আবোওয়াঃ ওয়েব পেজ- আদিবাসী তিরলৗ হপন চেতান ভরম নাশাও লেকান নিরঘিন কৗমি নিৎহঁ বাং চাবা লেনা। অনকাগে ঞেল পারমেন ৩১ ডিসেম্বর পছিম মিদিনপুর গোওয়ালতোড় রেনাঃ কোলে মোড়রে মিৎ সবজি ফল দোকান রে মিৎ সানতাড় তিরলৗ হপন চালাও লেনা। বাডায় আকানা অনা তাকরে মিৎ অসাধু দোকানদার উনি তিরলৗ হপন চেতান ভরম নাসাও এ কৗমিয়াকাদা।
অনারেনাঃ রড় দারাম আর উনি পৗপি কৗডরৗ শাসেৎ এম রেনাঃ দাবীতে হলা ২ জানুয়ারী ভারত জাকাত মাঝি পারগানা মহল গড়বেতা ২ নং বুগড়ি মহল পাহ্টা খন গোওয়ালতোড়রেনাঃ কলেজ গডা খন গটা গোওয়ালতোড় বাজার এলাকা মিৎ মারাং রাঁগাওনা মিছিল লৗইতে ডাহার কো তাড়াম কেদা। অনাবেগর সিধু-কানু মোড়রে মিৎ ঘন্টা লেকা কো আটক লেদা।
গোওয়ালতোড় থানা রেন আই.সি. দ কৗয়ধি পাকড়াও কাতে কোর্টরে চালান আকাদেয়া মেনতেহঁ মহলে বাডায় অচো আকাদেয়া। অনাতে মহল পাহ্টা খনহঁ গোওয়ালতোড় থানা প্রশাসনিয়ৗ আডি সারহাও কো চাল আকাৎ কোওয়া। অনা সাঁওতে মহল পাহ্টা খন সাফাসাফি রড় হুয় আকানা যুদি নংকান ঘটন আরহঁ দহড়া হোয়োঃ আ এনখান একেন গোওয়ালতোড় দ বাং গটা পছিম বাংলা গেকো থামগৗড়ি গদা মেনতেহঁ হুঁশিয়ৗরি কো এম আকাদা।
নোওয়া রাঁগাওনা মিছিল রে সেটের কো তাঁহেকানা বুগড়ি মুলুক রেন সানাম মাঝি বাবা,মাঝি আয়ো,মাঝি হনহপন আর মনরঞ্জন মুরমু(বাং হৗটিঞ মিদিনপুর জেলা জগ পারগানা), বিপ্লব সরেন (বাঁকুড়া জেলা গোডেৎ), স্বপন মান্ডি (মিদিনপুর সদর তল্লাট পারগানা আর বুগড়ি ২ নং মুলুক রেন পারগানা বাবাকো।
.webp)
.webp)
