আবোওয়াঃ ওয়েব পেজ – মুচৗৎ ধৗবিচ্তে ভারত জাকাত পারগানা মহলাঃ মিৎ লেতাড় লাড়াওনা তেগে রেল দপ্তর বাধ্যয়েনায় টেশন করেনাঃ ঞুতুম অলচিকিতে মারাং মারাং অল লৗগিৎ। অনালেকাতে শালবনী টেশন রেনাঃ ঞুতুম অলচিকিতে বাংলা,হিন্দী আর ইংরেজী লেকা মারাং মারাং অল এনা মেন্তে বাডায় আকানা।
পারমেন ২২ডিসেম্বর ২০১৯ সান্তাড়ি পৗরসি অলচিকিতে দৗখিন-পুরুব রেল টেশন করেনাঃ ঞুতুম অল হোয়োঃমা আর অনা কো টেশন করে সান্তাড়ি পৗরসি তে ট্রেন হিজুঃ সেনঃ রেনাঃ বাঁখেড় হোয়োঃ মা নোওয়া ইদিকাতে ভারত জাকাত মাঝি পারগানা মহল পুরুলিয়া আদ্রা ডি.আর.এম. ঠেন দাবীয় সামাং লেদা। অনা দাবী মানাও কাতেগে টেশন করেনাঃ ঞুতুম অলহঁ অল এহব এনা মেনখান অলচিকিতে অল কদ হুডিঞ হুডিঞ ঞেলতে সোশ্যাল মিডিয়ারে রড় দারাম রেনা ভান্ড রাকাব্ এনা। উনরে মহল আরহঁ আদ্রা ডি.আর.এম. ঠেন চালাও কাতে নোওয়া অভিযোগ এ রাকাব্ কেদ্ খান ডি.আর.এম. অনা অভিযোগ মানাও কাতে কাথায় এম লেদা আরহঁ অনাকো নাওয়া গারতে অলঃগঃআ। মেনখান অনাহঁ বাডায় এনা বাংমা মাড়াং অল খনদ মারাং আকান রেহঁ বাংলা,হিন্দী আর ইংরেজী ক লেকা মারাং আর সমান বাং অল আকানা মেন্তে আরহঁ অভিযোগ রাকাব্ এনা। এমন চেৎ নংকা অল কাতে সান্তাড় জৗতি রেনাঃ অপমান হোয়োঃ কানা মেন্তেহঁ আয়মা পৗরসি দরদিয়ৗ কো রড় দারাম কেদা।
অনালেকাতে বাডায় আকানা ২৮ সেপ্টেম্বর মেদিনীপুর সদর তল্লাট আর শালবনী ভঞ্জ মুলুক রেন পারগানা বাবাকো মুচৗৎ বার লেকা অল-বেল তালাতে দাবী, রেল দপ্তর ক বাডায় অচ কেদেয়া। আর ফারচা ফারচি ক লৗই হট কাদা বাংমা বাংলা,হিন্দী আর ইংরেজী লেকা অলচিকিতে মারাং আর সমান বাং অল হুয় লেনখান সানাম টেশন রেন টেশন মাস্টার ক ঘেরাও হোয়োঃ আ।
মেনখান মহলাঃ নোওয়া লাড়াওনা তেগে শালবনী টেশন রে বাংলা,হিন্দী আর ইংরেজী লেকা অলচিকিতে মারাং আর সমান অল এনা। বাডায় আকানা বাংমা হলা ৬ অক্টোবর মেদিনীপুর সদর তল্লাট পারগানা বাবা স্বপন মান্ডি সামাংরে তাঁহে কাতে শালবনী টেশন রে্নাঃ ঞুতুম অলচিকিতে অল হোয় এনা। অনা খৗতির বাংমা রেল দপ্তর সাঁওতে টেশন মাস্টার হঁ মহল পাহ্টা খন সারহাও চাল এম হোয় এনা মেন্তে বাডায় আকানা।
.webp)
.webp)
