আবোওয়াঃ অয়েব পেজ- পুরুলিয়া জেলা বলরামপুররে সৗরি ধরম বৗইসি হলা ২৬ ডিসেম্বর মানত সালাঃ হুয় পারমেনা। যঁশ দ তাঁহেকানা ২০২১ সাল রেনাঃ হড় লেখারে ‘সৗরি ধরম’কোড ঞাম রেনাঃ দাবী আর অনা লেখারে সানাম সানতাড় কো যেমন সৗরি ধরম কো অল অচোয় মা। বাডায় আকানা মিৎ অক্তে বলরামপুর টঠারে সারনা ধরম বেগর সৗরি ধরম রেন হড়াঃ দুড়ুপ্-তিঁগুন ঠাঁও গে বাং তাঁহেকানা। অনা বেগর নোওয়াহঁ বাডায় আকানা বাংমা অঁডে খনগে সোর-সোপোর আতো করে সারনা ধরম প্রচার চালাঃ কান তাঁহেকানা। অনা জায়গারে হলানাঃ সৗরি ধরম বৗইসি আডি মারাং কৗমিরে জওয়ায় এনা মেনতে অঁডেরেন বৗইসি কুমুট পাহ্টা খনগে বাডায় আকানা। নুনৗদিন আয়মা হড়াঃগে বাডায় বাং তাঁহে কানা বাংমা সানতাড় কোওয়াঃ নিছরা সৗরি ধরম কানা মেনতে। নুন দিন ধৗবিচ্ আয়মা হড়গে কো আঁদা গঃ কান তাঁহেকানা সৗরি সে সারনা ? মেনখান হলানাঃ ধরম বৗইসিরে সেটের লেন সৗরি ধরম পারসালিয়ৗ মানতান সমাই কিস্কু সৗরি ধরম ইদিকাতে উনিয়াঃ অড়ে অড়পাত থুতি-গালচ্-সেরেঞ তালাতে আয়মা হড় সৗরি ধরম রেনাঃ বুটৗ কাথা কো বাডায় ঞাম কেদা মেনতেগে আয়মা হড়গে নিৎ কো মেমেন কানা। বাডায় আকানা নোওয়া ‘সৗরি ধরম’ কাথা আঁজম লৗগিৎ অনা জেলা রেনাঃ বান্দোয়ান,বরাবাজার, মানবাজার-I, মানবাজার-II, বোরো, কাশীপুর,কেন্দা,আড়শা মুলুক এমন চেৎ ঝাড়খন্ড পনৎ করে খনহঁ হাজার হাজার হড় দো্মেল দোমেল কো সহর সেটের লেনা মেনতে বাডায় আকানা। বৗইসি কুমুট পাহ্টা খন সেটের লেন সানাম কো লৗগিৎ গে জমা-ঞুয়া রেনাঃ বন্দেজ তাঁহেকানা মেনতেহঁ বাডায় আকানা।
অনা সৗরি ধরম বৗইসিরে আরকো মুদ্রে সেটের তাঁহেলেনাকো পছিম
বাংলা আসেকা রেন জেনারেল সেক্রেটারী মানতান ডঃ সুবোধ হাঁসদা, পনৎ জগপারগানা বাবা বৈদনাথ
হাঁসদা, পুরুলিয়া জেলা পারগানা বাবা মানতান রতন লাল হাঁসদা, প্রফেশর শশীকান্ত মুরমু
( উপদেষ্টা, B.J.M.P.M.) এমান।
বৗইসি আখড়ারে সুবোধ হাঁসদা গোমকেয় লৗই কেদা- ‘সারনা ধরম’ জাঁহায়া
কানা ওনকো হড় গে বাংকো ঞেল ঞামঃ কানা, আবোরেন মিৎ বার সানতাড় বয়হা কোগে আপনারাঃ সৗরি
ধরম বৗগি কাতে সারনা ধরম কো সাগাড় বাডায়েদা আর ওনকো কোগে সৗরি ধরম বিরুধ রে নানাহুনৗর
কাথাকো রড় বাডায়েদা। জাঁহায় কোওয়াঃ সারনা ধরম কানা ওনকোদ চেৎ কাথা হঁ বাংকো রড় এদা।
মানতান হাঁসদা গোমকে আরহঁয় লৗই তরা কেদা সারনা কাথাদ মুন্ডৗরী শাবাদ্ কানা। তেহেঞ
উড়িষ্যা, ঝাড়খন্ড রেন আয়মা সান্তাড় বয়হাকো ওনকো মুন্ডৗ ,লাড়কা,ওরাং এমান আদিবাসী সাঁও তাঁহে তাঁহেতে
আবোওয়াঃ সৗরি ধরম গেকো সলম লটম চাবায়েদা। ধরম তালারে পন্ডিত রঘুনাথ মুরমু কো গহড় আগুয়ে
কানা। মেনখান গুরু গোমকে দ তিসহঁ সারনা ধরম কাথা বায় রড় আকাদা। তেহেঞ সারনা পন্থী হড়কো
উনিয়াঃ অনল পুঁথি ‘হিতৗল’ সারনা ধরম পুঁথি মেনতেকো সামাং এদা। নোওয়া লেকাতেদ গুরু গোমকে
অপমান হোয়োঃ কানা। মানতান হাঁসদা আরহঁয় রড় তরা কেদা বাংমা উনৗগে যুদি ওনকো হড়াঃ গুরু
গোমকে চেতান দায়া-দুলৗড় মেনাঃ তাকোওয়া এনখান তেহেঞ ধৗবিচ্ চেদাঃ উড়িষ্যা, ঝাড়খন্ডরেনাঃ স্কুল কলেজ রে সানতাড়ি পৗরসি
সাঁওতে অলচিকি স্বীকৃতি বায় ঞাম আকাদা। মেনখান পছিম বাংলারে ১৯৭৯ সালরে পুরুলিয়া জেলারেনাঃ
কেন্দবনা ডৗহিরে উনবিদৗল রেন পছিম বাংলা সরকার গুরু গোমকে সারহাও আর অলচিকি স্বীকৃতিয়
এম আকাদা। অনাতে তেহেঞ পছিম বাংলা রে প্রাইমারী খন ইউনিভার্সিটি ধৗবিচ্ সানতাড়ী পৗরশিতে
অলঃপাড়হা চৗলুঃ কানা। মানতান হাঁসদা গোমকে মুচৗৎ রে নোওয়া কাথাগেয় লৗই কেদা বাংমা সৗরি
ধরম কোড ২০২১ সাল রেয়াঃ হড় লেখারে সেলেদ্ অচয় লৗগিৎ পছিম বাংলা বিধান সভারেহঁ আঁদোড়
তালাতে বিল বন পাশ অচ কোওয়া’।
জেলা পারগানা বাবা মানতান রতন লাল হাঁসদা গোমকে দ পুরুলিয়া
জেলা রেনাঃ আডি মহতান ঠাঁও করেনাঃ ঞুতুম এ ঞুম হালাং কেদা। জেলেকা তামাম হড়-হপনাঃ সুতৗন
টাঁডি, ল-বির বৗইসি পুরুলিয়া জেলা রেনাঃ আযোদিয়ৗরে মেনাঃআ, জাং বাহা বুহেল তেল কুপি
বারনী ঘাট, অনাহঁ পুরুলিয়া জেলা রেগে মেনাঃআ। তেহেঞাঃ নোওয়া সৗরি ধরম বৗইসি হঁ মিৎ
দিন ভারত দিশম রেনাঃ নাগাম রে লেখা আ মেনতে মনেয়াকাদায় । অনাবেগর মানতান হাঁসদা গোমকেদ
আরহঁয় লৗই তরা কেদা বাংমা সারনা ধরম রেন নিৎ যাঁহায় আয়ুরিচ্ উনিদ ‘বার এরা গঁসায় কানায়’।
যাঁহায় ঝাড়খন্ড সান্তাড় সে যাঁহায় উড়িষ্যা সানতাড় জাহের বৗনুঃ তাকোওয়া,যাঁহা সাঁওতারেন
হড় মাঁডোওয়া খুন্টিরে চেৎ চেৎ তাঁহেনা, মারাং বুরুওয়াঃ চেৎ, জাহের আয়োওয়াঃ চেৎ ধরম
গঁসায়ে চেৎ নোওয়াকো যাঁহায় বাংকো বাডায়া উনকুদ সানতাড় সাঁওতারেনাঃ চেৎ কো সুসৗরা মেনতেহঁয়
রড় ঝা আকাদ্ কোওয়া। মানতান হাঁসদা গোমকে দ নোওয়া কাথাকো সানাম হড় ঠেন হুদিস লৗগিৎহঁ
আরদাশ এ দহ আকাদা।
প্রফেশর মানতান শশীকান্ত মুরমু গোমকেদ স্কুল, কলেজ রে পাড়হা
কান বাবু মৗই তাকো লৗগিৎ নাপায় সাঁদেশ এ চাল আৎ কোওয়া বাংমা ‘‘জাঁহাতিনৗ পৗঠুওয়ৗ কো
মেনাঃ পে তাবোনা আপেদ স্কুল, কলেজ রে ধরম জায়গারেদ ‘সৗরি ধরম’ অল অচোয় তাবোন পে’’ মেনতে
আরদাশ এ দহ কেদা।
ভারত জাকাত মাঝি পারগানা মহল বলরামপুর মুলুক পাহটা খন বাডায়
আকানা বাংমা নংকানা ধরম বৗইসি রেনাঃ আডিগে লৗগতি তাঁহে কানা অনাতে সুর সাঁগিঞ খন সেটের
লেন সানামকো গুন মানাও সারহাও কো চাল আকাদ্ কোওয়া।
.webp)
.webp)
