ᱥᱚᱱᱛᱚᱨ ᱵᱟᱝᱛᱮ

 ᱥᱚᱱᱛᱚᱨ ᱵᱟᱝᱛᱮ

ᱜᱚᱯᱮᱥᱣᱨ  ᱢᱟᱱᱰᱤ

ᱵᱷᱟᱨᱚᱛ ᱫᱤᱥᱳᱢ ᱞᱚᱠ ᱰᱟ.ᱭᱩᱱ ᱵᱟᱨ ᱯᱮ ᱫᱤᱱ ᱞᱟᱦᱟ,ᱵᱮᱱᱤᱭᱟᱹᱠᱟᱹᱱᱟᱹᱞᱤ ᱟᱛᱳ ᱨᱮᱱ ᱥᱟ.ᱜᱩᱱ ᱦᱟᱸᱥᱫᱟᱜ,ᱨᱮᱸᱜᱮᱡ ᱡᱟᱞᱟ ᱛᱟ.ᱢᱤᱞ ᱱᱟ.ᱲᱩ ᱠᱟ.ᱢᱤ ᱮ ᱪᱟᱞᱟᱣ ᱮᱱᱟ ᱾ ᱪᱟᱞᱟᱣ ᱢᱟᱭ ᱪᱟᱞᱟᱣ ᱮᱱ,ᱞᱚᱠ ᱰᱟ.ᱭᱩᱱ ᱦᱚᱸ ᱮᱦᱚᱵ ᱮᱱᱟ ᱾ ᱵᱟᱨ ᱪᱟᱸᱫᱚ ᱛᱟᱭᱚᱢ,ᱞᱚᱠ ᱰᱟ.ᱭᱩᱱ ᱫᱚ ᱪᱟᱵᱟᱭ ᱮᱱᱟ,ᱮᱦᱚᱵ ᱮᱱᱟ ᱠᱟ.ᱢᱤ ᱾ ᱥᱟᱨ.ᱫᱤ ᱠᱟ.ᱢᱤ ᱵᱟᱲᱟᱭ ᱛᱮᱜᱮ ᱠᱷᱚᱵᱚᱨ ᱦᱮᱡ ᱟᱫᱮᱭᱟ,ᱟᱡ ᱨᱮᱱ ᱥᱟᱫᱮᱨ ᱠᱩᱲᱤ ᱜᱤᱫᱽᱨᱟ. ᱟᱦᱞᱟ ᱦᱟᱸᱥᱫᱟᱜ ᱮ ᱨᱩᱣᱟ.ᱜ ᱠᱟᱱᱟ ᱾ ᱨᱟᱱ ᱢᱩᱨᱜᱟ.ᱱ ᱠᱟᱛᱮ ᱦᱚᱸ ᱵᱟᱝ ᱮ ᱪᱮᱴᱷᱟᱜ ᱠᱟᱱᱟ ᱾ ᱥᱟ.ᱜᱩᱱ ᱦᱟᱸᱥᱫᱟᱜ ᱪᱤᱱᱛᱟ. ᱨᱮᱭ ᱯᱟᱲᱟᱣ ᱮᱱᱟ ᱾ ᱚᱲᱟᱜ ᱦᱮᱡ ᱞᱟ.ᱜᱤᱫ ᱢᱚᱱ ᱫᱚ ᱪᱷᱚᱴ ᱯᱚᱴᱟᱜ ᱠᱟᱱ ᱛᱟᱭᱟ ᱾ ᱢᱮᱱᱠᱷᱟᱱ ᱪᱮᱠᱟᱭᱟᱭ ᱨᱮᱞ ᱜᱟ.ᱰᱤ ᱢᱟ ᱵᱟᱝ ᱪᱟᱞᱟᱜ ᱠᱟᱱ ᱾ ᱚᱱᱮ ᱚᱱᱠᱟᱱ ᱚᱠᱛᱮ ᱠᱟᱢᱤ ᱦᱚᱲ ᱟ.ᱜᱩ ᱠᱚ ᱞᱟ.ᱜᱤᱫ West Bengal ᱨᱮᱱᱟᱜ ᱵᱟᱸᱠᱩᱲᱟ,ᱯᱩᱨᱩᱞᱤᱭᱟ. ᱢᱤᱫ ᱵᱟᱨᱭᱟ ᱵᱟᱥ ᱠᱚ ᱠᱩᱞ ᱮᱫᱼᱟ ᱾ ᱩᱱᱤ ᱫᱚ ᱚᱱᱟ ᱥᱩᱡᱳᱜᱽ ᱨᱮ ᱵᱟᱥ ᱛᱮ ᱒᱐᱐᱐ ᱴᱟᱠᱟ ᱵᱷᱟᱲᱟ ᱮᱢ ᱠᱟᱛᱮ ᱚᱲᱟᱜ ᱮ ᱨᱩᱣᱟ.ᱲ ᱦᱮᱡ ᱮᱱᱟ ᱾ 

ᱥᱟ.ᱜᱩᱱ ᱦᱟᱸᱥᱫᱟᱜ ᱫᱚ ᱰᱟᱠᱛᱟᱨ ᱴᱷᱮᱱ ᱠᱚᱨᱳᱱᱟ ᱟᱡᱟᱨ ᱨᱮᱱᱟᱜ ᱵᱟᱝ ᱵᱤᱰᱟ.ᱣ ᱛᱮᱜᱮ ᱚᱲᱟᱜ ᱮ ᱵᱚᱞᱚ ᱮᱱᱟ ᱾ ᱡᱟᱜ ᱡᱚᱴᱮᱫ ᱮᱱᱟᱭ ᱡᱚᱛᱚ ᱦᱚᱲ ᱥᱟᱶ ᱾ ᱫᱚᱥᱟᱨ ᱦᱤᱞᱳᱜ ᱠᱚᱨᱳᱱᱟ ᱨᱮᱱᱟᱜ ᱮ ᱵᱤᱰᱟ.ᱣ ᱚᱪᱚ ᱮᱱᱟ ᱾ ᱟ.ᱭᱩᱵ ᱛᱮ ᱦᱟᱸᱥᱯᱟᱛᱟᱞ ᱠᱷᱚᱱ ᱠᱚ ᱯᱷᱳᱱ ᱠᱮᱫᱼᱟ,ᱥᱟ.ᱜᱩᱱ ᱦᱟᱸᱥᱫᱟᱜ ᱟᱜ ᱠᱚᱨᱳᱱᱟ ᱟᱡᱟᱨ ᱦᱩᱭ ᱟᱠᱟᱱ ᱛᱟᱭᱟ ᱾ ᱚᱠᱚᱭ ᱥᱟᱶ ᱦᱚᱸ ᱟᱞᱚᱭ ᱡᱟᱜ ᱡᱚᱴᱮᱫᱚᱜ ᱢᱟ ᱢᱮᱱ ᱛᱮ ᱠᱚ ᱢᱮᱛᱟᱣ ᱟᱫᱮᱭᱟ ᱾ ᱢᱮᱱ ᱠᱷᱟᱱ ᱦᱟᱭ ᱩᱱᱛᱮ ᱚᱲᱟᱜ ᱨᱮᱱ ᱡᱚᱛᱚ ᱦᱚᱲ ᱥᱟᱶ ᱞᱮᱠᱟ,ᱡᱟᱜ ᱡᱚᱴᱮᱫ ᱦᱩᱭ ᱯᱩᱨᱟ.ᱣ ᱟᱠᱟᱱ ᱛᱟᱭᱟ ᱾