World Mental Health Day দিসৗ কাতে
-ডাঃ সুরেন্দ্রনাথ মান্ডি
জেগেৎ মনে-সাঁওয়ার মাহা (WMHD) দ ১৯৯২ সাল খন জাও সেরমা গে ১০ অক্টোবর হিলঃ মানাও –পালাও হোয়োঃ কানা। জস্ দ- মনে রেনাঃ সাঁওয়ার-সিখনৗৎ হামেট আর চেতাওনা আগুয়। নোওয়া মাহা পালাও রেন আচু-চাচালাও রেদ মেনায়া World Federation of Mental Health.
মনে সাঁওয়ার রেনাঃ উল্টৗ দ কানা মনে রেয়াঃ আজার। মন অন্তর রেনাঃ আজার কদ সাধারন বন বাডায়া সিজোফ্রেনিয়া, অ্যালঝাইমার, হিষ্টেরিয়া, এপিলেপ্সি এমান এমান ঞুতুম। মনে আজার রেনাঃ লক্ষনকদ কানা- বতর, রৗগি, হড়ম-মনে রে লাঁগা আইকৗউ, হাহপাপঃ, হেমেড়মেয়ঃ, এগের তাপাম-খৗপৗরিঃ, সনদহ বৗতিক, ছুচিবৗই, হাহাড়াঃ হাহাড়াঃ আনৗইকৗউ- ঞেনেল-উইহৗর-ভাবনা (Hallucination/Illusion/Dellusion) এমান এমান বেওহার-আচরন রেনাঃ হেরফের খন এহব্ কাতে মিৎ ঘৗড়িচ্ লৗগিৎ দিসৗ-পয়সা আৎ গদঃ,কেট্কেটেঃ, উনুইহৗর-দিসৗ-বুরধি কমঃ, বেগর অজতে রাঃ লাঁদা হোয়োঃ, জৗপিৎ বাং হোয়ো, ইচ্-আডো বাং হোয়োঃ জম ঞুরে মনে বাং বৗইসাঃ, হড় সাঁও গাতেঃ / রড় বাং বুঝৗও, আপনার তে জিউয়ি নাসাও এমানা এমান।
মনে জিউয়ি নাপায় বাং তাঁহে লেনখান হড়ম হঁ নাপায় বাং তাঁহেনা। মনে আজার তে ধৗরতি জাকাত রে নিৎ ৫০০মিলিয়ন খনহঁ বৗড়তি মৗনমি মনে আজার তেকো লহজৗরি কানা, আবো দিসমরে খান ৮০ কোটি। আর মনে আজার রেন ডাকতর আবো দিসম রে তিনাঃ মেনাঃ কোওয়া ? বড জোর ৫-৬ হাজার। পুছিম বাংলা রে ৩০০ গান মুদ্রে ১০০গান সরকারি নুকরি রে বাহাল মেনাঃ কোওয়া। তাহলে নুনাঃ নুনাঃ মনে আজারান রুগি কো লৗগিৎ মনে-আজার রেন গৗখুড়ান মিৎ চুপুৎ ( সাঁওহেৎ রাসাতে উলেখ হোয়েনা ) ডাকতর কোওয়াতে দ চেৎ হোয়োঃআ ? অনাতে সাঁওয়ার সাঁও-কৗমিয়া, এটাঃ ডাকতর-নার্স কো আর কোওয়াহঁ মনে সাঁওয়ার/মনে আজার ইদিকাতে জা উডিচ্ রেহঁ চেতাওনা লেক্ কানা। মনে রেনাঃ আজার ইদিকাতে আয়মা আয়মা আঁধাপৗতয়ৗউ,বাং ঠিক উইহৗর ভাবনা,বতর, এমন চেৎ ইয়ার্কি-ঠাট্টায়াবোন। মনে আজার কদ আর আর হড়ম-আজার লেকাগে। নোওয়া করেয়াঃ নাপায় তিকিছা মেনাঃ আ। মনে রেনাঃ আজার সে মানসিক রোগ হোয় লেনখান গে গাখুড়ৗন মনে আজার রেন ডাকতর ঠেন ঞেল অচঃ লেক্কানা। অনাবেগর মনে-সাঁওয়ার নাপায় দহ লৗগিৎতে কিছু নিয়ৗম-কানুন মেনাঃআ, অনাকহঁ বাডায় লেক্কানা।
মনে-আজার ইদিকাতে চেতাওনা মেনতেদ নোওয়া গে বুঝাঃ আ জে- আর আর হড়ম আজার লেকাগে মনে-আজার হঁ স্বাভাবিক হিঁয়ৗখালাস মনেতে মানাও-বাতাও হোয়োঃ আ, অবশ্যই আঁধাপৗতয়ৗউ বেগরতে। জাঁহান ডৗন-ভূত-চুড়িন-বঁগাভর্-হয়-হিঁসিৎ বৗড়িচ্ এমান এমান ভৌতিক বেপার বাং মনে কাতে মনে আজারান রুগি কদ ডাকতর কঠেন লগন ইদিরেনাঃ বেবস্থা হাতাও গে মনে-আজার ইদিকাতে চেতাওনা দ। চেতাওনা বাং তাঁহেরেয়াঃ অর্জ দ চেৎ হোয় দাড়েয়াআ ? সুনুম সাকাম আতে অঝা/সখা অড়াঃ মহডা আর অনকান রুগি পলম তে ডাকতর ঠেন ইদি। নোওয়া তে আয়মা আয়মা এঁটকেটঁড়ে হোয় দাড়েয়াঃআ। আয়মাঠেন মনে-আজার দ ওকো রেনাঃ কুরুমুটু হোয়োঃ আ, আর বাংখান অনহেলা আ। নাওয়া বৗহুড়িয়ৗ আর বাংখান গিদৗর-পিদৗর বাং আন ক চেতান আয়মা লেকান নাহাচার, এমন চেৎ অড়াঃ খন লাগা তোৎ হোয়োঃ আ। আয়মা ঠেন গে মনে-আজার আন কদ ‘পাগলা’ মনে কাতে শিকড়িতে তল দহ আর বাংখান দাল-তল-অনহেড়া হোয়োঃআ । অনা খৗতির তেগে মনে-আজার ইদিকাতে সিখ্নৗত্ হামেট চেতাওনা লৗক্তি কানা। অনা লৗগিৎ তে গাপাল মারাও আখড়া সৗহি-জুহিয়, পুঁথি-পাথাম রে মনে-আজার ইদিকাতে অল-বেল এমান এমান নিতোঃ একাল তে লৗক্তিঃ কানা।
.webp)
.webp)
