আবোওয়াঃ ওয়েব পেজ- ঝাড়গ্রাম রেনাঃ শিলদা মুলুকরে হলা ১০ জানুয়ারী সারি ধরম হেলমেল আডি মানত্ সালাঃ হুয় পারমেনা। নোওয়া হেলমেল দ ভারত জাকাত মাঝি পারগানা মহল আর আদিবাসী সাঁওতা সেচেৎ লাকচার সেমলেৎ হতেচ্তে সাপ্ড়াও লেনা মেনতে বাডায় আকানা।
নোওয়া হেলমেল রে পেড়া লেকাতে শিলদা মুলুকরেন আয়মা মাঝি বাবা, পারগানা বাবা সাঁওতে আসেকারেন জেনারেল সেক্রেটারী মানতান সুবোধ হাঁসদা, আসেকা প্রেসিডেন্ট মদন মোহন বাস্কে,ভাইস প্রেসিডেন্ট গুরুপদ হাঁসদা,ভাইস চেয়ারম্যান অব্ এডুকেশন বোর্ড বাবুলাল হাঁসদা, চেয়ারম্যান সুধীর সরেন, নগেন হেম্ব্রম, সিংরায় মুরমু, মন্ডল সরেন, ধরম দাস মান্ডি, দুর্লভ কিস্কু, অনলিয়ৗ খেরওয়াল সরেন, মাঝি মাডোওয়া পাহ্টা খন পূর্ণচন্দ্র সরেন এমান গোমকে কো সেটের কো তাঁহেকানা।
নোওয়া ধরম হেলমেল রেনাঃ আখড়ারে দিশম হড় ঠেন সারি ধরম অল অচয়রেনাঃ আরজি দহ কেদায় মানতান সুবোধ হাঁসদা গোমকে। উনি আরহঁয় লৗই তরা কেদা বাংমা ২০২১ সাল রেনাঃ হড় লেখারে সারি ধরম কোড ঞাম অচোয় লৗগিৎ মিৎ লেতাড় গে আঁদোড় ইদি হোয়োঃ আ।
বাডায় আকানা সানতাড় হড়-হপন কো দিন দিন তে সারি ধরম বৗইসি করে বুরুৎ বুরুৎ কো সহর সেটেরঃ কানা আর আকোওয়াঃ নোওয়া ধরম বাঞ্চাও দহয় লৗগিৎ সানাম লেকান গড়-সপহৎ রেঁহ কো লাহা হিজুঃ কানা।
.webp)
