সিঁগি মাহা রেনাঃ সাকাম ‘চেরেচ্‌ আড়াং’ লেখা-০৭ (সাকাম-১)

 

সাকাম-১

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান-  সুজয় কুমার টুডু, রিলৗমালা মুরমু, ময়ূরাক্ষী মুরুমু, মানস হাঁসদা,সারি ধরম হাঁসদা, শ্রী কা ন্ত স রে ন, দুগাই টুডু, -বাড়তাঙ সরেন, সনাতন টুডু, ‍সত্যেশ্বর মুরমু 

সুজয় কুমার টুডু, ক্লাস- I
জেলা - পশ্চিম মেদিনীপুর

রিলৗমালা মুরুমু, ক্লাস- III
জেলা - পুরুলিয়া

ময়ূরাক্ষী মুরুমু, ক্লাস-IV
 জেলা- ঝাড়গ্ৰাম

মানস হাঁসদা, ক্লাস-IV

জেলা - বাঁকুড়া

১।।

 পৗড়হৗ ভুচুং

  সারি ধরম হাঁসদা

    কালহা কুচুং        অৗলসৗ ভুচুং
           পানতে গিতিচ কাটা।
   হড়ম মাতায়          অঁজরা গেতায়
             বহঃ পেরেজ জাটা।

     দুড়ুব কঃ আয়          পৗড়হৗ গঁসায়
               উসুল পিঁডৗয় চেডেয়।
      ঝারনা ডৗডি           লেওডা গিডি
               ফারচা দাঃ এ বডেয়।

       হাঁডেন কাথা           নাডেয় জুতা
                পসরা পৗসির অকতা।
      অনাতে এনহঁ          চেৎ কৗমিহঁ
                বাংগে তিঁগুন পকতা।

         অৗওহৗ গেতায়          কৗমি কতায়
                     হড়মা বাক কুসিঃ।
         তিসরে বাচয়           বৗডিজ রেঁহয়
                   আজগে হানেয় দুসিঃ।

       আতো ডিরে             ঞুম ভেগারে
                  হড় ক মেতায় ভুচুং।
        আরহঁ সাসেৎ         সামাং আয় ক
                    তি মকাতে উচুং।

   =O=O=O=O=O=

 

২।।

 ভূত কুমৗং

         শ্রী কা ন্ত স রে ন

আলে আতোরে মেনাঃ আকাদে

          মিৎটাং ভূত কুমৗং

দাকা ছাডা উতু বায় জম

        লাজদ একাল টুমৗং।।

অকারেচয় জানামলেনা

        বাং ক বাড়ায় আতো হড়

দাঁড়া দাঁড়াতেয় সেটের আকানা

        আলে আতো রামগড়।।

টুসি হাতমাঃ টাটি ঞেলতে

        ঞামকেদায় মিৎটাং খুঁত

ধুরৗউ এনায় টৗটি সারাই

        লৗই আয় ' ইঞদ ভূত '।।

ভূতে লৗই আ- আতো করে

      মেনাঃ যুদি টৗটি

আগুআঞপে সারাই কাঃ আঞ

       কুড়ৗই লাগাঃ খৗটি।।

  =O=O=O=O=O=

 ৩।। 

বিটি

দুগাই টুডু

চেদাঃ বিটিয় রাঃরাঃ কানা ?

উসৗৎ বাড়া লেকা,

দেলা বিটি আজো আমা

দে- তোওয়া দাকা।

গগ বাবাক রুহেৎ গেয়া

কৗমি করে অকা,

অনা লৗগিৎ  বাংএ জমা

মেনায় উনি বোকা।

এঁগাঞ অৗপুঞ কানা ভালা

আমাঃ ভাগে পৗরি,

নিয়ৗ কাথা গেচো হেনাঃ

যুগে যুগে সৗরি।

  =O=O=O=O=O=

  ৪।।

আয়োদুলৗড়

  -বাড়তাঙ সরেন

 ধৗরতীরে সানাম খন
                      ইঞ আয়োগে মজ্ ,
সেতাঃ তিকিন সারা ঘৗড়িচ
                   হাতাও তিঞৗয় খজ্ ।

তোওয়াদাকা জিলহাকো
                       যাঁহাঞ আবাড়া,
মেন তোরাগেয় ইমৗঞা
                         খালাঃ পাতাড়া ।

বাবা দঞ বতরায়া
                     একাল জবরগে,
আয়ো দয় দুলৗড়িঞৗ
                    অৗডি  সরেশগে।

রেঙ্গেচ তেতাং দুক হারকেৎ
                 যাঁহা তাঁহেন ভালা
ইগৗঞ দুলৗড় আঞ্চার দ
                     য-ত-য়  তপলা।

   =O=O=O=O=O=

৫।।

 সেতাঃ কৗমি

    সনাতন টুডু

আয়োয় মেমেন- হপন বৗবু

বেরেদ্‌ মেসে লগন।

হৗনি তরা সিঁঞ চাঁদো

অৗডি অনল গলন।।

বাকো জৗপিৎ বেড়া ধৗবিচ্‌

হড়মো মনেয় হামাল।

সেতাঃ রেনাঃ সেতাঃ কৗমি

তিজাঁগা হঁয় রাওয়াল।।

ভোর বেড়ারে কাতেদ্‌

কৗমি যুদিম চাবায়।

মলং লিখন হাপেন দিনরে

নাগাম তেয়ার তামায়।।

 =O=O=O=O=O=

৬।।

 গিদরৗ বৗউলি

   ‍সত্যেশ্বর মুরমু

রৗইমুনি, হিরৗমুনি

পানমুনি গাতে তিঞ,

সুরুজমুনি পকঃরটে

মচায় গতে তিঞ।

 =O=O=O=O=O=