱟᱜ ᱞᱟᱦᱟ ᱨᱮ,
ᱞᱟ.ᱰᱩ ᱡᱚᱢ      ᱞᱟ.ᱜᱤᱫ ᱯᱚᱭᱥᱟᱭ
            ᱮᱢᱟ.ᱧ ᱪᱩᱯᱩᱫ ᱨᱮ ᱾

 

ᱢᱮᱛᱟᱣ ᱟᱺᱧᱟ.ᱭ       ᱤᱛᱩᱱ ᱟᱥᱲᱟ
         ᱫᱤᱱᱳᱢ ᱪᱟᱞᱟᱜ ᱢᱮ,
ᱤᱱᱟ. ᱠᱷᱟᱱ            ᱩᱰᱟ.ᱱ ᱜᱟ.ᱰᱤ
           ᱨᱮᱭᱤᱧ ᱫᱮᱡ ᱢᱮ ᱾

********************

 ৪।।

ᱦᱚᱯᱚᱱ ᱢᱟ.ᱭ   

  ᱵᱟᱵᱽᱞᱩ ᱥᱚᱨᱮᱱ

 

ᱥᱮᱛᱟᱜ ᱛᱚᱨᱟ

             ᱵᱮᱨᱮᱫ ᱠᱟᱛᱮ

ᱨᱟᱪᱟᱭ ᱡᱚᱜᱟ

                ᱠᱷᱮᱨᱮᱪ ᱠᱷᱮᱨᱮᱪ

ᱟᱭᱳᱭ ᱞᱟ.ᱭᱟ

                ᱚᱞᱚᱜ ᱫᱩᱲᱩᱵᱽ

ᱟᱫᱚ ᱠᱷᱟᱱ;

             ᱦᱚᱯᱚᱱ ᱢᱟ.ᱭ

ᱥᱤᱞᱮᱴ ᱯᱚᱛᱚᱵ

               ᱥᱟᱵᱽ ᱠᱟᱛᱮ

ᱚᱞᱚᱜ-ᱮ ᱫᱩᱲᱩᱵᱽ।

********************

             

৫।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ᱾

ᱥᱨᱤᱠᱟᱱᱛᱚ ᱥᱚᱨᱮᱱ

   

(ᱞᱟᱦᱟ ᱠᱷᱚᱱ ᱛᱳᱸᱜᱮ...)

' ᱤ 'ᱛᱮ ᱜᱟᱵᱟᱱ ᱥᱟᱵᱟᱫ ᱺ

ᱤᱯᱤᱞ᱾ ᱤᱨᱪᱤ᱾ ᱤᱝᱨᱮᱡᱤ᱾ᱤᱞᱤᱥᱽ᱾ ᱤᱥᱤᱱ ᱾ ᱤᱛᱤᱞ᱾ᱛᱤᱞᱢᱤᱧ ᱾ ᱤᱛᱟ.᱾ ᱫᱤᱥᱚᱢ᱾ ᱥᱤᱛᱳᱝ᱾

' ᱤ ' ᱛᱮ ᱜᱟᱵᱟᱱ ᱟ.ᱭᱟ‌.ᱛᱺ

ᱤᱧ ᱫᱚ ᱵᱷᱟᱨᱚᱛᱽ ᱫᱤᱥᱚᱢ ᱨᱮᱧ ᱛᱟᱸᱦᱮᱱᱟ ᱾ ᱤᱨᱪᱤ ᱫᱟᱜ ᱫᱚ ᱨᱮᱭᱟᱲ ᱜᱮᱭᱟ᱾ ᱤᱥᱠᱤᱨᱛᱮ ᱢᱟ.ᱭᱞᱟ. ᱳᱰᱳᱠᱚᱜ ᱻᱟ᱾ ᱫᱟᱠᱟ ᱤᱥᱤᱱ ᱟᱠᱟᱱᱟ᱾ ᱤᱫᱟ.ᱨᱟ ᱨᱮ ᱫᱟᱜ ᱰᱷᱮᱨ ᱛᱟᱸᱦᱮᱱᱟ᱾

' ᱥ ' ᱛᱮ ᱜᱟᱵᱟᱱ ᱥᱟᱵᱟᱫ ᱺ

ᱥᱟᱨ-ᱥᱟ.ᱜᱩᱱ᱾ ᱥᱟᱦᱟᱱ᱾ ᱥᱮᱨᱢᱟ᱾ ᱥᱤᱧ ᱪᱟᱸᱫᱳ᱾ ᱥᱟᱸᱜᱤᱧ᱾ ᱥᱮᱫᱟᱭ᱾ ᱥᱮᱸᱫᱨᱟ ᱾ ᱥᱟᱫᱚᱢ᱾ᱥᱟ.ᱜᱟ.ᱭ ᱾ ᱥᱟᱨᱡᱚᱢ᱾

' ᱥ 'ᱛᱮ ᱜᱟᱵᱟᱱ ᱟ.ᱭᱟ.ᱛᱺ

ᱥᱮᱛᱟᱜ-ᱥᱮᱛᱟᱜ ᱮᱵᱷᱮᱱᱚᱜ ᱢᱮ᱾ ᱛᱮᱦᱮᱧ ᱫᱚ ᱥᱟᱠᱽᱨᱟᱛ᱾ ᱥᱤᱠᱟ.ᱨ ᱫᱤᱥᱚᱢ ᱥᱮᱛᱟ᱾᱾ ᱥᱟᱥᱟᱝ ᱫᱚ ᱟᱨᱟᱜ ᱜᱮᱭᱟ᱾ ᱥᱟᱲ ᱵᱟᱦᱟ ᱨᱮ ᱯᱤᱯᱤᱲᱡᱟᱝ᱾

' ᱦ' ᱛᱮ ᱜᱟᱵᱟᱱ ᱥᱟᱵᱟᱫ ᱺ

ᱦᱟᱥᱟ᱾ ᱦᱟᱞᱟᱝ᱾ ᱦᱟᱠᱳ᱾ ᱦᱤᱸᱥᱤᱫ ᱾ ᱦᱟ.ᱛᱤ᱾ ᱦᱟ.ᱨᱭᱟ.ᱲ ᱾ ᱦᱟᱨᱠᱮᱛ᱾ ᱦᱮᱞᱠᱟᱶ᱾ ᱦᱳᱲᱳ᱾ ᱦᱩᱛᱩᱢ᱾ ᱦᱤᱨᱠᱟ. ᱾ ᱦᱟᱥᱯᱟᱛᱟᱞ᱾

' ᱦ' ᱛᱮ ᱜᱟᱵᱟᱱ ᱟ.ᱭᱟ.ᱛᱺ

ᱦᱟ.ᱬᱩ  ᱫᱚ ᱫᱟᱨᱮ ᱨᱮᱠᱚ ᱛᱟᱸᱦᱮᱱᱟ᱾ ᱦᱟᱥ-ᱦᱟ.ᱥᱤᱞ ᱪᱮᱲᱮᱭᱟᱜ ᱦᱚᱢᱚᱨ᱾ ᱦᱚᱨᱚ ᱜᱮ ᱫᱷᱟ.ᱨᱛᱤᱭ ᱫᱤᱯᱤᱞ ᱟᱠᱟᱫᱟ᱾ ᱦᱟᱨᱛᱟ ᱨᱮᱱᱟᱜ ᱵᱚᱜᱽ ᱠᱚ ᱵᱮᱱᱟᱶᱻᱟ᱾ ᱦᱟᱰᱜᱟᱨ ᱫᱚ ᱛᱳᱭᱳ ᱠᱷᱚᱱ ᱠᱚ ᱞᱟ.ᱴᱩᱻᱟ᱾

( ᱛᱳᱸᱜᱮᱻᱟ...)

********************

৬।।

হপন বিটিয়াঃ ফোন

      সুচাঁদ হাঁসদা

 

হপন বিটিয় ফোন এৎ তালে ,
হিলো মামাবা হিলো,
আলে আতোরে পাতা হুয়ুঃ আ ,
দাসায় দসার হিলোঃ ৷

 

হিজুঃ গেয়াম এ মামাবা ,
একাল আলম হিড়িঞ ,
আচ মতগে কেঁড়েচ দঁড়েচ ,
ফোন এৎ ইড়িঞ বিড়িঞ ৷

 

বার থারতে তিনৗঃ দোকান ,
থারে থারকো দুড়ুপ ,
আদম কদো লাডু মিঠৗই ,
আদম দ চা কো সিড়ুপ ৷

 

উয়ুং চুঁডুঃ গিদৗর কোদো ,
খেলনা পাতি দোকান,
হিজুঃমে মামাবা বাকো কিরিঞিঞ ,
ইঞদ আম বাংখান ৷

 

হিজুঃমে মামাবা কিরিঞ এয়ালাং ,
সনা বিটি পুতুল,
আডি দিন বৗঞ খেল আকাৎ ,
আম সাং কুতুল কুতুল ৷

*******************

 ৭।।

বাহাবঙ্গা 

 বাড়তাঙ সরেন 

 

পালো সাকাম বৗই বৗইতে
              ঝাড়গাও ঞুঁরুয়েনা 
বীর রেনাঃ দারে নৗড়ী
                    সানাম ভুটুং এনা।

 

রাবাং দিন তায়ম সেটের
                 ফৗগুন বঙ্গা নিরৗই
দারে ডৗর তেরে তেসে
             বালে সাকাম বিদলৗই।

 

এদেল মুরুৎ ডৗর রেমা
              আরাঃ জেঁগেঁৎ বাহা
ঞেলে দুমুর রানে ভান
              রৗস্কৗ সেরেঞ রাহা।

 

 তেহেঞ উল সারজম মাতকম 
                     বাকো তাহেনা থির 
সিবিল সঁধাড়  মহক 'স'
                গোটা বীরে আফির।

 

 কুইলী কোহল রাহাতে 
            সিরজন আঁদোড়েনা
  অন্তর মনে জীউয়ীরে 
             রৗস্কৗ চাপেয়েনা।

********************

 ৮।।

বির শোড়ে

    দুগাই টুডু

 

গিদরৗ আবো চালাও লেনা
বাজার সয়দা হোলা,
তেহেঞ হানে বির শোড়ে
লগন সানাম দেলা।

 

রৗস্কৗ সালাঃ লৗটু কৗটিচ্‌
সেলেদঃ একাল সৗরি।
লৗকতি আনাঃ জিনিস আদ
গেমের ইদিয় পৗরি,

 

কুসি মনতে কৗমি ধুরৗও
লৗগিয়া পাড়াও মেনা
ছুটৗও রেদ কারা কুরৗও
মঁজগে ইসিন এনা।

 

আডি সঃগে সেবেল সড়ম
জমগে সিড়ুপ আতে
আরহঁ হাঁনে নেঁডা দহয়
দারায় সেরমা কতে।

**************

 ৯।।

দুখৗলি সিমল

সনাতন টুডু

 

বাবায় মেনা মিৎ কাথা
আয়ো আর মিৎ,
রপড় থুতি বাং মিদঃ আ
ঞিদৗ জৗপিৎ সিৎ।

 

সেতাঃ খনাঃ বাবায় দাঁড়ান
হানা-নওয়া কুলহি,
আয়ো একলা চেদ্‌-এয় চিকৗয়
তুকুজ্‌ তাঁহেন খৗলি।

 

আলে ঝতো টারাজ্‌ টুরুজ্‌
বয়হা মঁড়ে গটাং,
বুরধি দিসৗ বাংলে ঞামা
অকা জিয়নলে গালাং।

 

দেসে চাঁদো এমা লেমসে
নাপায় তাড়াম ডাহার,
ঘাঁরঞ্জ তালা মৗনমি লেকা
সুসৗর বাঁঞ্চাও ডাহার।

***************

 ১০।। 

বিরদৗ গাড়

বিভূতি ভূষণ সরেন

 

  

অড়াঃরে বাং তাঁহে কাতে 
দেলা ইতুন আখড়া, 
মৗই বাবু সানাম কওয়া 
দহঃ মেনাঃ বাখরা। 

 

স্কুল রেগে তিকিন বেড়া 
ঞামঃ মিড-ডে মিল, 
পছিম বাংলা সরকার গেত 
এমঃ কানে দিল। 

 

বিরদৗগাড় চালাও লেনরে 
ঞুমুঃ আম কন্যাশ্রী, 
পনত সরকার আরহঁ লেখামে 
আমদ কানাম রুপশ্রী। 

 

অড়াঃ করে তাঁহে কাতে 
উঁহু চেঁড়ে টুটি ,
বিরদৗ গাড় রেনাঃ ডাহারতে 
তাড়ামমে গুটি গুটি। 

*************

 ১১।।

বাবু ছোনা

    দুলৗড় বিটি

 

বাবু ছোনা বাবু ছোনা
হিজুঃ সেনঃ আনাগোনা,
আলে দুওয়ৗর নওয়া-সা
বাড়গে দুওয়ৗর হানা-সা।

 

কুডৗম কুডৗম ওকো চোকো
চাপো চাপো থিয়ৗ থোপো,
পুসি লেকা গায়াং গুয়ুং
ঢাপো চেলাং করেয় উয়ুং।

 

কাঁডাল কুঁডুল দাঁড়ান কানায়
ঝুনুর ঝুনুর সাডে তায়,
পকেট পেরেচ্‌ একেন গুটি
লাঁদা তায়হঁ চেতান লুটি।

 

বাবু ছোনা বাবু ছোনা
হিজুঃ সেনঃ আনাগোনা,
স্কুল কুডৗম নওয়া-সা
বায় ঞেলঃআ হানা-সা।

*******মুচৗৎ*******