আবোওয়াঃ ওয়েব পেজ- পুরুলিয়া জেলা রে সান্তাড়ি এলাকা করেনাঃ ইস্কুল করে ল্যাঙ্গুয়েজ লেকাতে সান্তাড়ি সাতাম চৗ লুয় লৗগিৎ ৮ অক্টোবর হিলো জেলা ডি.আই. সাহেব পাহটা খন সানাম জুনিয়র হাই ইস্কুল, হাই ইস্কুল আর হায়ার সেকেন্ডারী ইস্কুল করে মিৎ আরদাশ সাকাম ভেজা হুয় আকানা। নোওয়া আরদাশ সাকাম তালাতে বাডায় আকানা বাংমা ইস্কুল করেন মুড়ুৎ মাচেৎ কঠেন আয়াঃ ইস্কুল রে ল্যাঙ্গুয়েজ লেকাতে সান্তাড়ি সাতাম চৗলু রেনাঃ প্রস্তাব সদর লৗগিৎ আরজি খজ হুয় আকানা।
নোওয়া ডগর বাডায় কাতে পুরুলিয়া জেলা আড়ষা থানারে মেনাঃ কান্টাডি “সনত্ তারাস” ক্লাব রেন রৗসিয়ৗ কো আপনার এলাকারেনাঃ ইস্কুল করে সাঁঘার কো এহব আকাদা মেন্তে বাডায় আকানা। নোওয়াহঁ বাডায় আকানা বাংমা ইস্কুল চালাও কাতে ইস্কুল রেন মুড়ুৎ মাচেৎ সাঁও ঞাপাম কাতে ল্যাঙ্গুয়েজ লেকাতে সান্তাড়ি সাতাম চৗলুয় বাবদ্ তে তলাশ কো হাতাও এদা। আর মুড়ুৎ মাচেৎ ঠেন খন মতামত হঁক হাতাও তরায় এদা। সাঁওতে নোওয়াহঁ বাডায় আকানা বাংমা এলাকারেনাঃ ডিমান্ড লেকাতে অভিভাবক আঃ সই-সৗবুদ্ হঁ মুড়ুৎ মাচেৎ কো চাল হট আয় কানা।
নংকাগে হলা ২০ অক্টোবর ‘সনত্ তারাস’ রেন রৗসিয়ৗ কো মুদালী রাজা নুনারাম মেমোরিয়াল হাই ইস্কুল ক সাঁঘার কেদা মেন্তে বাডায় আকানা। ইস্কুল রেন মুড়ুৎ মাচেৎ সাঁও গাপাল মারাও কাতে উনি ক্লাব রেন রৗসিয়ৗ কো আশ্বাস এ এমাৎ কোওয়া বাংমা ইস্কুল কুমুট সাঁও গাপাল মারাও কাতেগে নোওয়া সাতাম চৗলু রেনাঃ লে রিকৗয়ৗ। অনালেকাতে নোওয়া সাঁঘার কাতে আডিগান কৗমি লাহায়েনা মেন্তে ক্লাব রেন রৗসিয়ৗ কো আবোরেন খবরিয়ৗ কো বাডায় অচ আকাদেয়া।
“সনত্ তারাস” পাহ্টা খন নোওয়া সাঁঘার রে মানতান বুদ্ধেশ্বর বাস্কে ( সেক্রেটারী), মহেশ মুরমু, অক্ষয় হেম্ব্রম, দূর্গাপ্রসাদ হেম্ব্রম, দুলাল সরেন, সমীর মান্ডি, সঞ্জিত মুরমু, শত্রুঘ্ন টুডু আর ধর্মেন্দ্র হেম্ব্রম এমান গম্কে কো সেটের তাঁহেলেনা মেনতে বাডায় আকানা।
.webp)
.webp)
