সিঁগি মাহা রেনাঃ সাকাম ‘চেরেচ্ আড়াং’ লেখা- ২০

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান-  ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,  ᱥᱨᱤᱠᱟᱱᱛᱚ ᱥᱚᱨᱮᱱ, -সাকম সরেন,  বাড়তাঙ সরেন, সুচাঁদ হাঁসদা, বিভূতি ভূষণ সরেন  দুগাই টুডু, সনাতন টুডু, দুলৗড় বিটি।

বিজয় কিস্কু , ক্লাস -VII

জেলা - পুরুলিয়া

১।।
  

ᱫᱟᱠᱟ

 - ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱠᱩᱞᱦᱤ  ᱫᱷᱩᱲᱤᱛᱮ
ᱵᱮᱱᱟᱣ ᱞᱮ  ᱟᱛᱩ ᱾

ᱚᱦᱚᱪ ᱨᱮᱜᱮᱞᱮ
ᱫᱟᱠᱟ ᱞᱮ ᱩᱛᱩ ᱾

ᱫᱷᱩᱲᱤ ᱛᱮ ᱠᱟᱸᱛ
ᱫᱷᱩᱲᱤ ᱜᱮ ᱪᱟᱣᱞᱮ ᱾

ᱠᱮ-ᱣᱟ ᱨᱮᱜᱮᱞᱮ
ᱡᱚᱢ  ᱡᱚᱢ ᱡᱚᱝ ᱟᱞᱮ ᱾

*******************

২।।

ᱥᱤᱞᱟ.ᱭ ᱯᱟᱛᱟ

   ᱜᱳᱯᱮᱥᱣᱚᱨ ᱢᱟ.ᱱᱰᱤ

  

ᱢᱚᱠᱚᱨ ᱦᱤᱡᱩᱜ
ᱯᱟᱛᱟ ᱦᱩᱭᱩᱜ
ᱦᱤᱡᱩᱜ ᱥᱮᱱᱚᱜ ᱜᱟ.ᱰᱤ ᱾

 

ᱢᱤᱫ ᱵᱮᱲᱟ
ᱟ.ᱰᱤ ᱥᱮᱬᱟ
ᱡᱟᱣᱨᱟᱜ ᱟᱠᱚ ᱟ.ᱰᱤ ᱿

 

ᱟᱞᱮ ᱚᱲᱟᱜ
ᱟ.ᱰᱤ ᱯᱟᱲᱟᱜ
ᱥᱤᱞᱟ.ᱭ ᱯᱟᱛᱟ ᱦᱤᱞᱳᱜ ᱾

 

ᱜᱩᱲ ᱯᱤᱴᱷᱟ.
ᱟ.ᱰᱤ ᱢᱤᱴᱷᱟ.
ᱡᱚᱢ ᱠᱟᱹᱛᱤᱧ ᱠᱷᱤᱞᱳᱜ ᱾᱾

 

ᱟ.ᱭᱳᱭ ᱤᱫᱤ
ᱵᱟᱭ ᱵᱟ.ᱫᱤ
ᱯᱟᱛᱟ ᱧᱮᱞᱮ ᱤᱫᱤᱧ ᱾
 
ᱦᱚᱲ ᱛᱟᱞᱟ
ᱟ.ᱰᱤ ᱡᱟᱞᱟ
ᱮᱠᱟᱞ ᱵᱟᱭᱮ ᱟ.ᱫᱤᱧ ᱾᱾
 
ᱵᱟᱥ ᱜᱟ.ᱰᱤ
ᱞᱟ.ᱰᱩ ᱟ.ᱰᱤ
ᱦᱟᱛᱟᱣ ᱠᱟᱛᱤᱧ ᱟᱲᱟᱜᱽ ᱾ 

 

ᱫᱟᱬᱟ ᱵᱷᱟᱜᱟᱣ
ᱞᱟᱸᱜᱟ ᱛᱷᱟᱠᱟᱣ
ᱪᱟᱞᱟᱜ ᱦᱩᱭᱩᱜ ᱚᱲᱟᱜ ᱾

 *******************

 ৩।। 

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ᱾

ᱥᱨᱤᱠᱟᱱᱛᱚ ᱥᱚᱨᱮᱱ

     

' ᱢ 'ᱛᱮ ᱜᱟᱵᱟᱱ ᱥᱟᱵᱟᱫ ᱺ

ᱢᱚᱱᱮ। ᱢᱚᱲᱮ᱾ ᱢᱚᱪᱟ᱾ᱢᱟᱱᱛᱟᱨ᱾ ᱢᱟ.ᱱᱢᱤ᱾ ᱢᱚᱞᱚᱝ᱾ ᱢᱩᱪᱟ.ᱫ᱾ ᱢᱚᱦᱚᱛ᱾ ᱢᱤᱱᱤᱴᱽ᱾ ᱢᱟᱜ ᱢᱚᱲᱮ᱾

' ᱢ 'ᱛᱮ ᱜᱟᱵᱟᱱ ᱟ.ᱭᱟ.ᱛᱺ

ᱯᱷᱟ.ᱜᱩᱱᱵᱚᱸᱜᱟ ᱢᱟᱛᱠᱚᱢ ᱵᱟᱦᱟ ᱻᱟ᱾ ᱢᱟᱛᱠᱚᱢ ᱵᱟᱦᱟ ᱨᱮ ᱦᱮᱲᱮᱢ ᱨᱟᱥᱟ ᱢᱮᱱᱟᱜ ᱻᱟ᱾ ᱢᱟᱛᱠᱚᱢ ᱠᱷᱚᱱ ᱠᱩᱭᱰᱤ ᱦᱳᱭᱳᱜ ᱻᱟ᱾ ᱢᱟᱫ ᱥᱟᱠᱟᱢ ᱦᱚᱭᱛᱮ ᱞᱟᱲᱟᱜ ᱠᱟᱱᱟ᱾ ᱢᱟ.ᱨᱤᱪ ᱫᱚ ᱡᱷᱟᱞ ᱜᱮᱭᱟ᱾

' ᱣ 'ᱛᱮ ᱜᱟᱵᱟᱱ ᱥᱟᱵᱟᱫ ᱺ

ᱡᱟ.ᱣ ᱾ ᱨᱟ.ᱣᱼ ᱨᱟ.ᱣ ᱾ ᱟ.ᱣᱦᱟ‌.᱾ ᱴᱷᱟ.ᱣᱠᱟ. ᱾ ᱞᱟ‌.ᱣᱠᱟ.᱾ ᱞᱟ.ᱣᱲᱤᱭᱟ.᱾ ᱠᱟ.ᱣᱷᱟ. ᱫᱟᱨᱮ᱾ ᱫᱷᱟ.ᱣᱼᱫᱷᱟ.ᱣ ᱾ ᱜᱟ.ᱣᱤᱪ᱾ ᱯᱟ.ᱣᱲᱤ᱾

' ᱣ 'ᱛᱮ ᱜᱟᱵᱟᱱ ᱟ.ᱭᱟ.ᱛᱺ

ᱦᱟᱣ ᱫᱚ ᱢᱤᱫ ᱞᱮᱠᱟᱱ ᱢᱩᱡᱽ ᱠᱟᱱᱟ ᱠᱚ᱾ ᱢᱤᱫ ᱫᱷᱟᱣ ᱱᱚᱸᱰᱮ ᱦᱤᱡᱩᱜ ᱢᱮ᱾ ᱦᱚᱲᱢᱚ ᱨᱮ ᱵᱷᱤᱴᱟᱢᱤᱱ ᱠᱚᱢ ᱞᱮᱱᱠᱷᱟᱱ ᱜᱷᱟᱣ ᱦᱳᱭᱳᱜ ᱻᱟ᱾ ᱢᱤᱫ ᱥᱟᱣᱛᱮ ᱵᱤᱫᱫᱟᱜᱟᱲ ᱵᱚᱱ ᱪᱟᱞᱟᱜ ᱻᱟ᱾ 

ᱠᱳᱢᱲᱳ ᱠᱚᱭᱟᱜ ᱴᱷᱟᱣ ᱫᱚ ᱡᱤᱦᱳᱞ ᱨᱮ᱾

 ( ᱛᱳᱜᱮᱻᱟ...)

*******************

  ৪।। 

সাকারাৎ রে'

  -সাকম সরেন

মারাং হিলি গৗনিসৗনি 
সেতাঃ খনাঃ গেচ্ গুরিচ্, 
কৗমি লাঁগা জিরৗও বৗনুঃ 
এনান খনাঃ নিন উডিচ্। 

 

মারাং দাদায় সেন লেনা 
জেল অৗগু হানা টলা, 
হৗনি তরায় হেচ্ এনা --
ঘেঁটরে জেল মিৎ খালাঃ। 

 

মারাং কুনু খুনুঃ খুনুঃ 
সেতাঃ খনাঃ ঘৗড়িয় অজ্, 
সিলপিঞ লেকান পাতড়া পিঠৗ 
ওডোক্ বলন খৗলিয় খজ্। 

*******************

 ৫।।

হপন হিলি

 -বাড়তাঙ সরেন

 

হিলি হিলি হিলি
         হেঁদা হপন হিলি,
অকাম সেনঃ ধাড়পাড়
      হেরমেৎ দিপিল ঠিলি ?

  

কুঞ ঘাট ডৗডি ঘাট দ
              একলা আলোম সেনঃ,
ডৗডি ঘাট দাড়াঙগে
           ধিরি তেয়েম তেনঃ।

  

মেনাঃ কওয়া হাডগার 
            লাসের লাসের ডাটা,
ঞাম তরা দানাংরে
            লাসোক্ তামায় কাটা।

  

  হাপে তিঙ্গুন মেসে 
        হিলি হিজুঃ কানালে,
হেরমেৎ দিপিল কাঁডাঁ
       সানাম গড়ো আমালে।

*******************

৬।।

দাদা হাড়াম

সুচাঁদ হাঁসদা

হাড়াম দাদা , জমায় আদা ,
মাঁদা উথুম লেনখান ৷
বাংএ আড়া , মজগেয় রৗড়ৗ,
রুওয়ৗ হেচ আয় খান ৷

 

গনঠে হৗসু , ডানডা হৗসু ,
তরহত ইতিল রান ৷
চিকৗম সুরুঃ , খৗলিয় ছুরুঃ ,
সওয়ায় চান ঢান ৷

 

রানে পেটেজ , আরে কটেজ
আচ্‌ তেগেচয় রানঃ ৷
ডাকতার অড়াঃ , রেদয় আড়া ,
বাং আতায়া সেনঃ ৷

 

নিতহঁ হাড়াম , মজগেয় তাড়াম ,
ধিরি লেকাতায় ডাটা ৷
বাংএ মেকজ , জাংএ তগজ ,
সাডে রাটাঃ রাটাঃ ৷

 

গড়ম কড়া , প-পংড়া ,
হাড়াম এনকো সানাম ৷
চিতরী কড়াম , নিতহঁ হাড়াম ,
অঁড়হে আতেয় বানাম ৷

*******************

 ৭।।

চেঁড়ে গড়ম 

  বিভূতি ভূষণ সরেন

 

কের কেটা   আমার বেটা 
       ঢিপচু আমার লাতি, 
আডি সাঁগে   চেঁড়ে সাথে 
      চের বের গাতি। 
 
মিরু হপন      আগু কাতে 
       দহয়ে দুলৗড় খাঞ্চারে, 
লুলু পুতু   সুসৗর এয়ায় 
       ও হায়!  বাছারে। 
 
ঝুপু তুড়ু      দারে ঝুড়রে 
        মালা পতাম হপন, 
তিয়ঃ কাতে    আগু কিনৗ     
        বায় আঁজমা দমন। 
 
কুলটাঁড় আতুরেন  থুলুঃ থুপু 
         মেনায় চেঁড়ে গড়ম, 
চেঁড়ে কগেয়    চেরেচ্ কওয়ায় 
          আড়াং হঁতায় সড়ম।

*******************

 ৮।।

আলে অড়াঃ

 দুগাই টুডু

আলে অড়াঃ তেগে পেড়া
দেলা হিজুঃ মেসে,
হাকো পাকো মৗচি আলে
বিল্‌ আমা দেসে।
 
ডঁবঃ বাড়া কাতে এতে
রড়া হড়াঃ আড়াং,
অকা লেকা হেনাঃ মেয়া
মেনা রাড়াং রাড়াং।
 
চেৎকো আদ চেকা কানা
নিয়ৗ হৗলি তেদো,
জাগে কুলাঃ করে হানে
অনে এমঃ গেদো।
 
রৗস্কৗ সালাঃ যতো কতে
জমা অনা মাসে,
মনে তালা দিসৗ দহ
তাঁহে গদঃ আসে।

*******************

 ৯।।

পোঁড পুসিয়াঃ কাথা

সনাতন টুডু

     

অড়াঃ রিনিচ্‌ পোঁড পুসি
দমেয় রৗগি আকান,
অকোয়িচ্‌ চং হেঁদে পুসি
অড়াঃ এ বলো আকান।
 
নুনদিন মা একলা গে
রাজা লেকা মেনায়।
চেদ্‌রে চেৎ চিকৗয়েনা
একাল বাংগেয় বাডায়।
 
পোঁড পুসি ঠিক কেদা
লাগা হোয়োঃ তায়া,
বাংখান দ বাং ঞামঃ
অড়াঃ হড়াঃ দায়া।
 
পোঁড পুসিয় তায়ম তেদো
জৗপিদ্‌ এ হিড়িঞ কে-আ,
নিজের খৗতির নিজের অড়াঃ
পাচেদ্‌ রৗপুদঃ আ।

*******************

১০।। 

চেরেচ্‌ আড়াং

দুলৗড় বিটি

 

গিদ্‌রৗ বৗউলি হাপ্‌তা পিছে
বাং তাঁহেলেন মাড়াং,
আবোওয়াঃ কাথা সা-সাপাড়াওয়িজ্‌
উছৗন কেদায় মাড়াং।
 
সানাম গেলে কয়ঃ দারাম
সিঁগিমাহা রেনাঃ সাকাম,
তিনরে ভালা উছৗনঃ আ
ঞেল্‌লে অনা সাকাম।
 
রৗস্কা আলে চেরেজঃ লে
ঞেল্‌তে চেরেচ্‌ আড়াং,
লগন লগন পাড়হাও আলে
একাল টাড়াং টাড়াং।

 

***********মুচৗৎ ************