আবোওয়া ওয়েব পেজ- ২২ ডিসেম্বর দ সানতাড়াঃ আডি মুহিমান আর গরবান দিন কানা। অনা লেকাতে আডি আডি ভরম সালাঃ মানাও গুণৗও হোয়েনা পুরুব মিদিনপুর জিলৗ রেনাঃ তমলুক ডাক-কর্মচারী ভবন রে।
আখড়ারে মারাং পেড়া লেকাতে সেটেরে তাঁহেকানা ভারত জাকাত মাঝি পারগানা মহল বাং হৗটিঞ মিদিনপুর জিলৗ রেন পারগানা বাবা মানতান রবীন্দ্রনাথ মুরমু গোমকে। সাঁওতে নেঁওতা পেড়া লেকাতে সেটের কো তাঁহেকানা- জেলা জগ পারগানা বাবা মানতান দিলীপ কুমার মান্ডি, এগরা মুলুক পারগানা বাবা মানতান অলোক বাস্কে পটাশপুর মুলুক পারগানা বাবা মানতান শুকলাল হেম্ব্রম, AISWA (W.B) চাঁগারেন ক্যাশিয়ার মানতান রূপচাঁদ মান্ডি সাঁওতে আরহঁ আয়মা মৗনৗন পেড়াকো।
আখড়ারে মারাং পেড়া রবীন্দ্রনাথ মুরমু গোমকে দ- নিত সানতাড়ি পৗরসি-সাঁওহেৎ অকা আবস্থারে মেনাঃআ,সানতাড়ি পৗরসি সরকারী দপ্তর করে তিনাঃ গান লৗগুওয়াকানা, ফেক এস.টি. বিরুধরে,মহলাঃ আঁদোড়, জাহের থান, মাড় ঘৗটি এমান এমান ইদিকাতেয় গালচ কেদা।
অনা আখড়ারেগে যথাৎ মাহারে মানতান কলেন্দ্রনাথ মান্ডি গোমকেয়াঃ ‘সাঁওতালি ভাষা আন্দোলনের ইতিহাস’ পুঁথি উঢৗও এনা।
গটা আখড়া গেকিন পুরিচালনা কেদা রৗস্কৗ মহল রেন জগ-পারসেৎ মানতান সুরেন্দ্রনাথ মান্ডি আর সুৎরেৎ মানতান শিবরাম মুরমু। আখড়ারেন সভাগোমকে লেকাতে তাঁহে কানায় রৗস্কৗ মহল রেন পারসেৎ মানতান দেবেন্দ্রনাথ হেম্ব্রম গোমকে।
.webp)
.webp)
