আবোওয়াঃ ওয়েব পেজ- “মিৎ পৗরসি মিৎ চিকি, হরে উদুগ্ অলচিকি/ মিৎ জৗতি মিৎ ধরম, হরে উদুগ্ সারি ধরম”। নোওয়া শ্লোগান সামাংরে দহ কাতে ২০২১ রেনাঃ হড় লেখা মাড়াং সারি ধরম কোড ঞাম লৗগিৎ মিৎ লেতাড় গেকো আঁদোড় আগুয়েদা আসেকা, ভারত জাকাত মাঝি পারগানা মহল, সারি ধরম বৗইসি লেকান আয়মা সানতাড়ি সংগঠন কো। আয়মা জায়গারে সারি ধরম বৗইসি কাতে দিসম হড় কো বাডায় অচোয়েৎ কোওয়া বাংমা সান্তাড় কোওয়াঃ দ সারি ধরম গে কানা। নোওয়া ইদিকাতে চালাওয়েন ৫ জানুয়ারী হিলোঃ ঝাড়গ্রাম বেতকুঁদরী ডৗহিরে মিৎ অ্যাডহক কুমুট হঁক তেয়ার আকাদা। অঁডেগে গোটালেনা কোলকাতা নাগাররে মিৎ সারি ধরম মহা সম্মেলন হুয়ুঃ রেনাঃ।
আসেকা রেন জেনারেল সেক্রেটারী আর সারি ধরম কুমুট রেন কনভেনর মানতান সুবোধ হাঁসদা আবোরেন খবরিয়ৗয় বাডায় অচো আকাদেয়া বাংমা দারায় কান ২৭ জানুয়ারী বৗইসাম ১০ টাড়াং খন কোলকাতা রাণীরাসমনি রোড রে সারি ধরম মহা সম্মেলন সৗহিজুহি আকানা। নোওয়া হঁ বাডায় আকানা আডিদিন তায়ম কোলকাতা রেন হড় লাখ লাখ সানতাড়াঃ মিছিল কো ঞেল ঞামা। পছিমবাংলা রেন সানাম লেকান সংগঠন গে নওয়া মিছিল রে মিৎ তাড় তেকো তাড়ামা। ইনৗহিলোঃ গে সারি ধরম কোড রেনাঃ বিল বিধান সভারে পাশ অচোয় লৗগিৎ পছিম বাংলারেন মুখিয়ৗ মন্ত্রী মানতৗনিয়ৗ মমতা বন্দোপাধ্যায়হঁ দাবী সাকাম কো চাল অটো আয়া।
বাডায় আকানা নোওয়া কোলকাতা মহা সম্মেলন সৗখি সভা কাতেগে সারি ধরম কোড ঞাম লৗগিৎ মাড়তে কো কো চালাঃআ দিল্লী দরবার।
আরহঁ মানতান হাঁসদা গোমকে লৗই তরা কেদায় বাংমা সারি ধরম লৗইতে হিজুঃ কান ১৯ জানুয়ারী মিৎ মারাং প্রেস কনফারেন্স হঁ সাপড়াও আকানা। যাঁহাদ নোওয়া মাড়াং সানতাড় হড় হপনাঃ নংকান প্রেস কনফারেন্স কোলকাতা তালারে দ বাং হুয় আকানা মেনতেহঁ মানতান হাঁসদা দাবী আকাদায়।
.webp)
