কোমড়ো দয় সাপ্ এনগেয়া
 |
| নিকোলাস মারানডি |
মিৎ অকতে গাঁওনা দ খুপ্ ইঞ ঞেলেৎ তাঁহেনা। অড়াঃরে অকয় হঁ বাং বাডায় অচো কাতে ঞুত- ঞিদৗরে গায়ান ঞেঞেলিঞ সেনঃ কান তাঁহেনা। আর হঁ ঞিঁদৗ হৗটিঞঃ লাহারেগে অড়াঃরে হেচ্ কাতেঞ গিতিচ্ কঃ কান তাঁহেনা আটেত রে। অকয় হঁ বাংকো বাডায় কান তাঁহেচ্ ইঞ দ ঞিঁদৗ গায়ান ঞেল কাতেঞ হেচ্ আকানা মেনতে। বিশেষ কায়তে ইঞ মারাং দাদা, উনি দ অৗডি আটিঞ বতরায় কান তাঁহেনা। যুদিয় বাডায় লেখান , ইঞ অড়াঃ রে অলঃ পাড়হাও বৗগি কাতে গায়ান ঞেঞেলিঞ চালাঃ কানা। তাহলেমা দেয়া হারতায় দাল উর তিঞা। এনতে ইঞমা হুডিঞ মা হুডিঞ মাছাগেঞ তাঁহে কান আর আলে গিদরৗ কো গায়ান ঞেঞেল দ মানাগে তাঁহে কানা।
অনকাগে মিৎ ঞিদৗ রেয়াঃ কাথা কানা। মিৎ সাঁগিঞ মাছা বাজার রে গায়ান হোয়োঃ কানা মেনতেঞ আজঁম কেৎ খান ইঞ হঁ হেওয়া লেকা ঞুত - ঞিদৗরে গায়ান ঞেঞেলিঞ অডোঃ আকানা। আৎরা হর রে হড় কোঞ কুলি বাড়ায়েৎ কোওয়া , অকয় হঁ গায়ান রেয়াঃ পুথি ঞুতুম বাংকো লৗই দাড়েয়াঃ কানা। নংকা কাতে লাহাসেচ্ রেন মিৎ হড়িঞ কুলি কেদেয়া --- "
হেঁদা হো পেড়া হড় আছা , তেহেঞ কো উদুঃ লৗগিদঃ কান পুথি রেয়াঃ ঞুতুম দ চেৎ কানা লৗই দাড়ে কেয়াম ? "
উনি হড় দ এদরে আর অৗড়িস মাছা কাতে ইঞ সেচ্ এ কয়ঃ কেদা। ওরে বাবা, ঞেলেয়ৗঞ উনি দ আর অকয় হ বাং ইঞিচ্ মারাং দাদা কান গেয়ায়। মার আদ অঁডেখন রাটপাট ইঞ দৗড় কেদা মিৎ সিধৗ অড়াঃ সেচ্। তিন করে অড়াঃ ইঞ তিয়োঃ কেদা বৗঞ দিশৗ লেদা। অড়াঃরে হেচ্ কাতে হঁ খাঁ খঁ সাঁহেৎ আর কড়াম ধাক্ - ধাকঃ কান তিঞ তাঁহেনাত। অনকাতেগে আটেৎরে গিতিচ্ রেয়াঃ ইঞ কুরুমুটু কেদা মেনখান জৗপিৎ দ বতর তে বাং হিজুঃ কান তাঁহেনা এনরেহঁ তিন রেচঞ জৗপিৎ কেদা বাডায় বৗনুঃ আন।।
.webp)
