সিঁগি মাহা রেনাঃ সাকাম ‘চেরেচ্ আড়াং’ লেখা- ১৮

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান-  সুজয় কুমার টডু, রিলৗমালা মুরমু, তিয়াসা মুরমু, ময়ূরাক্ষী মুরমু, পূজা মুরমু,  বিজয় কিস্কু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,  ᱥᱨᱤᱠᱟᱱᱛᱚ ᱥᱚᱨᱮᱱ, সারি ধরম হাঁসদা, -সাকম সরেন, দুগাই টুডু, বাড়তাঙ সরেন, সনাতন টুডু, বিভূতি ভূষণ সরেন,  দুলৗড় বিটি। 

  

সুজয় কুমার টুডু, ক্লাস- I
জেলা - পশ্চিম মেদিনীপুর

রিলৗমালা মুরুমু, ক্লাস- III
জেলা - পুরুলিয়া

তিয়াসা মুরমু , ক্লাস -III

জেলা - ঝাড়গ্রাম

ময়ুরাক্ষী মুরুমু , ক্লাস- IV

জেলা - ঝাড়গ্রাম

পূজা মুরুমু, ক্লাস- V
জেলা - বাঁকুড়া

বিজয় কিস্কু , ক্লাস -VI

জেলা - পুরুলিয়া

১।।

  ᱜᱤᱫᱽᱨᱟᱹᱵᱟᱹᱣᱞᱤ

 - ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱢᱩᱨᱩᱫᱽ ᱵᱟᱦᱟ
ᱤᱫᱟᱹᱞ  ᱵᱟᱦᱟ
ᱧᱮᱞᱚᱜ ᱡᱮᱸᱜᱮᱸᱫ ᱡᱮᱸᱜᱮᱸᱫ ᱿


ᱦᱚᱯᱚᱱ ᱵᱟᱵᱩ
ᱥᱮᱛᱟᱜ   ᱟᱹᱭᱩᱵᱽ
ᱞᱟᱸᱫᱟ ᱟᱛᱮᱭ ᱵᱮᱸᱜᱮᱸᱫ ᱿


ᱥᱮᱨᱢᱟ ᱪᱟᱸᱫᱚ
ᱧᱮᱞᱮ    ᱛᱩᱞᱩᱪ
ᱞᱟᱸᱫᱟᱭ ᱢᱩᱞᱩᱪ ᱢᱩᱞᱩᱪ ᱿ 


ᱦᱚᱨᱚᱱ ᱵᱟᱵᱩ
ᱛᱚᱣᱟ ᱫᱟᱠᱟᱭ
ᱠᱚᱠᱚᱭ ᱜᱟᱛᱮ ᱛᱩᱞᱩᱪ ᱿

========== ᱛ ========

 ২।।

 ᱵᱟᱹᱣᱞᱤ

ᱜᱳᱯᱮᱥᱣᱚᱨ ᱢᱟ.ᱱᱰᱤ

  

ᱮ ᱵᱮᱴᱟ -

ᱫᱮᱞᱟ ᱨᱩᱣᱟ.ᱲ ᱢᱮ,

ᱵᱟᱵᱟ ᱫᱚ ᱠᱟ.ᱢᱤ ᱛᱮ

ᱪᱟᱞᱟᱣ ᱪᱚᱣᱟᱭ ᱢᱮ ᱾

 

ᱮ ᱵᱮᱴᱟ -

ᱵᱟᱝ ᱠᱚ ᱨᱟᱜᱟ,

ᱟ.ᱣᱨᱤ ᱟ.ᱭᱩᱵ ᱯᱚᱦᱚᱨ ᱛᱮᱜᱮᱭ

ᱨᱩᱣᱟ.ᱲ ᱦᱤᱡᱩᱜ ᱟᱭ ᱾

 

ᱮ ᱵᱮᱴᱟ -

ᱟ.ᱜᱩᱣᱟᱢᱟᱭ ᱦᱟᱸᱜ,

ᱟᱱᱮᱡ ᱫᱷᱟᱱᱮᱡ ᱡᱚᱢ ᱞᱟ.ᱜᱤᱫ

ᱢᱤᱫ ᱠᱷᱟᱞᱟᱜ ᱞᱟ.ᱰᱩ ᱾

 ========== ᱛ ========

 ৩।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ

    ᱥᱨᱤᱠᱟᱱᱛᱚ ᱥᱚᱨᱮᱱ

         

' ᱞ 'ᱛᱮ ᱜᱟᱵᱟᱱ ᱥᱟᱵᱟᱫ ᱺ

ᱞᱟᱡᱽ᱾  ᱞᱟᱡᱟᱣ ᱾ ᱞᱚᱦᱚᱫ ᱾ ᱞᱚᱴᱚᱢ᱾ ᱞᱟ.ᱴᱩ ᱾ ᱞᱚᱠᱟ ᱾  ᱞᱳᱜᱳᱫ᱾ ᱞᱮᱞᱦᱟ ᱾  ᱞᱮᱸᱜᱟ ᱾ᱞᱟᱛᱟᱨ ᱾

' ᱞ 'ᱛᱮ ᱜᱟᱵᱟᱱ ᱟ.ᱭᱟᱛ ᱺ

ᱞᱚᱦᱚᱫ ᱞᱩᱜᱲᱤᱡᱽ ᱟᱞᱚᱢ ᱦᱚᱨᱚᱜᱟ ᱾ ᱞᱚᱥᱚᱫᱨᱮ ᱠᱟᱴᱠᱚᱢ ᱼ ᱜᱸᱝᱜᱦᱟ ᱠᱚ ᱛᱟᱦᱮᱱᱟ  ᱾ ᱞᱟ.ᱴᱩ ᱦᱚᱲ ᱫᱚᱠᱚ ᱡᱚᱦᱟᱨ ᱟᱠᱚᱻᱟ᱾  ᱞᱮᱯᱮ- ᱞᱮᱫᱮ ᱚᱲᱟᱜ  ᱾ ᱞᱮᱸᱜᱟᱥᱮᱫᱛᱮ ᱛᱟᱲᱟᱢ ᱢᱮ ᱾

' ᱟ 'ᱛᱮ ᱜᱟᱵᱟᱱ ᱥᱟᱵᱟᱫ ᱺ

ᱟᱛᱟᱨ ᱾ ᱟᱢᱲᱟ ᱾ ᱟ.ᱥᱩᱞ ᱾  ᱟᱨᱮᱞ ᱾  ᱟ.ᱫᱤᱢ ᱾ ᱟᱱᱟᱴ ᱾ ᱟᱯᱟᱛ ᱾ ᱟ.ᱛᱤᱧ ᱾  ᱟᱡᱟᱨ ᱾ ᱟᱨᱟᱜ᱾

' ᱟ 'ᱛᱮ ᱜᱟᱵᱟᱱ ᱟ.ᱭᱟ.ᱛᱺ

ᱟᱢᱟᱜ ᱧᱩᱛᱩᱢ ᱪᱮᱫ ? ᱟᱢᱫᱚ ᱪᱮᱫᱟᱜ ᱵᱟᱢ ᱨᱚᱲ ᱠᱟᱱᱟ ?  ᱟᱫᱚ ᱵᱟᱝᱵᱚᱱ ᱢᱟ.ᱯᱤᱫᱟ ᱾ ᱟᱞᱮ ᱟᱛᱳ ᱥᱳᱨᱨᱮ ᱢᱤᱫᱴᱟᱝ ᱰᱩᱝᱨᱤ ᱢᱮᱱᱟᱜ ᱻᱟ ᱾  ᱟ.ᱭᱩᱵ ᱞᱮᱱᱠᱷᱟᱱᱜᱮ ᱥᱤᱠᱲᱤᱡᱽ  ᱠᱚ ᱳᱰᱳᱠᱚᱜ ᱻᱟ᱾

  

( ᱛᱳᱸᱜᱮᱜᱻᱟ...)

========== ᱛ ========

৪।।

 পহাড়িয়ৗ পুসি

 সারি ধরম হাঁসদা

উপৗস তেরাস অৗসুল সেতা
 পুসি হৗনিয় দখল আকাৎ
        দাকা ইসিন অড়াঃ।
       মেনায় তিঁগু তাঁড়াঃ,

অৗন অৗরি  পুসিয় জৗরি
         নেয়াম নাওয়ায় পরতন,
 রেরেজ্ কানায়  বকাঃ চুঁড়ুজ
          হপন মৗইআঃ তি খন।

পুসিয় কাথায়  সেতায় মেতায়
           লেবদা সিডৗং লেকা,
 'ঞির জংমে আম মা লৗগিৎ
           বৗঞ ইসিনা দাকা।

এনহঁ যুদি   বাম লুতুরাঃ
           তাহেঁ কঃ আম নেকা,
 কবঃ আতেঞ ছুঁচ আমা হাঃ
            লল চুঁড়ুজ্ ছেঁকা।'

 পুসিয় ইসিন  উতু দাকা
           একেন তেকে সাবাঃ,
 অৗঁড়তি তাহেন পাতড়া দাকা
           অকয় বাক হাব্ আঃ।

অৗড়িসতে ক লাগা কেদে
             পুসি দ নৗই কাতা,
 গিডি দাকায় ঞামান রে দ
             নাপায়েনায় সেতা।

========== ᱛ ========

 ৫।।

 ডুলুং গাডী

    -সাকম সরেন 

ডুলুং গাডী 
জুলুং আডি 
তিনৗঃ এম ফাঁদায়-
উনৗঃ গে দৗড় আয়। 

টিড়িং টিড়িং ঘান্টি 
সাডে জুদি'ম আঁজম,
ঘিড় মেনতে হর্ খনদ -
সাহা গদঃমে আম। 

========== ᱛ ========

৬।।

পাঁডু হাড়াম

      দুগাই টুডু

পাঁডু হাড়াম পিলচু রাসা
চেপেচ্‌ আনা থোড়া,
পেড়াঃ খনগে অনে আদয়
রুয়ৗড় কানা অড়াঃ।

কিঁডৗ মাঁডেয় তাড়াম এদা
ঝুঁকতে হাকো পাকো,
ঞিদৗ ঞুৎরেয় ঞামকো বলে
ভূতকো ওকো চোকো।

বোগে তেকো এনেচ্‌ সেরেঞ
দনা জত কুচুড়,
আচহঁ হানে রৗস্কৗ গদা
বুল কাতে ভুচুড়।

অনা থেড়ং পটচ্‌ আকান
এনতে মিৎটাং জাঁগা,
নেতার অনেয় ঞেলঃ কানা
দাঁড়ান আডি লাঁগা।

========== ᱛ ========

 ৭।। 

বাহা

   -বাড়তাঙ সরেন

 বাহা বাহা বাহা হালে
               বাহা আডি লেকান,
আরাঃ জরং এদেল বাহা
                   ভুটুং দারে চেতান।

মুরুৎ বাহা জেঁগেৎ জেঁগেৎ
                ডৗরমা লাফাং লাফাং,
দারে লাতার ঞুরুঃ রেদ
                       কুড়িককো হালাং।

 উপেল বাহা বুরুৎ বুরুৎ
                       দাঃ দরেয়া তালা,
তোওয়া বাহা চাম্পা বাহা
                      গুতু গালাং মালা।

 বুরু ঝারনা কিয়ৗ বাহা
                     হাহাড়াগে একাল,
 গুলৗচ বাহা গোলাপ বাহা
               মনে জিউয়ীয় রাওয়াল।

ধৗরতি পেরেচ  হেড়েম সিবিল 
                          নানা হুনৗর বাহা,
 বাহা বেগর বাঙে সভায়
                     ধৗরতি সেরেঞ রাহা।

========== ᱛ ========

৮।। 

দেলা

 সনাতন টুডু

দেবোন দেলা আকা পাকা
সামাং তেবোন চালাঃ,
বাংখান দ সদর তাঁহেন
শুধু একেন খালাঃ।

আমাঃ ইঞাঃ যুদৗ গেয়া
ঞামঃ লৗগিদ্ জুড়ু,
ঞেল ঞেলতে হাতাও আবোন
হৗটিঞ মেনাঃ জুড়ু।

দেলা ঝত সানাম কগে
মগল-রবি-কঁজে,
আবো লৗগিদ্ আবো লেকা
ডাহার দবোন সঝে।

========== ᱛ ========

৯।।

 হপন বিটি 

বিভূতি ভূষণ সরেন 

মেনায় তালে হপন বিটি 
      কৗমিই আডি কেটেচ্, 
ঞেল তেদ লেটে পেটে 
      সানাম কৗমি সেটেজ্। 

বৗনুঃ তায়া হাট পাতা 
     অড়াঃ রেগেয় কৗমি, 
হড় কঠেন লেখাঃ সানায়ে 
     সানাম খনাঃ দৗমি। 

হিজুঃ সেনঃ পেড়া পৗরবৗ
       দারাম ক লটা দাতে, 
বুগি  বৗড়িচ্ কুলি কওয়া 
         দুড়ুপ পান্তে কাতে। 

========== ᱛ ========

১০।।

 কেনে কতে

দুলৗড় বিটি

এনেচ্‌ আলে
সেরেঞ আলে
গাতে গাতে
কেনে কতে।

অড়াঃ গালে
দুয়ৗর আলে
আখোল বাখোল
পাওরা বাখোল।

বেনাও আলে
বৗড়িজ্‌ আলে
ঘানে ঘানে
হানে হানে।

খিলডু আলে
খামডা আলে
দালে দালে
আলে আলে।

তুপুঞ আলে
তাপাম আলে
হালে হালে
আলে আলে।

যাঁহায় আলে
বৗড়িচ্‌ তালে
উনি দালে
লাহাঃ আলে।

********মুচৗৎ **********