(তেসার হৗটিঞ তায়ম)
চেৎ লেকা কাতেম অলা ( অনল )
শ্রীকান্ত সরেন
শ্রীকান্ত সরেন
(২) মিৎটাং আয়াতরে আয়মা কমা ( ,) তাঁহে লেনখান,অনাক বাদালতে সেমিকোলন বেওহার গানঃ আ। যে লেকা :উডগাহঁ পাতা ঞেলে চালাওলেনা, বেডগাহঁ পাতা ঞেলে চালাওলেনা, মেনখান, অকয়হঁ দিশৗ কাতে লামাঃ দ বাংকিন কিরিঞ আগুলেদা।নওয়া আয়াত সেমিকোলন বেওহার লেখান হোয়োঃ আ নংকা :উডগাহঁ পাতা ঞেলে চালাওলেনা,বেডগাহঁ পাতা ঞেলে চালাওলেনা ;মেনখান , অকয়হ দিশৗ কাতে লামাঃ দ বাংকিন কিরিঞ আগুলেদা। নঁডে ঞেলপে, বারয়া আয়াত জাহা অৗড়ৗতে তল আকানা,অনা ' মেনখান ' অৗড়ৗ দ অঁডে গে দহ কাতে সেমিকোলন চিনহৗ বেওহার আকানা। অনা খৗতির বারয়া আয়াত পুষ্টা সাঁহিচ বুঝৗউ আকানা।
(৩) যখজ মান আন হড়াঃ ঞুতুম, মৗন মৗচিরেনাঃ উপরুম, জায়গা ঞুতুম এমানাঃ ক মিৎটাং আয়াতরে অলঃ আ, উন যখজ সেমিকোলন বেওহারঃ আ। যে লেকা:' শান্তিনিকেতন খেরওয়াল উমুল গাওতা ' রে , নেশ যাঁহায় মৗন মৗচিরেক সেলেৎ আকানা , উনকু দক হোয়োঃ কানা রামমোহন হাঁসদা , পারসেৎ ; রামচন্দ্র মান্ডি , জগ-পারসেৎ ; প্রদীপ হেমব্রম, সুতরেৎ ; সুকদেব মূর্মূ , জগ-সুতরেৎ ; বিনয় কুমার সরেন , কৗউডি গোডেৎ ; আর বলরাম কিস্কু , জগ-কৗউডি গোডেৎ ।
ডৗড়ি (। )
ডৗড়ি কাথা দ মনে হোয়োঃ কানা , সান্তাড়ী তেদ যথাত পানারসি দ বাং হোয়োঃ কানা। নওয়া চিনহৗ রেনাঃ মানে জিরৗউ। জিরৗ উ মানে জিরৗউ কাতে নাপায় তে সাঁহেৎ আর থড়া দাড়ে ঞাম। ঞেলতেদ মিৎটাং ঠেঙ্গা বাংখান লৗঠি বাংখান খুন্টি লেকা ঞেলঃ কানা। অনাতে নওয়া দ ' জিৗরউ খুন্টি ' তানাঃবন ছৗটয়ৗর কাঃখান জৗনিচ বৗড়িচ দ বাং হোয়োঃ আ। নিতোঃদবন ঞেললেগে , নওয়া চিনহৗ অকা জায়গা করেবন বেওহার আ।
ঝত লেকান আয়াতরেগে ' জিরৗ উ খুন্টি ' ( ডৗড়ি ।) বেওহার হোয়োঃ আ, নংকা দ বাং। নওয়া চিনহৗ দ বেওহারঃ আ উনরেগে যখজ আয়াত তালাতে মিৎটাং জাঁহালেকানাঃ গে মানে বুঝাঃ আ। বেওহার রেনাঃ মিৎ বার নমুনা এম হোয়েনা।
নমুনা : (১) যদুমনি বেসরা ' ভারত জাকাত সান্তাড়ী অনলিয়ৗ গাঁওতা 'রেন (AISWA ) , মিৎ ইশি মড়ে সেরমা(᱒᱕) পারসেৎ এ তাঁহে কানা।
(২) বীরু, সেতাঃ সেতাঃ পাড়হাঃ দুড়ুব মে।মেনখান নং কান মিৎবার কাথা মেনাঃ আ, যাঁহা করেদ মনে হোয়োঃ আ ডৗড়ি বাং বেওহার কাতে এটাঃ যাঁহান চিনহৗ বেওহারঃ আ। যে লেকা:
(ᱚ) মন্ত্রী আয়মা কিছুই লৗইকেৎ রেহঁ, বায় লৗইলেদা কৗমি দ চেৎ লেকা কাতে হোয়োঃ আ।
(ᱛ) বুঝৗউ মুশকিল যে কৗমি চেদাঃ বাং হোয় আকানা।
(ᱜ) ডাক্তার ক বাং ক আঁগচ দাড়েয়াঃ কানা , তিস কতে ' করোনা ' ভ্যাকসিন ক বেনাঃ আচেতানরে অল আকান সানাম আয়াত মুচৗৎরে ডৗড়ি বেওহারঃ আ ।
নওয়া় ক আয়াত থড়া এটাঃ লেকা অল লেখান হোয়োঃ আ :
(ᱚ) মন্ত্রী আয়মা কিছুই লৗইকেৎ রেহঁ, চেৎ লেকা কাতে কৗমি হোয়োঃ আ অনাদ বায় লৗইলেদা।
(ᱛ) চেদাঃ কৗমি বাং হোয় আকানা, বুঝৗউ মুশকিল গেয়া।
(ᱜ) তিস কতে ডাক্তার ক ' করোনা ' ভ্যাকসিন ক বেনাও দাড়েয়াঃ আ, বাং ক লৗই দাড়েয়াঃ কানা।
( অনল দ তঁগে আ)
.webp)
