কালীপূজৗ, দীপাবলী আর সহরায় দারায় কানতে বতর গে বুঝৗঃ কানা
 |
| -ডাঃ সুরেন্দ্রনাথ মান্ডি |
ঞেল ঞেল তেগে সেটেরেনা
কালীপূজৗ,দিপাবলী আর সহরায় পরব মেনখান রৗস্কৗ বাদালতে নেস্ দ বতর গে বুঝৗঃ কানা। এনতে
নে এ হালে হালেগে ‘অনাম’ পরব রে গাদেল জাওরা কাতে হিঁয়ৗখালাস রৗস্কৗ-সুলৗং জং খৗতিরতে
আয়মা আয়মা হড় কো হালে ডালেয়েনা কেরালা পনৎ রে।
নে এ ঢের, হালে হেলেগে পারমেনা দূর্গাপূজা,দাঁসায় পরব হঁ। এটাঃ
সেরমা লেকা দ বাং রেহঁ পরব রেবোন রৗস্কৗ সুলৗং জং আন গেয়া। বছর দিন রেনাঃ আর লৗটু পরব কো-
কালী পূজৗ,দিপাবলী, সহরায় হঁ সেটেরেনা। বাম বতরঃআ কেরালা সেন কয়ঃ কাতে? হোয়, কোভিড
রেনাঃ কাথাগে মেন হোয়োঃ কানা।
যাঁহান পাতা-পরব রেগে হিঁয়ৗ খালাস রড়,লাঁদা,এনেচ্ সেরেঞ ,বাহ্রে
করে জম ঞু তি-তি সাপাপ্ কাতে রৗস্কৗ সুলৗং জং দ হোয়োঃ গেয়া আর অনা কোগে সরকার পাহ্টা
খন বারন মেনাঃ আ কোভিড খন সাহারে তাঁহেন লৗগিৎ তে। মিৎ হড় ঠেন খন আর মিৎ হড় ঠেন যাতে
খুঃ-আছিম, রড় লাঁদা দারায়তে করোনা ভাইরাস আলোকো উচৗড়ঃ অনা লৗগিৎ তেগে থ মাস্ক বেওহার
,মেনমা মু-মচা রুগড়িচ্ তে সারা ঘৗড়িচ্ এসেদ্ দহয়,৬ফুট ফারাক ফারাক তাঁহেন লৗগিৎ
তে Physical Distancing মানাও বাতাও আর করোনা কো বাসাও আকান জাঁহান তেনাঃ রে জটেৎ কাতে
ভাইরাস আমরৗও জং খন সাঁগিঞ রে তাঁহেন লৗগিৎতে তি-কিন ঘানে ঘানে আরুব্ সাফায় রেনাঃ
কাথা ( sanitize) জাওগে মেন হোয়োঃ কানা। মেনখান পরব হিলোঃ রেদ চেৎ অনাকো অনকা মাছা
মানাও বাতাও গানোঃ আ? অনাতেগে বতর রেনাঃ কাথা মেন হোয়োঃ কানা।
কালী পূজৗ,দিপাবলী, সহরায় এমান পরবরে কাড়া-ডাংরা খুঁন্টৗওতে
কুলহি গডারে এনেচ্ সেরেঞ তে ফটকা অটেচ্ তে, বাজি-বৗরুদ আতার তে বৗতি জেরেৎ তে হর
রে ধুড়ি-বৗলি,সিলিকন, ধুঁওয়ৗ এমান বৗড়তিঃ খৗতির আঁগাস-পঁগাস (Lungs) রেনাঃ আজার (
COPD/Asthma) ঢের হোয়োঃআ। এমনি তেগে নিয়ৗ পরব কো আতে, মেনমা রাবাং দিন মাঘ হয়-হিঁসিৎ
বৗড়িচ্ তাঁহেন খৗতির হেলেসা (হাঁপানি) রগী কোওয়াঃ এঁটকে টঁড়ে ঢের তেৎগে বৗড়তিঃ আ।
জাও সেরমা গে নোওয়া পরব করে ফটকা,বাজি বৗরুদ্ আতার ইদিকাতে
মানা-বাধা তাঁহেনা সরকার পাহ্টা খন। নিতঃ আ কোভিড আঃ আওহাল রে নোওয়া ‘সতর আদে’দ আরহঁ
তেৎ মানাও বাতাও একালতে লেগ্ কান গেয়া জুদিও কোভিডতে গুজুঃ হার দ কম গেয়া মেনখান কোভিড
রেদ বিশেষ কায়তে শ্বাসতন্ত্র মেনমা আঁগাস-পঁগাস আর আঁগাস-পঁগাসরে সে আঁগাস-পঁগাস খন
মায়াম অডক বলন নৗলি রে মায়াম ঢুম্বাঃ কাতে সাঁহেৎ হয় সুঁগরৗও খৗড় অডক রে এঁটকে টঁড়ে
হোয় দাড়েয়াঃ সাঁও সাঁওতে Post Covid Fibrosis মেনমা কোভিড হোয় তায়ম টিউমার এমান লেকান
আজার হোয় দাড়েয়াঃআ। কোরোনাতে তাঁড়গম অচো আকান কো মুদ্রে জাঁহায় কোদো ঢেরতেৎ গেকো রবজলওয়াকানা
অনকান কোওয়াঃ আঁগাস-পঁগাসদ ঢের তেৎগে লহ জৗরিঃ কানা, খৗতির অনকা রুগি কদ জিওয়েৎ ভোরগে
অক্সিজেন মাস্ক বেওহার হোয়োঃ তাকোওয়া।
এমনি তেগে জাও সেরমা ‘বায়ু দূষন’ অজতে ধৗরতি জাকাত রে ৭০ লাখ
খন বৗড়তি মৗনমি কো ভারাভাটঃ কানা আর নংকান আওহাল রেগে জুদি পরব-পিহৗ মানাও ঢেঁসনা কাতে
আবো খৗতির বৗড়তি ‘বায়ু দূষন’হোয়োঃ, তাহলে বতর রেনাঃ কাথা বাংখান চে-তা!
.webp)
