(পোয়লো হৗটিঞ তায়ম)
সিঁগি মাহা রেনাঃ সাকাম "চেরেচ আড়াং" লেখা - ১৫ রেনাঃ তুলৗজখা
তুলৗজখায়িজ- সুনীল কুমার মুরমু
৫। সান্তাড়ী চিকি আড়াং
মানোতান শ্রীকান্ত সরেনাঃ নওয়া " সান্তাড়ী চিকি আড়াং " গিদরৗ অনড়হেঁ তালাতে জাপাঃ চিকি সে টুডৗঃ চিকি রেনাঃ চেৎ চেহেরা লাগাৎ আজাঃ অনড়হেঁ অঁড়হে তালাতেয় সদর আকাৎ আ। নডে দ পেয়া খদ ঞেঁল ঞাঁমঃ কানা। খদ পিছি বারয়া কাতে থার ! আরহঁ থার পিছি পোনয়া কাতে পর্ব। পেরেজ পর্ব কদ পুন সনং সে মাত্রা রেনাঃ আর বাং পেরেজ পর্ব কদ বার সনং , পে সনং রেয়াঃ ঞেঁল ঞাঁমঃ কানা। মিল দ থারানাং মিল চে চরনান্তিক মিল। নওয়া রেনাঃ হড়ম গড়হন দ নংকা- ৪+৩+৪+৩ / ৩+৩+৪+৪ / ৪+৫+৪+২ / ৪+৫+৪+৩ / ৪+৫+৩+৪ / ৪+৪+৩+৪
নওয়া অনড়হেঁ রেনাঃ লয় সে রেলা দ চুগুড় আনাঃ গে। ঝতম পর্ব রেয়াঃ অৗদ আখররে সাঁহেৎ জাঁক পাড়াও আকানা। নওয়া রেনাঃ পুরকিত (প্রকৃতি) দ রাহানাং ছাঁদা সে স্বরবৃত্ত ছন্দ। সনং লেখা অৗরি লেকাতে মেন গানঃ আ বাংমা - ফুরগৗল আখর (মুক্ত অক্ষর) মিৎ সনং সে মাত্রা রেনাঃ আর এসেৎ আখর চে রুদ্ধ অক্ষর হঁ মিৎ সনং রেনাঃ মেনদ আখর খানগে মিৎ সনং রিতি গে হাতাও আকানা !
তবে লৗই দহ লৗক্তি কানা বাংমা ঝতম পর্ব রেগে মাত্রা রেনাঃ সমতা বৗনুঃ আ মেনদ অকারেদ কম আকানা আরহঁ অকারেদ বৗড়তি আকানা ! অনাতে নওয়া পর্ব কদ দোষী গেয়া ! যাঁহা খৗতির পাড়হাও জং রে সড়ম রাড়াং রেনাঃ ঘৗটতি হুয়ুঃ কানা ! মেনখান চুগুড় রেলা আর পর্ব রেনাঃ অৗদ আখররে সাঁহেৎ জাঁক পাড়াও আকান খৗতির নওয়া দোষ কদ সাব বাং গানঃ আ !
অনাতে মুচৗৎ রে নওয়াগে মেন গানঃ আ বাংমা নওয়া মিৎটাং ঞুমানাঃ গিদরৗ অনড়হেঁ (বৗউলী) গে হুয়াকানা !
৬। অজ অৗড়ি বৗনুঃ
অনড়হিয়ৗ সুচাঁদ হাঁসদা গংকে হঁ " অজ অৗড়ি বৗনুঃ " অনড়হেঁ তালাতে নদো বাবু ভুলৗউ দহয়ে রেনাঃ মিৎ আডি চেহেরা গিদরৗ অনড়হেঁ সে বৗউলী গেয় গাঃ গাবান আকাৎ আ। নওয়া অনড়হেঁ দ পে খদ রেনাঃ অনড়হেঁ। খদ পিছি বারয়া কাতে থার। থার পিছি পোনয়া কাতে পর্ব। পেরেচ পর্ব কদ পুন সনং সে মাত্রা রেনাঃ আর বাং পেরেচ পর্ব কদ বার সনং সে মাত্রা রেনাঃ। মিল দ থারানাং মিল চে চরনান্তিক মিল। নওয়া অনড়হেঁ রেনাঃ হড়ম গড়হন দ নংকা --
৩৩৪৪ ৪৩৪২ ৪৪৩২ ৪৩৪২ ৩৩৩২ ৪৪৩২ ।
নওয়া রেনাঃ লয় সে রেলা দ চুগুড় আনাঃ গে। ঝতম পর্ব রেয়াঃ অৗদ আখররে সাঁহেৎ জাঁক পাড়াও আকানা। নওয়া রেনাঃ পুরকিত (প্রকৃতি) দ রাহানাং ছাঁদা চে স্বরবৃত্ত ছন্দ। সনং লেখা অৗরি লেকাতে মেন গানঃ আ - ফুরগৗল আখর সে মুক্ত অক্ষর মিৎ সনং রেয়াঃ আর এসেৎ আখর সে রুদ্ধ অক্ষর হঁ মিৎ সনং রেয়াঃ মেনদ আখর খানগে মিৎ সনং সে মাত্রা রিতি গে হাতাও হুয়াকানা।
তবে লৗই দহ লৗক্তি কানা বাংমা ঝতম থার রেনাঃ পেরেচ পর্ব রেগে মাত্রা লেখা বাং সমানা মেনদ কম বেশী মেনাঃ আ। অনাতে নওয়া পর্ব কদ দোষী গেয়া। মেনখান চুগুড় রেলা আর পর্ব রেয়াঃ অৗদ আখর রে সাঁহেৎ জাঁক পাড়াও আকান খৗতির নওয়া দোষ কদ সাব বাং গানঃ আ।
এনহঁ মুচৗৎরে নওয়াগে মেন গানঃ আ বাংমা নওয়া মিৎটাং ঞুঁমানাঃ গিদরৗ অনড়হেঁ গে হুয়াকানা।
৭। কুল তৗরুব
অনড়হিয়ৗ বাড়তাং সরেন গংকে হঁ " কুল তৗরুব " ঞুঁতুম গিদরৗ ক কুশি রৗস্কৗ হচ ক লৗগিৎ তে মিৎ আডি মজ অনড়হেঁ গেয় সদর সামাং আকাৎ আ ! নওয়া অনড়হেঁ রেদো আডি মজ সাঁহেৎ জাঁক , ছাঁদা, জতা , পর্ব গালাং , সামেলায়তে থার ক গাতে পান্তে কাতে আডি চেহেরা সড়ম রাহানাং ছাঁদা রেনাঃ গিদরৗ অনড়হেঁ গেয় সদর সামাং আকাৎ আ। নওয়া অনড়হেঁ রেনাঃ হড়ম গড়হন দ নংকা - (৩+৩+৩+২/ ৩+৩+৩+২ ) (৩+৩+৪+১ / ৩+৩+৩+২ ) (৪+২+২+৩ / ৪+২+২+৩) ( ৪+২+৩+২ / ৪+২+৩+২ ) (৪+২+৩+২ / ৪+২+৩+২)
নওয়া অনড়হেঁ রে --
১! পর্ব :- পেরেজ পর্ব দ পুন সনং সে মাত্রা রেনাঃ আর বাং পেরেজ পর্ব দ বার সনং সে মাত্রা রেনাঃ ।
২! থার (চরন) :- পোনয়া পর্ব (পেয়া পেরেজ পর্ব আর মিৎটাং বাং পেরেজ পর্ব) রেয়াঃ কানা ।
৩! খদ (স্তবক) :- বারেয়া থার রেনাঃ কানা ।
৪! মিল :- থারানাং মিল সে চরনান্তিক মিল ।
৫! রেলা :- চুগুড় রেলা কানা। ঝতম পর্ব রেয়াঃ অৗদ আখররে সাঁহেৎ জাঁক পাড়াও আকানা !
৬! পুরকিত (প্রকৃতি) :- রাহানাঃ ছাঁদা সে স্বরবৃত্ত ছন্দ।
৭! সনং লেখা অৗরি :- ফুরগৗল আখর সে মুক্ত অক্ষর মিৎ সনং রেয়াঃ আর এসেৎ আখর সে রুদ্ধ অক্ষর হঁ মিৎ সনং রেয়াঃ। মেনদ আখর খানগে মিৎ সনং সে মাত্রা রেয়াঃ।
নডে লৗই দহ লৗক্তি কানা বাংমা ঝতম পর্ব রেগে পর্ব রেনাঃ সমতা বৗনুঃ আ মেনদ মাত্রা লেখা রেনাঃ কম বেশি মেনাঃ আ। অনাতে সাধারন বিচৗরতে নওয়া পর্ব কদ দোষী গেয়া। মেনখান চুগুড় রেলা আর পর্ব রেনাঃ অৗদ আখররে সাঁহেৎ জাঁক পাড়াও আকান খৗতির নওয়া দোষ দ সাব বাং গানঃ আ !
অনাতে মুচৗৎরে নওয়াগে মেন গানঃ আ বাংমা নওয়া মিৎটাং ঞুঁমানাঃ গিদরৗ অনড়হেঁ গে হুয় আকানা !
৮। গিদরৗ বৗউলি
বৗউলিয়ান সত্যেশ্বর মুরমু হঁ গিদরৗ ভুলৗউ সে গিদরৗ ক কুশি রৗস্কৗ হচ রেনাঃ আডি চেহেরা বার খদ রেনাঃ বৗউলীগেয় সদর আকাৎ আ। নওয়া বৗউলী রেনাঃ খদ পিছি পেয়া কাতে থার। পুয়লু বারেয়া থার রেদো বারেয়া কাতে পর্ব। মুচৗৎ থার রেদো মিৎটাং কাতে পর্ব। পর্ব কদ ঝতমগে পেরেজ পর্ব মেনদ পুন সনং সে মাত্রা রেনাঃ। মিল দ থারানাং মিল সে চরনান্তিক মিল। নওয়া বৗউলী রেনাঃ হড়ম গড়হন দ নংকা -
পুয়লূ খদ - ৪+৪ / ৪+৪ / ৪
দসার খদ - ৪+৪ / ৪+৪ / ৪
নওয়া রেনাঃ লয় সে রেলা দ চুগুড় আনাঃ গে। ঝতম পর্ব রেনাঃ অৗদ আখররে সাঁহেৎ জাঁক পাড়াও আকানা। নওয়া রেনাঃ পুরকিত দ রাহানাঃ ছাঁদা চে স্বরবৃত্ত ছন্দ। সনং লেখা অৗরি লেকাতে মেনগানঃ আ বাংমা ফুরগৗল আখর চে মুক্ত অক্ষর মিৎ সনং সে মাত্রা রেনাঃ আর এসেৎ আখর সে রুদ্ধ অক্ষর হঁ মিৎ সনং সে মাত্রা রেনাঃ মেনদ আখর খানগে মিৎ সনং সে মাত্রা রিতিগে হাতাও আকানা। অনাতে নওয়া বৗউলী দ সড়ম আনাঃ আর ঞুঁমানাঃ গিদরৗ বৗউলীগে হুয়াকানা !
৯। বুকড়ু
বৗউলিয়ৗন বিভূতি ভূষন সরেন গংকে হঁ নওয়া বুকড়ুঃ অনড়হেঁ তালাতে আডি চেহেরা ছনা হাঃ কাথাগেয় মেন আকাৎ আ। নওয়া অনড়হেঁ দ পে খদ রেনাঃ অল অনড়হেঁ। খদ পিছি বারয়া কাতে থার চে চরন। থার পিছি পোনয়া কাতে পর্ব। পেরেচ পর্ব কদ পুন সনং সে মাত্রা রেনাঃ আর বাং পেরেচ পর্ব কদ বার সনং সে মাত্রা রেনাঃ। মিল দ থারানাং মিল সে চরনান্তিক মিল। নওয়া অনড়হেঁ রেনাঃ হড়মগড়হন দ নংকা -
৪+৪+৪+২ / ৩+৪+৩+২ / ২+২+৩+৪ / ৩+২+৪+২ / ৫+২+৩+২ / ৪+২+৪+২
নওয়া অনড়হেঁ রেনাঃ লয় সে রেলা দ চুগুড় আনাঃ গে। ঝতম পর্ব রেনাঃ অৗদ আখররে সাঁহেৎ জাঁক পাড়াও আকানা। নওয়া রেনাঃ পুরকিত দ রাহানাঃ ছাঁদা চে স্বরবৃত্ত ছন্দ। সনং লেখা অৗরি লেকাতে মেনগানঃ আ বাংমা- ফুরগৗল আখর চে মুক্ত অক্ষর দ মি সনং সে মাত্রা রেনাঃ আর এসেৎ আখর সে রুদ্ধ অক্ষর হঁ মিৎ সনং সে মাত্রা রেনাঃ। মেনদ আখর খানগে মিৎ সনং সে মাত্রা রিতিগে হাতাও আকানা !
নডে লৗই দহ লৗক্তি কানা বাংমা- নওয়া অনড়হেঁ রেনাঃ পুয়লু থার বাদ কাতে ঝতম থার রেনাঃ পর্ব করে রাহানাঃ ছাঁদা রিতি অংসার যাঁহা মাত্রা হুয় রেনাঃ কাথা অনা বাং ঞেঁলঃ কানা মেনদ অকারেদো মিৎ মাত্রা কমঃ কানা আর অকারেদো মিৎ মাত্রা বাড়তিঃ কানা। অনাতে নওয়া পর্ব কদ দোষী গেয়া। মেনখান চুগুড় রেলা আর পর্ব রেয়াঃ অৗদ আখররে সাঁহেৎ জাঁক পাড়াও আকান খৗতির নওয়া দোষ কদ সাব বাং গানঃ আ !
অনাতে মুচৗৎ রে নওয়াগে মেনগানঃ আ বাংমা নওয়া মিৎটাং নাপায় গিদরৗ অনড়হেঁ গে হুয় আকানা !
.webp)
