আবোওয়াঃ ওয়েব পেজ - ঝাড়গ্রাম বিশ্ববিদ্যালয় রেনাঃ ঞুতুম দহড়াতে সাধু রামচাঁদ মুরমু বিশ্ববিদ্যালয় ঞুতুম তে ছৗটিয়ৗর এনা মেন্তে বাডায় আকানা। হলা ৭ অক্টোবর পছিম বাংলা সরকারাঃ ঝাড়গ্রাম জেলারেনাঃ মিৎ প্রশাসনিয়ৗ দুপ্ড়ুপ সভারে মুখিয়ামন্ত্রী মানতানিয়ৗ মমতা বন্দোপাধ্যায় নওয়া জেলারে মেনাঃ ঝাড়গ্রাম বিশ্ববিদ্যালয় রেনাঃ ঞুতুম দহড়াতে সাধু রামচাঁদ মুরমু বিশ্ববিদ্যালয় ঞুতুম এ ছৗটিয়ৗর কেদা মেন্তে বাডায় আকানা।
আরহঁ বাডায় আকানা বাংমা অনা সভারেগে ঝাড়গ্রাম জেলা লৗগিৎ মিৎ গৗদৗল প্রকল্পহঁয় উঢৗও কেদা মেন্তে বাডায় আকানা। অনাকো মুদ্রে বাডায় আকানা ঝাড়গ্রাম মেডিকেল কলেজ আর হাসপাতাল বেনাও রেনাঃ কৗমি হরা,জঙ্গলমহল রে বাংমা হাতি হতেচ্তে গচ্ অচ আকান পুরিবার কো ২,৫০০০০ লাখ কাতে টাকা ঞাম আর ‘বন দপ্তর’ রে বাহালঃ রেনাঃ চৗকরি সাকাম এ চাল লাৎ কোওয়া। অনা বেগর জঙ্গলমহল রে মাওবাদী তাঁড়গম তে ১০ সেরমা আৎ আকান নংকান পুরিবার কঁহ ৪০০০০০ লাখ কাতে টাকা ঞাম আর স্পেশাল হোম গার্ডরে বাহালঃ রেনাঃ চৗকরি সাকাম এ চাল লাৎ কোওয়া। আরহঁ বাডায় আকানা বাংমা জঙ্গলমহল রেন ৪৫০০ হাজার গটাং জুনিয়র কনস্টেবল কোওয়াঃ প্রমোশন এম হুয়েনা কনস্টেবল লেকাতে। বাডায় আকানা অনা সভারেগে সান্তাড় একাডেমী লৗগিৎতে মিৎ কোটি টাকা মঞ্জুর আকানা। আর অনাদ সেটের তাঁহেলেন নয়াগ্রাম রেন এম.এল.এ. মানতান দুলাল মুরমু গম্কে মুখিয়ৗমন্ত্রী মানতানিয়ৗ মমতা বন্দোপাধ্যায় আঃ তি-খনে আতাং কেদা।
অনকা লেকাগে জঙ্গলমহল রেনাঃ কনক দূরগা মন্দির লৗগিৎতে মিৎ কোটি টাকা, লোধা শবর গুপ্তমণি মন্দির রেনাঃ গেস্ট হাউস বেনাও রাকাপ্ লৗগিৎ মিৎ কোটি টাকা, নয়াগাম রামেশ্বর মন্দির সারাও লৗগিৎ আর জিরৗও অড়াঃ বেনাও লৗগিৎ ৭৫ লাখ টাকা মাড়াং দিন হিলঃ এম হোয় আকানা মেন্তেহঁ মুখিয়ৗমন্ত্রী লৗই সদর আকদায়।
আয়মা গাঁওতা, আয়মা সাঁওহেদ্ দরদিয়ৗ কোওয়াঃ দাবী লেকাতে ঝাড়গ্রাম জেলারে মাহাকবি সাধু রামচাঁদ মুরমু ঞুতুমতে বিশ্ববিদ্যালয় রেনাঃ ঞুতুম হুয় এন খৗতির তামাম সান্তাড় হড়-হপন রৗস্কৗ আর গরব ক আটকার আকাদা মেন্তেহঁ বাডায় আকানা।
সাধু রামচাঁদ মুরমুদ সান্তাড় সমাজ রেন আডি মারাং অনলিয়ৗ,অনড়হিঁয়ৗ আর সেরেঞ বাডোহী হঁয় তাঁহে লেনতে বামফ্রন্ট সরকার আমল রেহঁ উনি ঞুতুম তে উনিয়াঃ শায় সেরমা জানাম মাহা মানাও লেন তাঁহে। উনরে উনি ঞুতুম তে ‘সাধু রামচাঁদ অনল মালা’ মেন্তে মিৎ পুঁথি হঁ ছাপাও সদর লেন তাঁহে কানা মেন্তে বাডায় আকানা। বাডায় আকানা অনা তায়ম খনগে সরকারি ভাবতে উনি ঞুতুম তে মিৎ সাঁওহেদ্ শিরপাহঁ চৗলু আকানা। যাঁহাদ নিৎহঁ চালাঃ কান গেয়া। নুন মারাং মাহাকবি হুয় কাতেহঁ তেহেঞ পছিম বাংলারে নুন দিন তায়ম আয়াঃ জেলারে আয়াঃ ঞুতুমতে ‘সাধু রামচাঁদ মুরমু বিশ্ববিদ্যালয়’ ঞুতুম ছৗটিয়ৗর এন খৗতির কবি সাধু রামচাঁদ মুরমু যথাৎ মৗন এম হোয় এনা মেন্তেহঁ আয়মা সাঁওহেদিয়ৗ আকোওয়া মত ক সদর আকাদা মেন্তে বাডায় আকানা।
.webp)
.webp)
