আবোওয়াঃ ওয়েব পেজ- পছিম বাংলা ঝাড়গ্রাম জেলা বিনপুর- II ব্লক বেলপাহাড়ি থানারেনাঃ ঞুতুমান শিলদৗ পাতা নেশদ হৗপিদ্ তাঁহেন কানা মেন্তে বাডায় ঞাম আকানা। নোওয়া ডগর দ শিলদৗ দিশম বাবা ভৈরব পাটাবিঁধৗ আদিবাসী খেরওয়াল পরব কুমুট রেন সভাপতি মানতান লিলু সরেন আর অনা পাতা রেন সেক্রেটারী মানতান সুনীল হেম্ব্রম গম্কে তৗকিন মিৎ বেওরা সাকাম তালাতে দিশম হড় কিন বাডায় অচ আকাদ্ কোওয়া বাংমা নেসদ কোভিড-১৯ খৗতির পাটাবিঁধৗ পাতা থুকৗম তাঁহেন কানা মেন্তে।
নোওয়া পাটাবিঁধৗ পাতা যাও সেরমাগে দুর্গা পূজা রেনাঃ একাদশী
আর দ্বাদশী হিলোঃ হুয় হিজু কান তাঁহে। অনালেকাতে নেশদ ইং-২৭ আর ২৮ অক্টোবর হুয়ুঃ রেনা
কাথা তাঁহে কানা। মেনখান নেশদ ধৗরতি জাকাত করোনা ভাইরাস রেনাঃ দাপট তেগে হৗপিদ্ তাঁহেন
কানা। নঁডে লৗই লেগ্ কানা পাটাবিঁধৗ মাড়াং আদিবাসী হড় হপনাঃ আয়মা ঞুতুমান পাতা-পরব
গে হৗপিদ্ তাঁহেয়াকানা। যেলেকা বর পাতা, কোলকাতা মাঃ মঁড়ে, চাকুড়তাড়ি ছাতা এমান পাতা
কঁহ মিৎ মিৎতে হৗপিদ্ হেচ্ আকানা।
বাডায় আকানা নওয়া পাতা করেগে হড়-হপন রেন বেবসা-বৗনিজ হড় দ নংকান
পাতা কয়ঃ হর রেকো তাঁহেনা। অনা লেকাতে আয়মা বৗনিজ-বেপৗরি কোগে নোওয়া পাটাবিঁধৗ পাতা
কয়ঃ হর রেক তাঁহে কানা। আয়মা হড়াঃ আশাহঁ তাঁহে কানা বাংমা উনৗদিন তেদ স্বাভাবিক হোয়োঃআ
মেন্তে। মেনখান বাং হোয় লেন খৗতির আয়মা বৗনিজ-বেপৗরি কোগে ভাবনা রেকো পাড়াওএনা মেন্তেগে
বাডায়ঃ কানা। চেদাসে নোওয়া পাটাবিঁধৗ পাতারেদ হড়-হপনাঃ আয়মা লেকান জিনিস-পৗতি কিরিঞ-আখরিঞ
হোয়োঃআ। বাডায় আকানা পাতাটাঁডিরে অড়াঃ রেনাঃ সামগ্রী হাটাঃ জনঃ বিনঠি খন এহব কাতে লুগ্ড়িচ্
মেন্মে ধুতি, শাড়ি, পাড়হার পাঞ্চি, মারাং মারাং হোটেল, সাঁওতে থারে থার ঞেল জং লেকা
পুঁথি-পতব দকান কঁহ সাজাও তাঁহেনা।
বাডায় আকানা বাংমা নঁডে পুঁথি-পতব ঞামঃ খৗতির যেলেকা আয়মা অনলিয়ৗ,সাঁওহেদ
দরদিয়ৗ পৗঠকিয়ৗ কো সহর সেটেরঃআ অনকাগে আয়মা পৗঠুওয়ৗ কঁহ পুঁথি-পতব ক পানতেয়া। অনালেকাতে
পাটাবিঁধৗ পাতাদ নেতার আয়মা হড়াঃ মচারেগে সাঁওহেদ্ মেলা মেন্তেহঁ আঁজমঃ কানা।
বাডায় আকানা নোওয়া পাটাবিঁধৗ পাতারে পছিম বাংলা রেনাঃ আয়মা জেলা খন আয়মা ঞেঞেলিয়ৗ কো হিজুঃ কান তাঁহেনা অনা বেগর উরিষ্যা,আসাম, ঝাড়খন্ড পনৎ এমান করে খনহঁ হাজার হাজার ঞেঞেলিয়ৗ গৗডি-মটর রিজার্ভ কাতেকো সেটেরঃ কান তাঁহে কানা। মেনখান নেসদ অনকান চিতৗর বাং ঞেল ঞামঃ খৗতির সোর-সোপোর রেন লেকাগে সাঁগিঞ করেন হঁ আয়মা ঞেঞেলিয়ৗ হড়গে মনে বৗড়িচ ক সদরেদা মেন্তে বাডায়ঃ কানা।
.webp)
.webp)
