আবোওয়াঃ ওয়েব পেজ- পছিমবাংলা রেন ডেপুটি স্পিকার সুকুমার হাঁসদা তেহেঞ বঁগা তালায়েনায় মেন্তে ডগর ঞাম আকানা। বাডায় আকানা দাঃ দড়ম অক্তে উমের হোয় লেন তায়া ৬৬ সেরমা লেকা। অড়াঃরে অড়াঃ গংকে সাঁওতে মিৎ কড়া গিদৗর আর বারয়া কুড়ি গিদৗরএ বৗগি অট আৎ কোওয়া।
উনিদ মাড়াং কলকাতা
রেনাঃ সরকারি এস.এস.কে.এম হাসপাতালরে ভরতি হোয় লেনায়। অনা তায়ম ই.এম. বাইপাস রেনাঃ
বাহ্রেরে মিৎ বেসরকারি হাসপাতালরে ভর্তি তাঁহেকানায় আর অঁডে খন গে তেহেঞ সেতাঃ সেন
নোওয়া ধুড়ি-ধৗরতি খন বিদায়ে হাতাও কেদা।
সুকুমার হাঁসদা
দ ঝাড়গ্রাম বিধান সভারে তৃণমূল কংগ্রেস পাহ্টা খন বা-বার ধাও নির্বাচন রেনাঃ লৗড়হৗই
রে জিতকার লেন তাঁহে কানায়। ২০১১ সালরে ঝাড়গ্রাম আসন খন জিৎকৗর কাতে উনিদ পশ্চিমাঞ্চল
ভৗলৗই হৗটিঞ রেন মন্ত্রীয় তাঁহেকানা। অনা তায়ম ২০১৬ সাল রেনাঃ বাছ্নাও রে জিৎকৗর লেন
রেহঁ মন্ত্রী পদ বাং এম হোয় আকানা। উন অক্তেরেন ডেপুটি স্পিকার হায়দার আজিজ সাফভিয়
বঁগা তালায়েন তায়ম ২০১৮ সালরে উনি পনৎ বিধান সভারেন ডেপুটি স্পিকার এ হোয় লেনা।
বঁগা তালায়েন
সুকুমার হাঁসদা আঃ শোক আর শ্রদ্ধা লেকাতে তেহেঞ সারাবেড়া পনৎ রেনাঃ সানাম সরকারি দপতররে
পতাকা তারা মার্স্ট কাতে তাঁহে কানা মেন্তে বাডায় আকানা।
সুকুমার হাঁসদা
দ মিৎ গৗখুড়িয়ৗ রাজআরি নেতায় তাঁহে কানা। বাডায় আকানা সুকুমার হাঁসদা আচ্ বাবা সুবোধ
চন্দ্র হাসদাহঁ মিৎ অক্তে এম.পি. য় তাঁহেকানা মেন্তে বাডায় আকানা।
পছিম বাংলারেন
মুখিয়ৗ মন্ত্রী মমতা বন্দোপাধ্যায় সুকুমার হাঁসদা বঁগা তালায়েন খৗতির গৗহির দুক্ এ
সদর আকাদা।
.webp)
