ধর্মেন্দ্র টুডু, মানবাজার- ভারত জাকাত মাঝি পারগানা মহলরেন পনৎ জগ গডেৎ কমল হাঁসদা আর বৗনু গেয়া মেন্তে বাডায় আকানা। বাডায় আকানা হলা ঞিদৗ বেড়া ৯ অক্টোবর নোওয়া ধুড়ি ধৗরতি জায় যুগ লৗগিৎ এ বৗগিয়াদা মেন্তে বাডায় আকানা। উনিয়াঃ উমের দ আয় উমৗন ৬০ বছর লেকা হুয় লেন তায়া।
কমল হাঁসদা গোম্কেয়াঃ অড়াঃ দ তাঁহেকানা পুরুলিয়া জেলা মানবাজার থানা রেনাঃ কাশয়ৗতোড় আতোরে। বাডায় আকানা অড়াঃরে আচ্ অড়াঃ এরা সাঁওতে বারয়া কড়া আর বারয়া কুড়ি গিদৗর বৗগি হট আৎ কোওয়ায়। বাডায় আকানা উনিদ ভারত জাকাত মাঝি পারগানা মহলরেন পনৎ জগ গডেৎ এ তাঁহেকানা। অনাবেগর উনিয়াঃ দ সাঁওতা চেতান আডি দায়া দুলৗড় হঁ তাঁহে কান তায়া। অনলেকাতে উনিয়াঃ সাঁওতা সুসৗরিয়ৗ লেকাতেহঁ ওপরোম তাঁহেকান তায়া মেন্তেহঁ বাডায় আকানা।
বাডায় আকানা হলা দিন বেড়া উনিয়াঃ গচ্ হড়ম সানাম কো মুচৗৎ ঞেল লৗগিৎ গটা মানবাজার অৗচুর হোয় আকানা। কমল হাঁসদা বঁগা তালায়েন খৗতির পারগানা মহল মিৎ গৗখুড়ান আঁদোড়িয়ৗকো আদ্ কেদেয়া আর অনাতে মহল পাহ্টা খন গৗহির দুক্ ক সদর আকাদা মেন্তে বাডায় আকানা।
.webp)
.webp)
