সৗরি সে নাসে অঝা

 (হুডিঞ মাছা কৗহনি)

সৗরি সে নাসে অঝা

নিকোলাস মারানডি

       মনটু তাকো ঠেন তেহেঞ সৗরি সে নাসে মিৎ ঞুতুমান অঝায় হেচ আকানা, পোন চাকা গৗডিতে। আর অনাহঁ এ.সি. লাগাও মেনাঃআ। কাথায় অৗডি লৗটু আর ভি .আই. পি.অঝা কানায়। উনিয়াঃ নামডাক দ গোটায় গে পাসনাও আকানা।           

 মনটু তাকোহঁ আয়মা হড় অঝাকো ঞেল কেৎ কোওয়া মেনখান চেৎ তেহঁ আকো অড়াঃ রেয়াঃ বৗড়িচ্ আর রুওয়ৗ হাসোখন বাকো বোগে দাড়েয়াঃ কানা। আর অঝা কৗমি কৗমিতে কো লাঁগা চাবাও আকানা। আর ইনৗকো তাঁক রেগে অকয় বাংএ লৗই আৎ কো উনি ওঝাওয়াঃ কাথা, অনে আদ ফোন কাতেকো আগু আকাদেয়া। উনি ওঝা দ কাথায় উনৗঃ ভাগেয় কৗমি কানা আর অনা ঞেল তেগে উনি দ আয়মা,হড়গে গৗডি ঘড়াকো দান আকাও দেয়া। আর নতে টাকা পয়সা মা মেনাঃগে।             

সাড়া সৗতিঞ ঞিঁদৗ, আতো হড় কো জৗপিৎ আকাদা। তালা রাচারে পৗচরি কাপাট কো সিঞ পটম কাতে কৗমি কো এহপ্ কেদা। বার ঘনটা ভিতরিরে কৗমি সৗত হোয়োঃআ, এনতে ওঝা আরহঁয় রুওয়ৗড় চালাঃআ ঞিদাগে। মন্টু তাকো অড়াঃ ঞুৎরে আরহঁ ঞুতাৎ ইদিয়েনা। আদ অনাকো কৗমি সৗত বাড়া হুয় কাতেগে ওঝা  দয় চালাও এনা, অনা ঞুহুম ঞিদৗগে সুগুম সুগুম।         

পে-পোন মাহা তায়ম ইনা হিলোঃ রেনাঃ কাথা গটা ডাম ডাহেয়েনা। মনটু তাকো চেৎ খৗতির তে উনি অঝা কো অৗগু লেদেয়া অনা দ বাং বাডায় লেন রেহঁ , নোওয়া দ বাডায়েনা কাথায়, মনটু তাকো ঠেনখন মঁড়ে গেল হাজার টাকা উনি অঝা দয় ইদিকেদা।