আবোওয়াঃ ওয়েব পেজ- পুরুলিয়া জেলা সান্তাড়ি এলাকারে রেনাঃ ইস্কুল করে ল্যাঙ্গুয়েজ লেকাতে সান্তাড়ি সাতাম চৗলুয় রেনাঃ আরদাশ সাকাম (Memo No- 826), ৮ অক্টোবর হিলঃ ডি.আই.সাহেব সানাম জুনিয়র হাই, হাই আর হায়ার সেকেন্ডারী ইস্কুল করে ভেজা কেদায় মেন্তে বাডায় আকানা। বাডায় আকানা যাঁহা এলাকা করে সান্তাড় ঢের মেনাঃ আকাৎ কোওয়া অনা এলাকারেনাঃ ইস্কুল করেন মুড়ুৎ মাচেৎ ঠেন খন আকোওয়া ইস্কুলরে সান্তাড়ি সাতাম চালুয় রেনাঃ প্রস্তাব সদর লৗগিৎ মানতান ডি.আই. সাহেব আরদাশ সাকাম এ এমাৎ কোওয়া।
নংকান ডগর দ সান্তাড় ঠেন আডি রৗস্কৗ আর গরব রেনাঃ কাথা কান গেয়া মেন্তে আয়মা সান্তাড়ি পৗরশি দুলৗড়িয়ৗকো লৗই সদর আকাদা। তবে পৗরশি দুলৗড়িয়ৗকো নোওয়া হঁক সদর আকাদা বাংমা নিৎ রেগে রৗস্কৗতে উনাঃ দন কুচুড় লেখান বাং গানঃআ। আইন যেলেকা মেনাঃ আ আইন রেনাঃ অজুহাত হঁ অনকা গে মেনাঃ আ মেন্তেহঁ সতর রেয়াঃ কাথাকো রড় আকাদা। অজে লেকাতে বাডায় ঞাম আকানা বাংমা ২০০৪ সালরে মাধ্যমিক আর ২০০৬ সালরে, উচ্চমাধ্যমিকরে ল্যাঙ্গুয়েজ লেকাতে সান্তাড়ি সাতাম চৗলু আকান রেহঁ নিৎ ধৗবিচ্তে অনকা মাছা পুঁথি বাং, অনকা মাছা মাচেৎ হঁ বাংকো বাহাল আকানা।
বাডায় আকানা বাঘমুন্ডি রেনাঃ ধসকা পন্ডিত রঘুনাথ মুরমু হাই ইস্কুল আর বান্দোয়ান গার্লস ইস্কুল বেগর জেলা রেনাঃ সানাম এইচ্. এস. ইস্কুল করে সান্তাড়ি হৗটিঞ রেগে নন-টক লেকাতেগে চালাঃ কানা।
অনালেকাতে নিৎ নোওয়া কোভিড-১৯ রে ইস্কুল করেন মুড়ুৎ মাচেৎ কো অকা লেকা রিপোর্ট ক ভেজায়েদা অনাগে ঞেল রেনাঃ আঁগিভার সানাম কোওয়াগে মেনাঃ আ মেন্তে সাঁওহেদ্ দরদিয়ৗ কো লৗই অচয়েদা। মাড়াংতে ঞেল আকানা আয়মা ইস্কুলগে হিনৗ-নিয়ৗ ঢেসনা কাতে অনাবেগর ডি.আই. সাহেবাঃ অর্ডার বাং ঞাম নাংসা কাতে নুন দিন কো পারম আগু আকাদা। মেনখান নিৎদ ডি.আই. সাহেবাঃ অর্ডার লেকাতে হেঁ সে বাং যাঁহানাঃ গে রিপোর্ট এম তেগে হোয় আকোওয়া মেন্তে বাডায় আকানা। আর অনারে মুড়ুৎ মাচেৎ কো চেৎ কো ভেজায়েদা অনা ঞেল আর তুনখি তলাশ রেনাঃ আঁগিভারদ নিজর নিজর এলাকারেন ক্লাব,গাঁওতা সাঁওতে পারগানা মহল,যুওয়ৗন মহল, সান্তাড়ি পৗঠুওয়ৗ গাঁওতা লেকান সংগঠন ক লাহা হিজুঃ রেনাঃ লৗগ্তি মেনাঃ আ মেন্তে সাঁওহেদ্ আর পৗরশি দরদিয়ৗকো লৗই এদা আর বাংখান নংকান আইন হঁ রহড় গাডা দাঃতে বাং বুহেল চালাঃ আ অনা রেনাঃ চেৎ মানে মেনাঃ আ ?
.webp)
.webp)
