সিঁগি মাহা রেনাঃ সাকাম ‘চেরেচ্ আড়াং’ লেখা- ১৪

 

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান-  রিলৗমালা মুরমু, শুভজিৎ হাঁসদা, ময়ুরাক্ষী মুরুমু ,  ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, সারি ধরম হাঁসদা, সুচাঁদ হাঁসদা, শ্রী কা ন্ত স রে ন, বাড়তাঙ সরেন, দুগাই টুডু,  বিভূতি ভূষণ সরেন,  ।

 

রিলৗমালা মুরুমু, ক্লাস- III
জেলা - পুরুলিয়া

শুভজিৎ হাঁসদা, ক্লাস- IV

জেলা - ঝাড়গ্রাম

ময়ুরাক্ষী মুরুমু , ক্লাস- IV

জেলা - ঝাড়গ্রাম

১।।

 ᱠᱟᱠᱲᱟ  ᱵᱤᱞᱤ

- ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱡᱟᱱᱩᱢ ᱵᱩᱴᱟᱹ
ᱡᱷᱟᱱᱴᱤ ᱞᱟᱟᱨ
ᱵᱤᱞᱤ ᱞᱮᱫᱟᱭ ᱠᱟᱠᱲᱟ ᱿

ᱦᱚᱴᱚᱨ ᱠᱟᱛᱮ
ᱯᱚᱥᱟᱜ ᱠᱮᱫᱟᱭ
ᱦᱩᱰᱤᱧ ᱵᱟᱵᱩ ᱠᱚᱲᱟ ᱿

ᱪᱩᱱᱩᱭ ᱞᱟᱹᱭ
" ᱜᱚᱲᱚᱢ ᱵᱟ ---  ᱯᱚᱥᱟᱜ
ᱠᱤᱫᱟᱹᱧ ᱠᱟᱠᱲᱟ ᱵᱤᱞᱤ ᱿"

ᱜᱚᱲᱚᱢ ᱵᱟ ᱦᱚᱸ
ᱪᱩᱱᱩ ᱟᱜ ᱠᱟᱛᱷᱟ
ᱠᱚᱨᱮ ᱜᱮᱭ ᱛᱤᱞᱤ ᱿

"ᱠᱟᱠᱲᱟ ᱮᱸᱜᱟᱭ
ᱵᱟᱰᱟᱭ ᱞᱮᱠᱷᱟᱱ
ᱮᱢᱟᱢᱟᱭ ᱢᱤᱫ ᱦᱟᱯᱟ ᱿"

ᱪᱩᱱᱩᱭ ᱦᱚᱸᱭ 
ᱞᱟᱹᱭ--  "ᱜᱚᱲᱚᱢ ᱵᱟ
ᱤᱧ ᱜᱮ ᱞᱟᱦᱟᱛᱤᱧ ᱛᱷᱟᱜᱯᱟ ᱿"


ᱵᱷᱟᱠᱟᱨ ᱵᱷᱩᱠᱩᱨ
ᱠᱚᱭᱚᱜ ᱟᱪᱩᱨ
ᱜᱟᱨᱡᱟᱣ ᱟᱛᱮᱭ ᱨᱟᱨᱟᱜ ᱿

ᱡᱷᱚᱛᱚᱢ ᱥᱮᱱ ᱜᱮ
ᱨᱤᱜᱟᱹ ᱵᱟᱜᱟᱜ
ᱠᱟᱠᱲᱟ ᱵᱚᱦᱚᱜ ᱟᱨᱟᱜ ᱿

 

=O=O=O=O=OO=O=O=O=O=

২।।

 ᱟ.ᱥᱩᱞ ᱯᱩᱥᱤ

ᱜᱳᱯᱮᱥᱣᱚᱨ ᱢᱟ.ᱱᱰᱚ

ᱜᱚᱲᱚᱢ ᱟᱭᱳᱨᱮᱱ          ᱟ.ᱥᱩᱞ ᱯᱩᱥᱤ
        ᱦᱤᱡᱩᱜᱼᱟᱭ ᱜᱟᱭᱟᱝ ᱜᱩᱭᱩᱝ,
   ᱨᱮᱸᱜᱮᱡ ᱡᱟᱞᱟ           ᱜᱟᱱᱟᱰᱤ ᱨᱮ
        ᱨᱟᱜᱟᱭ ᱢᱤᱭᱩᱝ ᱢᱤᱭᱩᱝ ᱾

 

ᱢᱤᱫ ᱫᱤᱱᱚᱜ         ᱜᱚᱲᱚᱢ ᱟᱭᱳ
          ᱡᱤᱞ ᱮ ᱫᱚᱦᱚ ᱞᱮᱫᱟ,
  ᱴᱟᱴᱠᱟ ᱜᱮ          ᱪᱟᱴᱷᱭᱟ ᱯᱩᱥᱤᱭ
           ᱡᱚᱢ ᱪᱟᱵᱟ ᱠᱮᱫᱟ ᱾

 

ᱨᱟ.ᱜᱤ ᱡᱟᱞᱟ            ᱴᱷᱩᱴᱠᱤ ᱡᱚᱱᱚᱜ
           ᱛᱮᱭᱮ ᱠᱷᱟ.ᱲᱭᱟ.ᱜ ᱠᱮᱫᱮ,
ᱵᱚᱛᱚᱨ ᱡᱟᱞᱟ           ᱟ.ᱥᱩᱞ ᱯᱩᱥᱤ
             ᱫᱟ.ᱲ ᱟᱠᱟᱫ ᱛᱮᱜᱮ ᱾

 

=O=O=O=O=OO=O=O=O=O=

 

   ৩।।

 অঁজরা কৗঁহু

 সারি ধরম হাঁসদা

      

       আম দ কৗঁহুম  অঁজরা গেয়া
           অনাতেসেম হেঁদে।
               অনাতেসে বায় গাতেকাম
                    ঠনক্ চিঁকৗড় গেঁদে।

 

     হড়ম মাতাম মৗইলৗগে তাম
         ঞুতৗৎ কুয়ৗ খোলোন।
              আয়ো দসে বৗনুগেতাম
                   বায় মেতামা তোপোন ?

 

      হাঁডে নাঁডেম ছামকাও বাড়ায়
          পিঁদলৗ পেঁদেম খঁজায় ।
              বেলে হপন অৗতকির লৗগিৎ
                  তাক্ বাতারেম পাঁজায়।

 

      রাহা মাতাম হাড়হাৎ গেতাম
          কাকার কাকরাৎ মেসা।
             আয়ো দসে বায় মেলৎ কাম
                  গিদৗররে ঞেলে রাসা ?

 

         =O=O=O=O=OO=O=O=O=O=

৪।। 

এয়ায় মাহা

   সুচাঁদ হাঁসদা

    

 হড় রড়তে আবো আঃ হঁ ,
মেনাঃ এয়ায় মাহা ৷
সিঁগে মাহাগে আবো আঃ দ ,
ঝতম খনাঃ লাহা ৷

 

সিঁগে তায়ম আবো আঃ দ ,
মাহা তাবন অতে ৷
বাবু মৗইকো সেঁড়ায়  পে -মা ,
লৗইপে কেনে কতে ৷

 

অতে তায়ম আবো আঃ দ ,
মাহা তাবন বালে ৷
সেদায় খনাঃগে মেনাঃ তাবন ,
বাং কানা হালে ৷

 

বালে দসার মাহা ঞুঁতূম ,
সেঁড়া কাঃ পে সাগুন ৷
সাঁওতে বাবু সেঁড়া কাঃপে ,
রু-হঁ-টাটাঃ টাগুন ৷

 

সৗগুন তায়ম মাহা তাবন ,
মেনাঃ ঞুঁতুম সৗরদি৷
সেঁড়ায় পে- মা মৗই বাবুকো ,
সানাম কো অদা বৗদি৷

 

সৗরদি তায়ম মাহা ঞুঁতুম ,
সেঁড়া কাঃ পে জৗরুম৷
হড় রড়তে মাহা রেনাঃ ,
নঅয় নংকা ঞুঁতুম ৷

 

মাহা রেনাঃ মুচৗৎ ঞুতুম ,
সেঁড়া কাঃ পে ঞুঁহুম ৷
মা এনখান নিয়ৗ বেড়াদো ,
নডে গেবন থুকুম ৷

=O=O=O=O=OO=O=

৫।।

 সান্তাড়ি চিকি আড়াং

     শ্রীকান্ত সরেন

ও(ᱳ)ᱼ ওল সাঁওদ জজ  মেশায়মে
           সড়মঃ আডি নাপায়,

ওট(ᱴ)ᱼটুকুজ্‌ কদ তরজ কতে
            আডি মজক সাফায়।

অব(ᱵ)- বহঃ আবোওয়াঃ হুডিঞরেহঁ
              সাহব- আ আয়মা কাথা,

ওঁ(ᱶ)ᱼ পাওরা মিৎটাং সুখৗল চেঁড়ে
              অৗসুল কগেয়া ক সেতা।

ওহঃ(ᱷ)ᱼ খোঃ মাঁদা হঁ আজার কানা
              খোঃ খোঃতে আলম তাড়াম,
              জাহায় যুদি জৗসতিয় খোঃগা             
              ইদিয়েম হাসপাতাল মাড়াং।

      =O=O=O=O=OO=O=O=O=O=

 ৬।।

 হপন বিটি

-বাড়তাঙ সরেন

   

আলে হপন  বিটি
           আডি গেয় নাপায়া,
রাঃ হমর বায় বাডায়
            খাঃ খাঃ এ লান্দায়া।

 

আয়োয় হহয় লেরে
           'এনা হপন বিটি',
আঁজম তরায় লান্দায়া
            একাল খিটি খিটি।

 

 সেতাঃখন রাচারে 
          হান্তে নাতেয় দাঁড়ায়,
থালাঃ থুলুঃ তাড়াম
        থিরঃ দ বায় বাড়ায়।

  

কলাই আতা খাটমাট
            আডিগেয় তগজা,
লৗডু রেৎ ঞাম লেরে
          ঞেল তরায় বগজা।

 

একলা তাঁহেন রেদ
          মনে বায় বৗড়িজা,
পুঁথি পতব করে
         জিউয়ী দয় লাড়েজা।

=O=O=O=O=OO=O=O=O=

৭।।

 হড় আতো

 দুগাই টুডু

হানেগে ঞেলঃ হড় আতোগে
            একালগে মাঠ তালা,
পুব-দৗখিন জেলেঞ হেনাঃ
            আডি সাঁগিঞ গে ভালা।

 

হাসা অড়াঃগে বুসুব দাপ
            আয়মা গে ঞেলঃ কানা,
পাল পরব করে পোতাও
            লৗগিয়ৗ পাড়াও আনা।

 

গিদ্‌রৗ কোদ সেতাঃ আয়ুপ
            কেঁড়েচ্‌ দঁড়েচ্‌ থরকো,
জানাম রড় জানাম আড়াং
            টাড়াং টাড়াং গে রড়কো।

 

বঁগা বুরুরে ঞির সুরুঃগে
          সানাম আতো হড়কো,
জৗত ধরম লাকচার দ
          জিয়ৗড় এদা ওনকো।

=O=O=O=O=OO=O=O=O=O=

৮।।

  খিলোডিয়ৗ 

 বিভূতি ভূষণ সরেন 

 

আলে বুবু মেনায় তালে 
          মিৎ মারাং খিলোডিয়ৗ , 
গটা এনেচ্ টাঁডি রেগে 
          উপরুম আকান মিলোডিয়ৗ। 

 

বল ঞাম তরাগে একাল 
           উদুগায় কিরি-কেচারি,
অকয়হঁ বাংক দাড়েয়ায় রেচ 
           ও হায়! বেচারি। 

 

আচ্‌ বিরুধরে যাহাঁয়ক খেলঃ 
           ওনকো হোয়োঃ পৗহুড়, 
পৌল সিরপৗ মেরম খৗসি
         আগু কাতেঃক তৗহুড়।

 

=O=O=OমুচৗৎO=O=O=