সিঁগি মাহা রেনাঃ সাকাম ‘চেরেচ্ আড়াং’ লেখা-০৬ (সাকাম-২)

 সাকাম-২

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- বিজয় কুমার কিস্কু, ᱥᱩᱵᱩᱫᱤᱭᱟ. ᱢᱩᱨᱢᱩ, " অনল বিঁদি ",     বিভূতি ভূষণ সরেন,  কুশদেব বাসকে,  সুচাঁদ হাঁসদা, বাবলু সরেন।

 

বিজয় কিস্কু , ক্লাস -VI

জেলা - পুরুলিয়া

      ৭। ।

 ᱦᱚᱯᱚ ᱞᱩᱞᱩ

     ᱥᱩᱵᱩᱫᱤᱭᱟ. ᱢᱩᱨᱢᱩ

                   ᱟᱞᱮ 
                    ᱦᱚᱯᱚ ᱞᱩᱞᱩ
              ᱪᱟᱞᱟᱜ ᱟᱭ
                      ᱫᱟᱜ ᱞᱩᱞᱩ ᱿

               ᱦᱮᱵᱮ ᱠᱟᱛᱮ
                 ᱜᱤᱫᱽᱨᱟ. ᱜᱟᱸᱰᱚ
              ᱪᱟᱞᱟᱜ  ᱨᱮᱫᱚ
                   ᱟᱰᱤᱭ ᱪᱟᱸᱰᱚᱜ ᱿
              
              ᱛᱟᱲᱟᱢ ᱨᱮᱫ
                 ᱪᱷᱮᱢᱮᱠ ᱰᱟᱸᱰᱟ
            ᱦᱮᱨᱢᱮᱫ ᱫᱤᱯᱤᱞ
                  ᱫᱷᱤᱨᱤ ᱠᱟᱸᱰᱟ ᱿

             ᱵᱟᱵᱟᱭᱳᱭ ᱧᱮᱞᱮ 
                  ᱡᱩᱞᱩ ᱡᱩᱞᱩ
             ᱫᱟᱜ  ᱮ ᱞᱩᱞᱩ
                 ᱦᱚᱯᱚ ᱞᱩᱞᱩ ᱿

         =O=O=O=O=O=
 

৮।।

 ভাটি

" অনল বিঁদি "

চাডরা হাড়াম দুড়ুব কাতে
কিতৗ সাকামে চাগাড়
কালায় চালায় টুমৗং হাঁডি
রাগাড় - রাগাড় - রাগাড় !!
লেপে সেড়ে লিপি বুঢি
দাঃ এ লু -- আগুয়
ফাগু হাড়াম ফগড়া মচা
সারা ঘৗড়ি লৗগুয় পৗগুয় !!
লিপি বুঢি মেন গদায়
ডাট চাঃ এম তগজ
কালায় মেনা -- চেৎ এম মেনকেৎ
ইঞ দ চালাঞ বগজ !!
বৗঞ বডজা হানে তাপে
টুমৗং টুকুজ হাঁডি
মেরা জম তিঞ তাঁহেন কানা
রৗগিয়া কানাঞ আডি !!
চাড়াব চাড়াব মচা ধাড়াপ
থিরুঃ মেসে কালা
সারি উতৗরেম বগজ এমান
মিৎটাং সুমুং চালা !!
মিৎ কাথাঞ মেতাম কানা
উনৗং আলম আঁডরাঃ
হৗলি রেগেম পুটুরঃ আ
ইঞ লেকাম চাডরাঃ

 =O=O=O=O=O=

৯।।

 হাতমাঃ চাতম 

বিভূতি ভূষণ সরেন

 

ডুংরীডি রেন মারাং হাতম 
মেনাঃ তায়া অড়েচ্ চাতম, 
দাঃ-জৗপুৎ সিতুং-লল 
অড়েচ্ চাতম তেগেয় উমুলঃ। 

 

দাঃ-জৗপুৎ ঝার ঝার 
সারদি সিতুং পাট পাট, 
আষাঢ়-আঁঘাড় নিরণ ধরন 
চাতম বাং খানে বুঝৗও মরণ ।

 

যাহাঁ সেন চালাঃ রেয় 
একাল চাতম সঁগে গেয়, 
অনা গেতায় জিউয়ী গাতে 
বাং এ চালাঃ হিড়িঞ কাতেঃ।

 =O=O=O=O=O=O=

১০।। 

জেলেঞ পিঠৗ

কুশদেব বাস্কে

কিচির মিচির 
উৎপাত ,
অঁদড় ভঁদড়
লুটপাঠ ।

 

দেয়া সামাং রেয়
তিঁগু আকান লিটৗ ,
ঞেল ছট তরায়
এমোঃ  আয়
জেলেঞ  পিঠৗ।

=O=O=O=O=O=

 ১১।।

 ঝঁড়ে রঁড়ে  ( পুন হৗটিঞ )

সুচাঁদ হাঁসদা

 

মিৎ দিন কিন চালাও লেনা ,
কুমড়ু সুর আতুরে ৷
ঞাঁম সুককিন বুলুং আদা ,
উনকুওয়াঃ সারেচ উতুরে ৷

 

ঞেঁল এৎ কিন বারান্দা রে ,
বৗইসৗও মেনাঃ আ ঢিংকি ৷
কুসি আর রৗসকৗতে ,
লাঁদা কেদাকিন খি-- খি ৷

 

অথা হুলি বানা হড়তে ,
ধুরৗও এনাকিন হুড়ুং ৷
ঢিংকি রেনাঃ কাংখা কাঁডি ,
সানাম কিন লেবেৎ ফুড়ুং ৷

 

ঝঁড়ে দয়ে লেবেৎ এদা ,
রঁড়ে খানদয় তেলি ৷
বতর আকানাক অড়াঃ হড় ,
উনকিন দ ভালা চিলি ৷

 =O=O=O=O=O=

১২।। 

হপন বৗবু আর হপন মৗই

বাবলু সরেন

 হপন মৗইদ দিনৗম হিলোঃ সেতাঃ বেড়া গুরিচ দাঃতে চেৎলেকা কাতেঃক মুঁডুলিয়ৗ আচ্‌ আয়ো ঞেল কাতেঃএ চেৎ আকাদা অনাতে অনকাগেয় মুঁডুলিয়ৗ। হপন বাবুয় মেনকেদা - থৗরিলেকা গোল  সাঁহিচদ বাং হুয় আকানা । হপন মৗইদ দিনৗম হিলোঃ  দাকা জম তায়ম সৗকড়ি থৗরি বৗটি চেৎলেকা কাতেঃ গিতিলা আচ্‌ আয়ো ঞেল কাতেঃএ চেৎ আকাদা অনাতে বয়হা মিশরা মিৎতে টিভিকিন ঞেলেৎ তাঁহে। হপন বাবুয় মেনকেদা - থৗরি বৗটি গিতিলমে দো। হপন মৗইদ দিনৗম হিলোঃ আয়ুববেড়া তুরসি থানরে চেৎলেকা কাতেঃ দিহে বৗতি জেরেৎতেক গড জঁহারা আচ্‌ আয়ো ঞেল কাতেঃএ চেৎ আকাদা,অনাতে অনকাগেয় গড জঁহারা। হপন বাবু উনগে গাতেক্ সালাঃ খেলডতে লাঙ্গাকাতেঃ  রুয়ৗড় হেচ্‌ এনা আর এ মেমেন লাগিদঃ কান তাঁহেকানা- অনা মাড়াং গে হপন বিটিয় মেন কেদা- বাডায়াঞ চেৎ এম মেমেন লৗগিদঃ কানা- অনা মেন কাতেগে বানা হড় মিৎ সাঁওতে কিন লাঁদা কেদা…..।  

=O=O=O=মুচৗৎ=O=O=O=