আবোওয়াঃ কাথা ওয়েব পেজ- তেহেঞ ৫ অক্টোবর ভারত জাকাত মাঝি পারগানা মহল মেদিনীপুর সদর তল্লাট পাহ্টা খন চন্দ্রকোনা রোড রে উত্তরপ্রদেশ রেনাঃ হাথরসরেন লাতার গাঁতাত মৗই গিদৗর মনীষা বাল্মীকি আঃ ভরম নাসাও কাতে খুন রেনাঃ রড় দারাম আর দোষী কোওয়াঃ শাসেৎ রেনাঃ দাবীতে সাঁওতে পছিম বাংলা রেহঁ আদিবাসী তিরলৗ চেতান দিনকে দিন ভরম নাসাও লেকান নির্ঘিন ঘটন বাড়হাও চালাঃ কান রেনাঃ রড় দারাম লেকাতে আডি মারাং বিক্ষোভ সমাবেশ হোয় এনা মেন্তে বাডায় আকানা।
উত্তরপ্রদেশ রে মিৎ নাগাড় গে লাতার গাঁতাত রেন তিরলৗ চেতান বাংমা নংকান ভরম নাসাও,খুন,জখম চালাঃ কানা মেন্তে মহলে দাবীয়াকাদা। আর অনা খৗতির গে অনা বিক্ষোভ সমাবেশ রে উত্তরপ্রদেশ রেন মুখিয়ামন্ত্রী যোগী আদিত্যনাথ আঃ কুশপুতলা ক রাপাঃ আকাৎ তায়া মেন্তেহঁ বাডায় আকানা।
অনা বিক্ষোভ সমাবেশ রে মেদিনীপুর জেলা রেন জগ পারগানা বাবা মানতান মনরঞ্জন মুরমু আর মেদিনীপুর সদর তল্লাট রেন পারগানা বাবা মানতান স্বপন মান্ডি গম্কে তিকিন সেটের কিন তাঁহেকানা, সাঁওতে গড়বেতা১,২,৩,বুগড়ি মুলুক,শালবনী ভঞ্জ মুলুক আর কেশপুর বাবন মুলুক রেন পারগানা বাবা, মাঝি বাবা,মাঝি হপন আর হপন এরা কো সেটের তাঁহে কানা মেন্তে বাডায় আকানা।
.webp)
.webp)
