আবোওয়াঃ ওয়েব পেজ- এনেগে পছিম বাংলা রেনাঃ সান্তাড় আতো করে তুমদৗ, টা্মাক, রেগড়া, ঘন্টা, রেনাঃ গুঁজৗ ন গুঁজৗন সাডে আঁজম গৎ আকানা। মিৎটাংগে রৗড় ‘সারি ধরম কোড’। রুসিকৗ মনেরেহঁ চেহেল চেপেল রৗস্কৗ আর সাজাও সাপড়াও এহব গৎ আকানা। পছিম বাংলারেন সানাম জিলৗ রেন রুসিকৗ কো মিৎ ঠেন জাওরা রেনাঃ দাও কো হঁক ঞামা। সারি ধরম কোড ২০২১ সাল রেনাঃ হড় লেখারে সেলেদ্ তেগে হোয়োঃ আ। আর অনাতেগে অনকান তাকরে রুসিকৗ কঁহ সৗখি লেকাতেহঁ তাঁহেনা মেনতেকো মনেয়েদা। মেনখান আচ্কাগে ২৭ জানুয়ারী কোলকাতা সৗরি ধরম মহা সম্মেলন রেয়াঃ নেঁডা মাহা বদল দাড়েয়াঃআ মেনতে বাডায় ঞাম আকানা। অজে লেকাতে বাডায় আকানা বাংমা ভারত জাকাত গে ২৬ জানুয়ারী দ ‘প্রজাতন্ত্র দিবস’ লেকাতে মানাও বাতাও হুয় হিজুঃ কানা। পছিম বাংলা রেহঁ অনা মাহা প্রশাসনিয়ৗ পাহ্টা খন রানী রাসমনি রোড রেগে মানাওঃ কানা। অনালেকাতে ২৬ জানুয়ারী দসার মাহা মেনেৎ ২৭ জানুয়ারী হিলঃ রানী রাসমনি রোড রে লাখ লাখ হড় সেতাঃ খনগে মাহা সম্মেলন রেকো সহর সেটেরঃআ। জাঁহাদ প্রশানিয়ৗ পাহ্টা খনহঁ কন্ট্রোল রেনাঃ এঁটকে টঁড়ে হুয় দাড়েয়াঃ মেনতেগে বাডায়ঃ কানা।
অনালেকাতে ২৭ জানুয়ারী বাং কাতে অনা মাহাদ ৭ ফেব্রুয়ারী হুয় দাড়েয়াঃ মেনতে আভাস ঞাম আকানা। নঁতে তেহেঞাঃ মেনেৎ ১৯ জানুয়ারী সারি ধরম কোড ইদিকাতে প্রেস কনফারেন্স রেনাঃ মাহাহঁ বদল কাতে ২ ফেব্রুয়ারী হুয় দাড়েয়াঃ মেনতেগে সারি ধরম কোড কুমুট পাহটা খনগে বাডায় আকানা।
.webp)
