দাঁসায় পরব
মহাদেব হাঁসদা
দাঁসায় দ গুরু আর চেলা কোওয়াঃ দিশম সাঁঘার রেয়া পরব কানা।
সেদায় দ জাও সেরমা রুহ্নি হিলোঃ (ঝেট রেয়াঃ ১৩ মাহা) খন গুরু
রাচারে চেলা কো দুড়ুপ্ কান তাঁহেনা। গুরুঠেন খন মানতার, ঝাড়নি, বান মারা, চালন্ মারা,
নাসন তাড়াও এমান গুণ বিরদৗ কো চেৎ এৎ তাঁহেনা আর রুওয়া-হাসো রেয়াঃ রান-মুরগৗন হঁ কো
ওরোমেৎ কান তাঁহেনা।
অনা তায়ম দাঁসায় বঁগা রেয়াঃ চাঁদো মোলোঃ মঁড়ে মাহা খন গুরু
আর চেলাদ দিশম সাঁঘার কো ওডকো আ।
কারমু গুরু ঞুতুমতে গুরু রাচারে সুনুম সিঁদুর কো আঁড়গোয়া। মিৎ
কাথাতে গুরু আর চেলা কো “তন্ত্র শাস্ত্র” কো চার্চায়া। মেতাঃমে শান্তি, বশী করণ, স্তম্ভন,বিদ্বেষণ,
উচাটন আর মারণ বিরদৗ কো চেদা। সান্তাড়িতে মেন লেখান দ নাপায় কঃ, মুহ্নি কাঃ, তেন কাঃ,
হিস্কৗ কাঃ, ভিড়কি কাঃ, আর হানা পুরি কাঃ বুঝাউঃআ। নোওয়া বাখরা তে আয়মা মান্তার আর
রান মুরগৗন করেয়াঃ কাথা মেনাঃ আকাদা।
গুরু রাচা রেয়াঃ বঁগা সারেচ্ সুনুম সিঁদুর দ আতো আতো, অড়াঃ
অড়াঃ কো ইদি সেটেরে আ। যেমন সানাম হড় নায় বাড়ে, নাপায় বাড়ে কো তাঁহেন। মিৎ কাথাতে হড়
বুগি,দিশম বুগি আর ধৗরতি বুগি তাঁহেনঃ মা। নোওয়া কানা দাঁসায় সে দিশম সাঁঘার রেয়া জস
দ।
সুনুম সিঁদুর আর আয়নম কাজল দ বঁগায় জিনিস (সামাগিরি) কানা।
মিৎ গুরু রেন চেলা সাঁও আর মিৎ গুরুরেন চেলা কো ঞাপাম লেনখান সেরেঞ তে কো এপেসেদঃ আ।
বঁগা সারেচ্ সুনুম সিঁদুর কো এপেমা। অনা তায়ম গুরু-গুরু আর চেলা-চেলা কো জহার জংআ।
রেভাঃ এ. ক্যাম্বেলাঃ কাথা লেকাতে-“ Young man who have
undergone a short training in medicine, exorcism and diving who singing and
begging during Dansai Festival.” অনকাগে, আডি ঞুতুমান খঁদরঁদিয়া রেভাঃ পি.ও. বোডিং
দয় লৗই আকাদা-“ The deciples of an Ojha who have finished their course of
instruction and during the Durga Puja walk about begging Indian corn etc.
.webp)
.webp)
