আবোওয়াঃ ওয়েব পেজ- পশ্চিমবঙ্গ আদিবাসী কল্যান সমিতি পাহ্টা খন হলা ৩১ ডিসেম্বর বীরভূম আর বাঁকুড়া জেলা চাঁগা পাহ্টা খন ফেক এস.টি. সার্টিফিকেট রেনাঃ ইস্যুতে ডি.এম. ঠেন মেমোরেন্ডাম কো চাল কেদা সানাম টঠারে যাঁহালেকা ফেক এস.টি. সার্টিফিকেট জোগাড় কাতে অ-আদিবাসী কো আদিবাসী কোওয়াঃ আইদৗর কো ছিনগৗও হাতাও এদা অনা নিৎ আদিবাসী ঠেন আডি ভাবনা রেনাঃ গে কানা।
পছিম বাংলা রেন সৗরিন আদিবাসী কোগে যাতে আদিবাসী কো লৗগিৎ হৗটিঞ আকান সানাম সুযুগ-সুবিধা কো ঞাম অনাগে তাঁহেকানা মেমোরেন্ডাম রেনাঃ মুড়ুৎ কাথা।
দুয়ারে দুয়ারে সরকার প্রকল্প তালাতে যাঁহা এস.টি. সার্টিফিকেট ইস্যুঃ কানা অনাহঁ যাতে যথাৎ আদিবাসী কো ঞাম অনা লৗগিৎ আধিকারিক কোওয়াঃ যথাৎ তলাশ দহ লৗগতিঃ কানা। ফেক এস.টি. সার্টিফিকেট ঞাম কাতে যাঁহায় অ-আদিবাসী কো চৗকরি কানা ওনকো পাঁজা ওডোক কাতে সরকার ওনকো বিরুধরে যথাৎ স্টেপ এ হাতাও মা।
বীরভূম জেলা চাঁগা খন যাঁহায় মাড়তে কো ডি.এম. সাঁও দুড়ুপ কাতে কো গালচ্ কেদা ওনকো মুদ্রে-অ্যাসোসিয়েশন রেন জেলা প্রেসিডেন্ট ছুতার মুরমু,ভাইস-প্রেসিডেন্ট চন্দ্রমোহন মুরমু, শ্রীকান্ত সরেন, নারায়ণ মহুলী, সতীলাল মুরমু, শিবশংকর সরেন, সেক্রেটারী দশরথ মুরমু, অ্যাসিস্টেন্ট সেক্রেটারী বাসু মান্ডি। অনা বেগর ঞুতুমান সমাজ সুসৗরিয়ৗ আর অ্যাডভাইজারি কমিটি মেম্বার লক্ষণ হাঁসদা আর পনৎ কমিটিরেন মেম্বার কানন হাঁসদা এমান গোমকে কো তাঁহেকানা। মাড়তে পাহ্টা খন বাডায় এনা বাংমা ডি.এম. সাহেব এ লাই তরা কেদা বীরভূম জেলারে নংকান ঘটন ঞেল লেখান আচ্ স্টেপ এ হাতাও আ।
নঁতে বাঁকুড়া জেলা ডি.এম. সাঁও কোঁ ঞেপেল লেনা জেলা চাঁগা রেন অ্যাসিস্টেন্ট সেক্রেটারী নিবারন কিস্কু আর অ্যাডভাইজারি কমিটি রেন মেম্বার যতীন্দ্র কিস্কু, সহদেব বাস্কে, আর ডঃ নির্মল মুদি এমান গোমকে কো।
নোওয়া জেলা করেনাঃ রিপোর্ট খনগে বাডায়ঃ কানা বাংমা ফেক এস.টি. সার্টিফিকেট বিরুধরে আদিবাসী কোওয়াঃ এদ্রে সেঁগেল জুলুঃ কানা।
.webp)
.webp)
