আবোওয়াঃ ওয়েব পেজ- আদিবাসী হড়-হপন দ যায়যুগ গে নিসড়ৗও অচঃ ডাহার তেগেকো ডুরিয়ৗও আগু অচো আকানা। মেনখান নিত দ আয়মা হড়গে আদিবাসী কোওয়াঃ হক্-আইদৗর রেনাঃ চেতাওনা হেচ্ আকাৎ কোওয়া। অনাতেগে আদিবাসী সানতাড় হড়-হপনাঃ আইদৗর ঞাম লৗগিৎ ঘাটাল তল্লাট ভারত জাকাত মাঝি পারগানা মহলাঃ হহতে গাপা ২৭ ডিসেম্বর, ক্ষীরপাই হালদারদিঘী মোড় রে অক্ত ঠৗওকৗ বৗনুঃ আন লৗগিৎ পনৎ ডাহার জাগেদারাম কৗমিহরায় সাব্ আকাদা।
দাবী লেকাতে বাডায় আকানা- ঘাটাল মহুকুমারে ১৪ গটাং প্রাইমারী বিরদৗগাড় রে সানতাড়ি পৗরসি রেন থৗহি মাচেৎ বাহাল কো হোয়োঃ মা, ক্ষীরপাই হালদারদিঘী রে আডি লগন সিধু-কানু মুঠৗন থাপন হোয়োঃ মা, ঘাটাল ব্লক রেনাঃ সানতাড়ি ঞুতুমান এলাকা করে বীরসা মুন্ডা আঃ মুঠৗন থাপন হোয়োঃ মা, আডি লগন মাছা গে ঘাটাল মহুকুমারে সানাম সরকারি আপিস রেনাঃ ঞুতুম বাংলা, ইংরেজী সাঁও সাঁওতে অলচিকিতেহঁ অল হোয়োঃ মা, ঘাটাল মহুকুমা রেনাঃ বীরসিংহ আতোরে আদিবাসী মিউজিয়াম বেনাও রেনাঃ অনুমোদন এম হোয়োঃ মা।
গাপা সেতাঃ খনগে ডাহার জাগেদারাম কৗমিহরারে দোমেল দোমেল সহর সেটেরঃ লৗগিৎ ঘাটাল তল্লাট আরদাশ এ দহ আকাদা।
.webp)
.webp)
