আবোওয়াঃ ওয়েব পেজ- হলা ১৮ ডিসেম্বর গটা পছিমবাংলা রে ১০ গটাং খন হঁ বৗড়তি জেলারে মিৎ সাঁওতে ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন পাহ্টা খন ডি.এম. ঠেন ‘দুয়ারে দুয়ারে সরকার’ আর অ-আদিবাসীকো আডি আয়মা অক্তে এস.টি. সার্টিফিকেট উডুক কাতে আয়মা সরকারি সেচেৎ তালমা আর আয়মা দপ্তর করে ভরতি আর চৗকরি ইদিকাতে ডি.এম. ঠেন কাথাকো গালচ কেদা। আরহঁ বাডায়া কানা হলাগে নদীয়া, মুর্শিদাবাদ, বীরভূম, আর বাঁকুড়া ডি.এম. ঠেন ফেক এস.টি. সার্টিফিকেট ইস্যুতে ডেপুটেশন কো এম আকাদা।
অনাবেগর পুরুলিয়া আর উত্তর দিনাজপুর জেলারেন ডি.এম. মেমোরেন্ডাম জমা লৗগিৎ হিজুঃকান ২৩ ডিসেম্বর অক্ত কিন এম আকাদা, পুরুব মিদিনপুর ২৮ ডিসেম্বর, পছিম মেদিনীপুর আর ঝাড়গ্রাম ২৯ ডিসেম্বর মেমোরেন্ডাম কো জমায়া মেনতে বাডায় আকানা।
বাডায় আকানা বাংমা সানাম জেলা করেগে অ্যাসোসিয়েশন রেন রৗসিয়ৗ কোওয়াঃ ভিড় ঞেল জং লেকাগে। ফেক এস.টি. সার্টিফিকেট ইস্যু লৗইতে অ্যাসোসিয়েশন বেগর হঁ আদিবাসী সমাজ কোঁড়া সমাজ, ওরাও সোসাইটি, আসেকা রেন আয়মা হড়গে ডেপুটেশন রে সহর সেটের কাতে অ্যাসোসিয়েশন গড় ক এম আকাদেয়া। নঁতে মিৎ ভিডিও বার্তারে পছিমবাংলা আসেকা রেন সম্পাদক মানতান সুবোধ হাঁসদা গোমকে লৗই আকাদা বাংমা ফেক এস.টি. সার্টিফিকেট ইস্যু লৗইতে পছিমবাংলা আসেকা, অ্যাসোসিয়েশন সুররে মেনাঃ আকাদেয়া।
ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন পাহ্টা খন নোওয়া ইস্যু লৗইতে আডি লগন গে পছিম বর্ধমান, মালদা, দখিন দিনাজপুর, হুগলি, হাওড়া এমান বৗকি জেলা করেন ডি.এম. ঠেন হঁ চালাঃ লৗগিৎ কো মনসুবৗ আকাদা। নঁডে খনগে বাডায়ঃ কানা বাংমা ফেক এস.টি. সার্টিফিকেট ইস্যু লৗইতে সানাম আদিবাসী কোগে আর থিরথার দ বৗনুঃ আকাদ্ কোওয়া।
.webp)
