(এয়ায় হৗটিঞ তায়ম)
চেৎ লেকা কাতেম অলা (অনল)
শ্রী কা ন্ত স রে ন
শ্রী কা ন্ত স রে ন
১২. আয়াতরে জখজ মিৎটাং অৗড়ৗঃ, বার-বার অলঃ আ; উন অক্ত আয়াত বাং ঠিকগে ঞেলঃ আ। অনাতে অঁডে হাইফেন এম লেখান, অনা অৗড়ৗ বার-বার বেওহাররেনাঃ লৗগতি বৗনুঃ আ। যে লেকা-
# বেকার আনাট,কৗমিহড়াঃ আনাট, গৗডি-ঘোড়া আনাট, জম আনাট, আর বিজলি বৗতি আনাটতে পুছিম বাংলারেন মৗনমী দ হালে-ডালে।
নওয়া আয়াতরে ' আনাট ' আড়া বার- বার হেজ্ আকানা। হাইফেন বেওহার লেখান নওয়া আড়া, মিৎধাও খন , জৗসতি বেওহার বাং হোয়োঃ আ। হাইফেন বেওহার কাতে আয়াত ঞেলপে :
বেকার- , কৗমিহড়াঃ- , গৗডি ঘোড়া- , জম - , আর বিজলি বৗতি আনাটতে পুছিমবাংলারেন মৗনমী দ হালে-ডালে।
পেয়া বিন্দু চিনহৗ (এলিপসিস)...
পেয়া বিন্দু চিনহৗ, সান্তাড়ীতে ' পে টুডাঃ ' চিনহৗ লৗই দ গানঃ গেয়া। নওয়া চিনহৗ দ, বার জায়গারে বেওহার হোয়োঃ আ।
(১) পৈলো জায়গা দ হোয়োঃ কানা, জখজ জাহায় জাহান কাথা সাফা সাঁহিচ লৗই বাং বুঝৗউ এ কানা আর বাংখান লৗই এতহব কাতে বায় মুচৗৎ দাড়েয়াঃ কানা (মুচৗৎ রেয়াঃ দাও বায় ঞামেদা) ; উন অকতে নওয়া চিনহৗ বেওহারঃ আ। নমুনা :
সাগেন – সাঁওতা বৗড়িজঃ লেকান কৗইদ বাং কানা। মেনখান... আতোহড় দামু হাড়ামাঃ সিলগৗউতে রৗউ- রৗউ আতে ক দাড় বেরেৎ এনা। বাংক আঁজম লেদা আতো মাঝিয়াঃ কাথা। দামু হাড়াম তি হুরলৗ কাতে...। ( ' বিচৗর রেয়াঃ আড়াং রাগায় দানাংরে ' , মিৎ কিতৗ গায়ান , প্রদীপ হেমব্রম )।
(২) দসার জায়গা দ হোয়োঃ কানা, জখজ জাহায় অনলিয়ৗ/অনড়হিয়ৗ আঃ অল ; গটা বাং তুমৗল কাতে মিৎবার জায়গারে বাদ হোয় লেনখান _ অনা বাদ জায়গা করে পে বিন্দু চিনহৗ বেওহারঃ আ।নমুনা :
" পৗরসী,সাঁওহেৎ,চিকিরে আবোওয়াঃ জৗত-ধরম-মৗন তপা মেনাঃ আ।... সাঁওহেৎ- ধরম- লৗড়হৗই নিয়ৗ করেদ...কৗমিবন হৗসিল দাড়েয়াঃ আ।"(' সাঁওহেৎ সাঁওতে সাঁঘার ' - শ্রীকান্ত সরেন)।
.webp)
