আবোওয়াঃ ওয়েব পেজ : কোলকাতা
ন্যাশনাল লাইব্রেরীরে সান্তাড় হৗটিঞহঁ ঝিচ্
এনা মেন্তে ডগর বাডায় ঞাম আকানা। বাডায় আকানা বাংমা আন্ডার সেক্রেটারি টু গভঃ অফ ইন্ডিয়াদ
ন্যাশনাল লাইব্রেরীরেন স্পেশাল ডিউটি অফিসার ন্যাশনাল লাইব্রেরীরে সান্তাড়ি হৗটিঞ ঝিচ্
লৗগিৎ মিৎ চিঠি সাকাম তালাতে বাডায় অচ আকাদেয়ায়। বাডায় আকানা পারমেন ১৪ আগস্ট ২০২০
হিৎ হিলোঃ অল ইন্ডিয়া সান্তালি রাইটার্স অ্যাসোসিয়েশন (পছিম বাংলা ব্রাঞ্চ) কোলকাতা
ন্যাশনাল লাইব্রেরীরে সান্তাড়ি হৗটিঞ ঝিচ্ লৗগিদ্ দ্য ডিরেক্টর জেনারেল, ন্যাশনাল
লাইব্রেরী- (কোলকাতা) ঠেন দাবী সাকাম এ সদর সামাং লেদা। অনা দাবীগে নিৎ পুরুন এনা মেন্তে
রাইটার্স অ্যাসোসিয়েশন রেন জেনারেল সেক্রেটারী মানতান দ্বিজপদ হাঁসদা গম্কে হলা ৩০
সেপ্টেম্বর আবোরেন খবরিয়ৗয় বাডায় অচ আকাদেয়া।
রাইটার্স অ্যাসোসিয়েশন পাহ্টা খন দাবী তাঁহেকানা বাংমা সান্তাড়ী
পৗরশি সংবিধান রেনাঃ আরে সুচিরে ২০০৩ সালরে সেলেদ্ আকানা। অনাবেগর নিৎ প্রাইমারী খন
এহব কাতে জেগেত বিরদৗগাড় ধৗবিচ্ সান্তাড়ি পৗরশিতে অলঃ পাড়হাও চালাঃ কানা।
পছিম বাংলা খন এহব কাতে ঝাড়খন্ড, উড়িষ্যা এমান পনৎ রেনাঃ- সিধু-কানু-বিরসা
ইউনিভার্সিটি (পুরুলিয়া), বাঁকুড়া ইউনিভার্সিটি,বর্ধমান ইউনিভার্সিটি, বিদ্যাসাগর ইউনিভার্সিটি
(মেদিনীপুর), বিশ্বভারতী ইউনিভার্সিটি, রাঁচী ইউনিভার্সিটি (ঝাড়খন্ড), তিলকা মাঝি ইউনিভার্সিটি
(ভাগলপুর), সাহেবগঞ্জ ইউনিভার্সিটি, সিধু-কানু মুরমু ইউনিভার্সিটি, কলহন ইউনিভার্সিটি,
নর্থ উড়িষ্যা ইউনিভার্সিটি করে পৗঠুওয়াকো P.G., M.Phil, Phd. সাঁওতে রিসার্চ এদা। নিত
SSC, PSC, UPSC লেকান বিনিড কঁহ সান্তাড়ি পৗরশিতে হোয়োঃ কানা। অনা বেগর নিৎ সান্তাড়ি
সাঁওহেদ্ রে ১৫০ গটাং খনহঁ বৗড়তি লিট্ল ম্যাগাজিন মেনাঃ আকাদা আর ৪৫০ গটাং খনহঁ বৗড়তি
পুঁথি সেরমারে উছৗনঃ কানা মেন্তে AISWA (W.B.) দাবীয় দহ লেদা। অনালেকাতে ন্যাশনাল
লাইব্রেরীরে সান্তাড় হৗটিঞ তাহেঁলেন খান আডি সান্তাড়ি পুঁথি-পতব জগাও জতন তাঁহেনা ইনৗখান
আলগাতেগে অঁডেখন পৗঠুওয়াকো, খঁদ্রঁদিয়াকো আর সাঁওহেদ্ দুলৗড়িয়াকো পুঁথি-পতবক পাড়হাও
দাড়েয়াঃআ মেন্তে অ্যাসোসিয়েশন এ মনেয়া।
ন্যাশনাল লাইব্রেরীরে সান্তাড়ি হৗটিঞ ঝিচ্ এনা অনা ইদিকাতে রাইটার্স অ্যাসোসিয়েশন রেন জেনারেল সেক্রেটারী, AISWA (W.B.) মানতান দ্বিজপদ হাঁসদা গম্কে লৗই সদর আকাদায় বাংমা- “আরে সূচীরে সেলেদ্ আকান সানাম পৗরশি রেনাঃ গে মিমিৎ টাং ডিভিশন সে হৗটিঞ ন্যাশনাল লাইব্রেরীরে মেনাঃ আকাদা। অনালেকাতে নিৎ ধৗবিচ্ সান্তাড়ি পৗরশি রেনাঃ হৗটিঞ দ বাং তাঁহে কানা- নোওয়া দ আডি দুখ রেনাঃ কাথা- মেনখান তেহেঞ AISWA (W.B.) আঃ দাবী লেকাতে নোওয়া সান্তাড়ি হৗটিঞ হঁ ঝিচ্ এনা অনাতে পোয়লো রে সান্তাড় লেকাতে আর অ্যাসোসিয়েশন রেন জেনারেল সেক্রেটারী লেকাতে আডি রৗস্কৗ আর গরব ইঞ আটকার এদা”
অনকাগে রাইটার্স অ্যাসোসিয়েশন রেন সভাপতি মানতান টি.সি. বাস্কে
ঠেন ন্যাশনাল লাইব্রেরীরে সান্তাড় হৗটিঞ হঁ
ঝিচ্ এনা নওয়া লৗইতে কুক্লি দহ লেনরে মানতান বাস্কে লৗই কেদা বাংমা নুন দিন
দ সান্তাড়ি পুঁথি কদ হানা নোওয়া পৗরশি সালাঃ মেশা কাতে তাঁহেন কান তাঁহেনা- যেলেকা
বাংলা লিপিতে অল আকান পুঁথি কদ বাংলা হৗটিঞ সাঁও আর অলচিকিতে অল আকান পুঁথি কদ উড়িয়া
হৗটিঞ সাঁও মেশা কাতে তাঁহেন কান তাঁহে কানা। অনা বেগর সান্তাড়ি পৗরশি মেনখান আরহঁ
এটাঃ লিপি তে অল আকান পুঁথি কহঁ সাল মেশাল হিনৗনিয়ৗ হৗটিঞ সাঁও মেশা কাতে তাঁহেন কান
তাঁহেনা। মেনখান নিয়ৗ তায়ম দ যাঁহাতিনৗ মেনেৎ হানে ব্রিটিশ আমল খন অল আগু আকান সান্তাড়ি
পুঁথি ক নিৎ সান্তাড়ি হৗটিঞ রে হিজুঃ আ। মেনখান নওয়াক সাম্টাও তে আয়মা অক্ত লাগাঃ
আ মেনতেহঁ মানতান বাস্কেয় সদর আকাদা। এনহঁ আডিদিন তায়ম ন্যাশনাল লাইব্রেরী রে সান্তাড়ি
হৗটিঞ ঝিচ্ এন খৗতির রৗস্কৗ সালাঃ ন্যাশনাল লাইব্রেরীরেন মিনিস্ট্রি অফ কালচার এফেয়ার
(গভঃ অফ ইন্ডিয়া) সাঁওতে সানাম কৗমিয়াকো আডি আডি সারাহাও অনা সাঁওতে সানাম অনলিয়ৗ,
অনড়হিঁয়ৗ, সাঁওহেদ্ দরদিয়ৗ,সুবুদিয়ৗ পাঠকিয়ৗ,খঁদরঁদিয়ৗ আর খবরিয়ৗ কো মানতান বাস্কে
AISWA (W.B.) পাহ্টা খন সানাম কো সারহাও এ চাল আকাৎ কোওয়া।
.webp)
.webp)
