দুয়ারে সরকার প্রকল্প সাঁওতে আরহঁ নানাহুনৗর কৗমি তালাতে যাঁহা এস.টি. সার্টিফিকেট এম হোয়োঃ কানা অনারে আয়মা ভুল ঞেলঃ কানা মেনতে অভিযোগ এ রাকাব কেদা ওয়েলফেয়ার অ্যাসোসিয়েশন। আডি আয়মা অ-আদিবাসী কো এস.টি.সার্টিফিকেট রেনাঃ ফর্ম ফিলাপ কাতে এস.টি. সার্টিফিকেট ক হাতাও এদা মেনতেহঁ অভিযোগ এ আগুয়েদা। চালাও এন সেরমা করে খন গে ঞেলঃ গঃ কানা নানাহুনৗর স্কুল-কলেজ রে, ইউনিভার্সিটি রে আর নানাহুনৗর চাকরি রে অ-আদিবাসী কো যাঁহালেকাতে এস.টি. সার্টিফিকেট জোগাড় কাতে ওনকো সৗরিন আদিবাসী কোওয়াঃ চাকরি জুড়ু কো রেচ্ হাতাও এৎ তাকোওয়া।
পুরুলিয়া বান্দোয়ান রেনাঃ সুপুরডি গ্রাম পঞ্চায়েতরে এস.সি, এস.টি. কোওয়াঃ ফাঁকা ফর্ম রে গ্রাম পঞ্চায়েত আর এটাঃ আপিসার কোওয়াঃ সুহি রেনাঃ পরমান সাকাম ঞাম আকানা মেনতে অ্যাসোসিয়েশন অভিযোগ এ রাকাব আকাদা। নুন মারাং দামান কৗমিরে সরকার জে লেগ সারা কৗমিয়েদায় অনাগে কৗমি তালাতে বাডায়ঃ কানা। নোওয়া নাহাচার বিরুধরে ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন মিৎ লেকা লৗড়হৗই গে হহ কেদায়। বাডায় আকানা আডি লগন গে জেলা জেলা করে সানাম এস.ডি.ও. ঠেন নোওয়া ইস্যু ইদিকাতে অ্যাসোসিয়েশন পাহ্টা খন কো চালাঃ আ মেনতে বাডায় আকানা।
.webp)
